愛情的遺跡: 對話

我繼續沉悶的工作，聯絡判頭清場，清潔，執爛，小五金，精裝修，漏水等等。
突然又收到電話，這次是8個數字的手提號碼，誰呢？
「喂。」我接上電話。
「喂，阿樹，我係阿姍，Ben今日last day阿，我留左兩件西餅俾你，得閒上黎大堂食啦，拜拜。」她急急說畢就掛線了。
我還未來得及吸收剛才的對話，打錯電話？
我嘗試抑制心裡的不安，把剛才的電話號碼新增聯絡人，然後撥通電話，嘟嘟，嘟嘟，響了兩次，接通了。
「喂，阿姍？我唔食啦，你食埋佢啦。」我說。
「做乜唔食阿？」她問道。
「唔慣食下午茶阿，你地食啦。」我答。
「好啦，我做緊野，whatsapp我吖，拜拜。」她說




「好啦，拜拜。」說畢我掛上電話。
然後接近下午五時，手頭工作都做完了，我走上一樓大堂找她。
遠看她在埋首工作，應該有點忙？
我靜靜地走過去，看到有個紙巾物體放在詢問處的枱上，然後站在詢問處旁看著那個不知名物體，再走向她視線範圍，她見到我了。
「食唔食阿？」她指著。
「你就咁擺係到用紙巾包住？想食死我？」我問她。
「哈哈，專登留俾你食架，個盒俾Ben拎走左，我已經用紙巾包住架啦，睇下我幾好。」她滿顏歡笑說。
「嘩，多謝哂喎。但我唔食啦，我怕肚痛囉！」我諷刺著說。
「是旦啦，擺低等夜間啲保安同事食囉，實有人食架。」她暗笑道。
「乜你咁黑心架。」我再說。




「咩喎，咁無人食費事曬左啦。」她繼續暗笑。
「收工未先？」我把話題轉開。
「差唔多啦，你都收工啦？」她反問道。
「係阿，我返去換衫啦，whatsapp你啦。」我答她。
然後她示意OK手勢作道別。
我走出門口，向後回看，心裡感到有點歡喜。

回到地盤寫字樓後，換好衣服，等待神聖的一刻來臨—收工。
我按下Whatsapp，開了她的對話框。
「幫我食埋佢」我把訊息傳送。




「我叫啲保安同事食啦！食完應該會屙」她附上猴子掩口的Emoji。
我回覆了驚訝的Emoji。
「哈，放左成個鐘啦！」她回覆。
「唔怪得叫我食啦」
「但我知你唔會食架！」
「如果我食呢」
接著我的手機電量已經用畢，看到螢幕中間的圈圈再轉著然後自動關機，蘋果手機不能換電真不方便。

我急趕走向閘機打掌形機下班，然後走上座駕，開動引擎，把電源線接上，等了大概五分鐘，手機終於復活了。
「覆完你機都熄埋」
「部機都知你黑心」我延續話題。
大概晚上七時，她回覆了。
「你第一次打電話黎話唔食就唔食架啦！！」
「哈，我邊有黑心」附上哭笑的Emoji。
「你冇電就冇電啦！」




「賴我」她一口氣回覆。

然後我們持續著對話，當中有談著唱卡啦OK，有工作的內容，有她暗中在兼職的對話，有大家喜歡日本及探討旅行的話題，有說著大家的興趣，甚至有她害怕坐我車的話。
而最重要的是，她說把東京旅行作日本的終點，要留給她的未來丈夫，而且我知悉她有男朋友了。

話題持續到十一點，她也應該睡了，我也結束這一天的生活。