(同人)無法傳遞既思念(短文)

「登登...登登登登.登.登...登登...登」

聽到Pokemon Go既載入聲響起,我就知道，你終於番黎揾我啦。

隨住地圖畫面成功載入，畫面上出現初代御三家，小火龍、車厘龜、奇異種子，只有我從遠處默默咁望住你，

期待住你發現我既一刻，你會好似以前咁依舊揀選我，

成為你冒險既拍擋，然後你會帶住我去挑戰無數既訓練員





同棘手既道館掌門人，憑住我既十萬伏特同打雷絕招，

幫你打開勝利之門，而你亦會好似以前咁，為我取得勝利而歡呼，

對住我笑，我鐘意見到你笑，我唔會再輸架啦，

我討厭輸，當我進入瀕死狀態，而你身上又無更生劑，

你會踩住單車帶我衝入寵物小精靈中心，





你會係我治療期間同我講:「你一定要好番，OOO」，

雖然呢句野聽落好普通，但係知道你關心我，我真係好開心，

我唔想見到你傷心。從此之後，我每一次對戰都竭盡全力，

令對手進入麻痺狀態，命中對手要害，為左你，我想赢,我想你對住我笑，

我想你同講:「赢左啦！OOO!」然而旅程終結既一日始終到來，





登上榮譽殿堂，我地一齊收服超夢夢，果晩你笑住關上了遊戲，

然後你和我見面既次數不斷減少，你偶爾才會打開遊戲，

每次見你，你既樣都唔同，可能係大過左既關係，但係你更唔同既地方係，

你唔再同我講野，你唔再對住我笑，你唔再係我出絕招果陣大叫十萬伏特，

你每次默默地打開遊戲，然後默默關上遊戲，是我做得不夠好嗎？

為甚麼你不再打開遊戲？我比卡比卡的叫着，然而這些話語未能穿過遊戲熒幕，

傳達到你所在既世界，傳達你既耳邊，之後既遊戲入面，我再看不見你既身影，

你無再玩新一款既遊戲，而我則留在孤寂既遊戲世界思念着你，





直至你下載pokemon go,我與你再一次連接上，我可以再一次隔着熒幕看到你，

即使你已經長大，我看到的依舊是童年的你，我依舊追隨着你既身影，

我等待着你回頭，然後你轉身走向我面前，笑着望我，並且依舊繼續選擇我，

我已經忘記左你既聲線，所以你可唔可以好似以前咁，再叫我一聲比卡超呀？