《天使女孩住進我的家》

序章

「你無事啊麻？」
 
        由細到大，天使總會用形形式式既方法出現係我地身邊。
 
        無論係賣俾小朋友既玩具精品，抑或係聖誕節既裝飾擺設，甚至乎係裝扮舞會裡面穿著性感既女仔，都唔難發現到佢既蹤影。
 
        或者係大多數人既心目中，天使早就已經被定型。
 




我諗大概就係一個穿著白色長紗裙，背上有一對白羽毛翼，星眸皓齒既美少女吧。
 
「喂，我同緊你講野啊。你無事呀麻？」
 
少女趁住戰鬥既空檔，轉過頭黎望住我。
 
        高挑的鼻樑配上紅粉小唇，臉型輪廓深明有致，彷如是俄羅斯和亞洲人的混血兒一樣，非常吸引。
 
「無事既話就唔該快D行埋一邊啦。」少女繼續補充。
 




「嘔到成身都係既死肥仔。」
 
於是乎我徐徐低下頭望一望自己那條滿佈嘔吐物既褲晾，然後再重新抬起頭來望向眼前呢位少女。
 
銀色長髮，配上一件線條簡潔而賦有女人味既白色護甲，再加埋手上緊握著的圓盾及騎士槍。
 
「你……」我好不容易才能夠在急速既喘氣聲中找到空隙說話。「你係咩人黎？」
 
「我？」少女用那雙正散發著金黃色光的瞳孔輕輕注視了我一下，然後緩緩移開重新直視前方那隻不知名黑色生物。
 




此刻一股同樣是金黃色的靈氣突然從少女身上冒出，並且纏繞到她的背上，形成一對彷彿真實存在的雪白羽翼。
 
「我係天使。」