簡介

小弟小試牛刀,談談路姆西



【獨家報導】 近日IKEA公仔路姆西一夜間瘋魔全城,更成為所有男女老幼搶購的目標,但事件中的主角路家尚未公開對"被掟"表達看法。本報記者有幸覓得並且親身到訪路家,了解路姆西的意見和路家家庭狀況。

梁小姐(路姆西老母化名)見面時和藹地招呼小記,十分親切。但當一提到路姆西現象,她就無奈地表示:「真係冇辦法... 呢啲野冇得控制,輿論就由佢啦,我只係擔心我西仔第時會唔會被人欺凌...」說到這裡,正值朝枝之年的梁小姐不禁現出老態,眉頭深鎖。據小記觀察,路家所 在地霜降鎮確實是一個治安奇差、經濟蕭條的區域,而路家本身亦不例外。

鎮上有過昔日風光,然而自從幾年前一次大規模蟲禍之後,農作物和基建嚴重失收,進而令到霜降鎮倒退五十年至第三世界水平。環觀路家四周,家徒四壁,連用作小路姆西食糧的奶粉都缺少,梁小姐亦只能領取鎮政府的慈善粥水幫補生活。

「應該先拯救民生後再掟個我地(路家母子)丫嘛!」梁小姐將憂愁化作憤慨道。「仲嫌我地唔夠折墮,要踩多兩腳!」旁邊的路姆西一臉認真地說:「唔洗驚媽媽,我 會俾心機去背書去考好個試,同埋努力派送牛奶及報紙㗎。」當下母慈子孝,場面感人,高齡產子的梁小姐該老懷安慰了。

無經歷過父愛的路姆西及後被問到關於親生父親的問題之時,顯露出不之所措的情態。他老母唯有送小路姆西返房,然後面帶慍色地解釋道:「你最好都係唔好提嗰個拋妻棄子嘅人喇!」小記最後只好告別路家與結束行程。可是在機緣巧合之下,小記於離程途中遇上霜降鎮鎮長並進行訪問。



「此終我唔否認路姆西事件中反映出百姓嘅聲音,但係個公仔掟左出嚟,就代表個聲音唔再存在。」鎮長評論道。「路家母子亦無為喺到搞事啦。」¶