《我愛上咗一個偷心賊》: 三、吸引

眼前的女孩束著馬尾，留著當下流行的空氣劉海，身材高瘦，皮膚卻蒼白異常，
猶如金庸筆下小龍女般，頓時把世間的所有美女比下去，
外表雖似冰無情，但從語氣中能聽出那份對戲劇的熱愛，就如小龍女每次提起楊過時的語氣

「小...龍女」

「啥？」

「啊...我意思係妳好鍾意戲劇？」



「都係㗎，每一套劇都可以扮演唔同嘅人，唔係好有趣咩，就好似小龍女咁，嘿嘿」

「原來妳都聽到曬」

「讚美嘅說話聽下都無妨啊，嘿嘿，咁你有無興趣入嚟玩下啊？」

「我...」

話未完，她已經被學會的入拉走了



「舒琴，以後唔好再同佢有接觸啦」

「點解啊？」

「總之唔好同佢有任何接觸」

「原來佢叫舒琴...」

舒琴沒有回應，只是回頭看我的方向，但我早已離開走遠了。



校內的大部份人都把我標籤為自以為是， 自傲的人，後來演變成所有人都不敢與我接觸，不過我也不在意這些東西。

「我返嚟啦」

家中還是依舊空無一人， 七百尺的一間套房只有我自己一個顯得格外空虛，我不是說羨慕別人溫馨的家庭，只是過了四年還不是很習慣，
我沒有多想便回到房間躺在床上睡了起來

我醒來的時候已經是晚上的七時正，天色變得暗了起來，我把校服脫下，換成了T-shirt和牛仔短褲出門了，

我到了麥當勞隨便點了個餐，先找個位坐下了，

「咦？呢位咪我地的問題學生？」

「妳就唔打算問下有冇人先坐咩？趙詩琪」



我面前坐下的就是我的師姐

「反正你都係自己一個食㗎啦，仲有，叫我師姐」

「係係係」

「你好心就唔好成日食埋啲咁冇營養嘅嘢，得閑都自己煮啦」

「得啦」

師姐的臉漸漸變紅開口說道

「唔得閑煮嘅話，我可以煮埋你嗰份，反正我平時都係煮自己個份」

「食完，我走啦，拜拜」



無端白事要代自己找麻煩，要幫別人煮飯，真是個怪人，不過要說的話，師姐好像在校內挺受歡迎的，每天中午在飯堂也會有一大堆觀音兵圍著，雖說有這麼「入得廚房出得廳堂」的美女為我煮飯是件幸福的事情，但我沒有興趣這樣自找麻煩。


「白晝的確可以令人感到溫暖，但係...唔代表黑夜唔會來臨，同你相遇，相識，相愛...真係好開心...，但係請你忘記我...」

突然聽到一位哭不成聲的女生飲泣的說着，說話的內容像是兩位相愛的人不能相愛，說話的聲音都變得沙啞了，光是聽著都有股令人心酸的感覺，
耐不住好奇的我向著聲音的方向走去，發現是來自社區劇院的裏頭，原來剛才的那句說話是句對白，我打開了劇院的大門探頭看了一眼

「嗯？係佢？」