《新月派仙術奇譚》之《毒撚•女神•百鬼夜行》: 21. Lego

黑寡婦Lego從木仔的褲袋裡爬出來後四處張望，在岩洞裡好奇地走了一圈，最後坐下來看電視。

一頭霧水的木仔問Lily：「師父⋯⋯呢D係咩嘢仙術嚟㗎？」

Lily沒有回答他，而是皺著眉頭凝重地說：「木仔，攞定支警棍出嚟，同我背對背，佢應該仲喺度未走⋯⋯」

木仔依她的吩咐拿出警棍做好作戰的準備，他倒抽一口涼氣，心想：「無理由㗎，個Lego公仔係鯊魚俾我㗎喎，佢應該唔會陰我嘅⋯⋯」縱使他的主觀意願是這樣，這時他確實是感到有雙眼睛在某處盯著自己⋯⋯

Lily把片段fast forward，一天之後，黑寡婦Lego來回踱步，看似心事重重⋯⋯突然，她倒下了，同一時間木仔醒來了！木仔起來上廁所，走去廚房拿東西吃，然後又回來躺在安樂椅上閉上眼睛。接著輪到Lily起來上廁所，吃東西⋯⋯往後的一天他們三個也是這樣重複著⋯⋯





「師父，佢唔似係敵人喎⋯⋯」

「唔理咁多⋯⋯」

Lily拿出一道黃色的符咒，上面有些硃砂寫的鬼畫符，中間寫著一個「蠅」字。

「喝！」Lily一掌拍左符咒上，一支手指頭大小的蒼蠅應聲在符咒上閃出。

「睇住我個肉身！」





一道綠光從Lily身上跳進蒼蠅體內。

「嗡⋯⋯嗡⋯⋯」蒼蠅在岩洞內四處游走⋯⋯然後在安樂椅上盤旋。

突然，Lily的魂魄回到本尊身上，厲聲大喝：「安樂椅個頭枕！」

木仔聽令飛身撲向安樂椅，手起棍落！

「唔好呀！」





熟悉的嗓音即時令木仔止住了攻擊⋯⋯那個黑寡婦Lego公仔雙手抱著頭惶恐地望著木仔，眼泛淚光⋯⋯

「招！」一道藍光從Lily的右手激射過來，包圍著黑寡婦。

「颯！」藍光像繩索一樣把黑寡婦扯過去落入Lily的掌中。

木仔緊張地叫喊：「我識佢㗎！」

Lily滿面狐疑，謹慎地打量著手中的黑寡婦。

黑寡婦叫道：「木仔，我係阿四呀！救我呀！」

於是，木仔馬上向Lily長話短說他與阿四那段奇緣。接著阿四慌忙補充一下：「係啊，我大部分嘅魂魄已經去左陰間喇，我都唔知點解仲有呢一小部分會痴住木仔㗎，其實我一路好似訓左覺咁，係幾日前先知醒返，嗰陣木仔身上突然好多仙氣，我頂唔順就走左入個Lego公仔度囉。之後見你哋去左成日都無返嚟，驚你哋餓親，咪幫你哋起身食嘢囉。」

Lily沉思一會，問阿四：「咁頭先做乜鬼鬼祟祟啊？」





阿四害羞地說：「我驚木仔仲嬲我上佢女朋友身吖嘛⋯⋯」

木仔即時面紅耳熱，尷尬地說：「點會喎，其實⋯⋯」

「呵呵⋯⋯明晒喇，我真係頂你哋唔順喇。」Lily終於把阿四放開了。

阿四立刻蹦蹦跳跳飛身躍上木仔的肩膀，興奮地叫喊：「咁我以後就跟住你喇！呢幾日我發覺響Lego裡面係唔怕陽光㗎，咁我就日頭都可以周圍走啦！」

木仔此刻無言以對⋯⋯

阿四接著說：「最多我平時都係哩埋响褲袋裡面吖！」

Lily打斷了他們的「對話」：「好喇，落堂喇，要返去殮房喇。」





「颯！」一聲後，他們就回到了殮房的4號房。木仔拿回手機後就向Lily說再見。

臨走時，Lily跟他說：「好好休息，今晚再嚟過，不過我可能有D高估左你，『出神奪舍』太高風險喇，都係教你其他嘢先啦！」

「哦，你唔嬲我就好囉⋯⋯拜拜師父。」

在回家的車上，木仔打開快沒電的手機，裡面有無數的Message同Missed Call。大部分Missed Call是鯊魚和張力打的，還有波Sir！他遲疑了一下，最後決定還是回去睡一會再回覆波Sir吧，反正已經隔了那麼久。

之後他把Message逐一打開⋯⋯

星期四晚鯊魚和張力發了幾個Message問他去了哪裡，之後張力傳來一副跟鯊魚、Betty和Yenny去蘭桂坊的Selfie，木仔即時覺得異常葡萄，突然好想把那幅Selfie刪掉⋯⋯

星期五白天，鯊魚又傳來一堆Message：「你做乜粒聲唔出走左去，唔係嬲吖嘛？」

「你走左之後酒吧著火呀！唔駛埋單呀！正！」





「你個friend揸法拉利送我哋返CU呀！佢好高級㗎咩？」

木仔心想：「唔通張力係富二代？唔怪得佢以前喺學堂咁寸啦，真係高富帥⋯⋯」

突然葡萄的感覺又湧上心頭⋯⋯看見張力的幾個Message，木仔好想delete，猶豫了一會，最後還是打開來看了，星期四晚的Message：

「你去左邊呀？Call番我啦。」

「Call番我啦。」

「我學完套棍法喇，出嚟過兩招吖，Call番我啦。」

星期五的Message：





「覺得我唔夠班呀？定係怕輸呀？」

「Call我呀！」

「你一定會好後悔⋯⋯」

「你一定會同我打⋯⋯」

「你一定會輸俾我⋯⋯」

木仔想：「唉，D有錢人都痴𨳊線嘅，D女又俾你溝𨶙晒，仲想點呀？打𨶙死我好未？」

正當木仔心煩意亂之時，忽然發現一堆Message當中，有一個是來自Betty的：「我覺得你好特別喔，單獨出來見面可以嗎？星期天OK？」

木仔想：「嘩，呢個冷冰冰嘅Betty，外表斯文，原來內裡Open啊⋯⋯我好亂呀！」

作為一名毒撚，最後木仔也很自然回了Betty：「OK！」

內心稍微好過一點的木仔回到他的住所時，一幕熟悉的情景出現在他的家門口，家門打開了，一個人在門鎖上套取指模。那人胸前掛著警察的委任證，是個CID。

木仔問道：「師兄，咩料呀？」

那個CID抬頭看見木仔，嚇得魂飛魄散，慌忙大叫：「佢返左嚟呀！」