《十少年》: 第十八章─── 迷失的少年，雨中的不返路。
第十八章─── 迷失的少年，雨中的不返路。
香港下起大雨來，一整片天空也顯現了曇天。
「哇！屌，好撚大雨」電視台外一名少年大叫。
他是誰……？我不知道，現在我需要冷靜一下。
那少年的人影倒射在地上，身材看來很高瘦。
「哇！咁鬼多人既！做咩個個低哂頭唔講野！？我入黎避雨，唔洗理我」那少年說。
我抬頭看看那少年，他背影十分熟眼……
他突然唱起：「消失的十少年，最後也無家歸去～」
這……這隻歌是我們「四庭雷豹」所有人夾Band一起作的歌……
我眼前這人是誰……？
我把頭抬起，他是……他是……
「Tobe！」阿浩衝了過去摟抱著他。
這個少年是Tobe，是我們Whatapps群的成員。
過了這麼久，想不到他還未死……還是在這種情況下相遇。
「你地……你地……」Tobe呆了一呆。
「係……我地仲未死」阿浩說。
接著阿浩跟Tobe兩人相擁……我也很想過去一起相擁他們，
「嗚嗚嗚嗚！！！！」這時Tobe哭起來：「我一個人生活好辛苦啊！」
「Brother！I know that feel！！！」肥東衝了過去相擁在一起。
接著大家也開始擁抱在一起……我也一起了。
兄弟永遠能給我最大能量。
接著我們把一切以來的事都說給他知道，他每聽見一個變態佬便呆了起來。
「講完，到你」阿浩說。
Tobe：「我冇咩特別，一直都係山林到生活，完全冇離開過……直到有喪屍開始上嚟我先走落山，順便睇下情況」
「我地要即刻救潘思晴……」我說。
阿政：「唉……仲差Kai安，佢果日跌左落山……唔知佢點」
阿奇：「你地有冇咩方法知道佢地捉左阿晴佢邊……？」
所有人也靜了下來，因為我們知道她也不可能生存到。
突然門外一個高大的黑影蓋住了我們……那人是，雨衣男！
「雨衣男……林！」我跑向他：「你可唔可以幫我！可唔可以！？」
雨衣男：「小丑佢地喺清水灣高爾夫鄉村俱樂部」
「你唔喺嚟殺我地嫁咩......？」傑天問。
「佢無權控制我，殺唔殺你地由我決定」接著他望了我們一眼：「快手去，如果唔係我唔知嗰女仔有咩下場」
「……」阿奇轉身衝了出去。
「上啦！齊哂人仲唔上！」Tobe大叫。
接著肥駿背起了莫善盈的屍身……
看到這個畫面不禁令我有所感觸。
有一天，我也會這樣背起潘思晴嗎？
「肥駿，你咁樣會好累……」J賢說。
「我唔累……我唔想放低佢……」肥駿說話低沉，
「既然係咁……你累既就比我，我地既然同一時間鐘意上一個女人，佢宜家死左……我地就唔好再為佢而憎恨對方，就等我地一齊守護佢……」J賢說。
雖然他們兩人現在說一些不合附邏輯的事情……但是我相信有時候情感比理性更為重要……
雖然他們已經消失在這世上，但他們永遠在我們腦中揮之不去。
我們跟著雨衣男入黑走到清水灣高爾夫鄉村俱樂，
因為是山林之間，所以沒有太多喪屍出末。
最後走入了清水灣布袋澳村路，山林之間有一間大屋。
「哇哈哈哈哈哈！！！我都估到你會出賣我」小丑在大屋中笑說。
雨衣男：「我只係去叫援兵幫我手殺你地，有什麼好笑？」
「嘻嘻哈哈哈哈！條女係間大屋最入面！你地盡管過嚟！哈哈哈哈……」
「林，點解你要背叛佢地轉黎幫我地？做咩你唔順手殺佢地？」我問。
雨衣男：「佢每個人都應該死，仲有你唔好當我真係可以一打十」
「啊！！！！！！！」肥駿怒叫一聲，這是我一生中聽得最撕心裂肺的叫聲。
他打破落地大玻璃窗：「比返阿盈我啊！！！！」
「冰！」
玻璃窗破裂的同時，幾個花瓶從下而降！
肥駿硬生生吃了一記。
雨衣男大叫：「唔好亂咁嚟，佢喺間屋裝滿哂機關」
每次大雨中……林總會出現在我面前救我一把，他到底是何人。
這時小丑極速逃入深處：「張子松！我留比你果條A片好唔好睇啊！？」
小丑：「我地本來都想幫你條女拍片，點解你條女既然做左D我地都唔敢相信既野，嘻嘻……想知就入去啦！」
潘思晴……！潘思晴！！！！
「阿奇！」我看著他，他也看著我，
達成了共識。
「衝啊！！！」我大叫一聲，理得佢有什麼鬼陷阱機關！！！！
有種就連我也殺掉！
我衝進了大屋後，大家馬上分散四處尋找潘思晴。
阿奇和我跟著小丑走到大屋的盡頭，
小丑下了一層樓梯……原來還有地下室！
我們跟著下去……下面暗黑無光……我跟阿奇背對背走著。
「噠！」一聲，我們前面一間房子的燈亮起來，裹面有一張長桌……上面躺著潘思晴……！
我快步走了進去，捉緊她的右手：「潘思晴！！！」阿奇緊握她的左手。
「嘻嘻又中計啦！？」
這時我往後面一看，小丑就如在電源房般，輕輕的踢了一下房門，反鎖我們在裹面。
「張子松啊……張子松，你呢一世人真係輸比嗰情字……」
這時桂哥和兩名MK在暗角位走了出來：「唉……有得睇冇得食！」
「你咩意思啊你！？」阿奇大喝。
「你地睇下佢左手先啦！」桂哥怒叫。
潘思晴左手有一個咬痕……難道……難道……！？
小丑笑說：「嘖嘖，佢為左唔比我地搞竟然特登衝左入喪屍到……哈哈哈哈哈，問世間，情是何物呀？」
「你地三個人慢慢喺到談情啦！嘻嘻嘻……」小丑把燈關上，拉下了往地下層的樓梯樓。
這時如同電源房一樣，四處無光……但我不怕，
因為有她陪住我……
她手指突然微微動彈……
「潘思晴！！！潘思晴！！！」
「阿晴！！！」
「得啦……得啦……唔洗係咁叫我……」她聲線十分虛弱。
「你點解要衝入去喪屍到！？」阿奇抽泣的問。
「因為……因為我唔想比嗰班衰人辱染……」
我笑說：「傻豬，你咁樣同自殺有咩分別……？」
我見過賢仔和掃巴頭的下場……給喪屍咬的人最後都會死掉。
所以現在也沒用，在她離開時給她開心一點吧。
「哈……阿松，你嬲唔嬲我……？」
「唔嬲啦，唔嬲啦！」我捉緊她的手。
「你地兩個隻手好溫暖……」
她身子十分寒冷，我盡量捉緊她……給她一些溫暖。
「快D殺左我……」她說。
「點解？你唔好離開我！！！」阿奇說。
「唔殺左我既話……我死左就會變喪屍咬你地……」
媽的……上帝你是否在玩我，為什麼總要玩弄我身邊的人……
我堅持忍著淚水：「一齊變喪屍啦，咁就唔洗面對呢個世界」
阿奇同意：「係，要變就一齊變」
不經不覺，不知過了多小時，
她開始發燒起來……潘思晴，你要撐著……
「潘思晴！！唔好訓啊，一訓就冇嫁啦！」我說。
「但係我真係好累……」潘思晴說。
「忍住啊……」我也在忍著我的眼淚流出來。
我相信阿奇也跟我一樣……
又過了不知多少小時……我腹部的崩帶開始疏散，痛楚弄醒了我。
「潘思晴……你有冇訓啊……？」我忍著痛問。
「我手腳好冰冷……同好麻痺……」
啊！！！！！要我看著最親愛的人死去我根本受不了！！！！
我：「同你講一個笑話，從前有三隻蝦，加哂之後就係哈哈哈」
「嗰笑話好爛……但係幾好笑……哈」
她終於笑了……
接著連續的時間我都跟阿奇說笑話給她聽，
她不斷在笑，無論那笑話是好笑與否……
她的笑聲，我張子松這世不會忘記……
……
接著我們說多少個笑話，她也笑著。
但她的體溫已經十分之高……直頭都燒壞腦那種情況……
我捉緊著她……我卻無能為力。
又過了不知多久，上面的戰鬥聲開始靜了下來，
沒有先前的大聲，看來差不多完結了吧……
但不知他們會不會發現這條樓梯……
過了很久……很久……
我又叫醒她：「潘思晴……潘思晴，唔好訓啦……唔好訓啦」
「我……冇……」她盡力吐出了兩隻字出來，
她身體僵直，心跳速度也開始緩慢……
「就算你到左地獄定天堂……我都會同你結婚，你唔好死啊！」阿奇激動地說。
「好……」她辛苦地吐出這一個字。
* * * *
下著大雨的香港中，有幾十人在大屋裹玩你追我殺的遊戲，
肥東：「阿浩！我見果兩條仆街啊！」肥東指著前方。
「你兩條友……嘖嘖，見過幾次臉係時候要完結」橙拿出生果刀。
「你班MK成日比麻煩我地……我都忍夠啦……」肥東緊握拳頭……
紅：「殺左我班兄弟仲咁好聲氣？哈……仆街啦你！」紅神不知鬼不覺拿出飛鑣擲在飛東大脾，之後兩方便開始互相撕殺。
在大屋中傳出沉重的血腥味道……
魚秀聰、阿政和傑天分別在上層樓梯口與到夾克男，
魚秀聰：「屌……」
「汁番隻斷掌？上次唔小心劈斷你隻手掌真係唔好意思」紅夾克男拿出斧頭：「哈……聽講你地殺左果嗰神父！？做得幾好啊！」
藍色夾克男冷靜地說：「識醒既就同我即刻走……」
「等陣，交比我……我想知佢地有幾勁」肥駿走了上來，拿出結他。
紅色夾克男和肥駿眼神相交時猶如兩頭猛獸一般，以暴戾的眼神看著對方。
「我搵左咁奈就係想搵你……」紅色夾克男露出了微笑：「之前聽人講有一個拎結他既肥仔殺人好勁……原來就係你……你叫咩名？我叫雷。」他指著自己哥哥：「佢叫霍。」
「雷……霍……嗰名扮撚哂型咁！我最憎！！」肥駿衝了過去直劈他們二人。
二人神速的避開，雷用斧頭斜砍肥駿，
肥駿馬上回身用結他格擋，結他的六條弦同時給雷砍斷，
沒有任何一人敢加入戰團，兩個人就此相爭。
這時桂哥合好在樓下跑過，給魚秀聰意外看到：「嗰淫賤伯父喺下面啊！！！」
阿政馬上撲桂哥：「桂哥！你唔好再錯落去啦！」傑天曾機會不斷猛踩桂哥的頭。
這時雨衣男已經追到小丑在屋外，雨水把小丑的化的妝都開始溶掉，形成一個恐怖的樣子。
「嘻哈哈哈……你唔想知你仇人喺邊咩？」小丑笑說。
「緣到自然來，我唔需要靠你嚟幫助」雨衣男輕描淡寫的說。
「如果比人知道左你真正身份……你估你會點啊啦！？哈哈……真好有趣……」小丑拍起手掌來。
「反正遲早佢地都會知」雨衣男走近小丑：「遊戲要完結」
在屋中第一層的Tobe與病貓走進了一間房間，裡頭放有十分之多的充氣娃娃。
大多也是裸體的女性充氣娃娃。
房間佈間佈滿了一陣強烈的酸臭味，地上一灘灘又黃又白的液體。
而已中間站著一個大型的賓利兔布偶服。
病貓馬上拿出斧頭：「小心嗰賓利兔！佢係人嚟！！！」
「哈……咪講笑！」Tobe笑說。
賓利兔那布偶已然站著，以為是公仔的Tobe慢慢靠近觀看。
「歡迎」賓利兔男說出簡單的兩字，隨即拿出背後的刀對向Tobe。
Tobe來不及防禦，硬生生的用手接著刀片，鮮血急急流出。
「啊……！」Tobe左手劈了賓利兔男一下。
雖然賓利兔男穿了有彈性的服裝，但Tobe力氣奇大，使賓利兔男退後幾步。
「哈！隻兔仔，幾得意呀！」Tobe笑說。
病貓嚇得雙腳發震：「Tobe……你……你咁癲既……」
亂世中唯一戰勝瘋子的方法……就是比他更瘋狂！
「哈……可能我之前喺深山生活，有成半年冇接觸過人，而家出番嚟癲左少少」Tobe把壓著賓利兔男，接著硬生生的把賓利兔男的兔頭除下……這個人是……！
「點解會係你……」病貓不禁相信他眼前看到的人……就是阿森。
阿森露出詭異的笑容：「哈哈哈哈……其實我一直都跟蹤緊你地！」
「由我見到張子松出現既果一刻，我注定要跟住佢！殺左佢！！！」接著他瘋狂的大笑。
「點解要殺佢？」Tobe問。
「因為好玩！！！！」阿森笑說：「唔好玩咩？你地一舉一動我一直都監視住……哈哈哈」
過了不知多久，戰鬥聲開始靜了下來，
所有人終於戰鬥完畢……桂哥、小丑、夾克兄弟、MK戰隊和賓利兔男也被綁在大廳的椅子上。
肥駿和雷兩人也是滿臉血，唯一不同的是……一人是贏家，另一人是輸家。
「點解你會贏到我……你只不過係一個死肥仔……點解！！！」雷發了瘋般追問。
這時肥駿望了莫善盈的屍身及一直看守著她屍身的J賢。
「係佢地比力量我」肥駿說。
紅色夾克男呆了般看著地板……
J賢無奈地說：「估唔到賓利兔男係阿森，我唔記得左我嗰係短波收音機……原來我一直聽到佢節目既原因係因為佢一直跟蹤我地……」
傑天：「阿聰！你喺廚房搵緊咩啊？」
「搵緊一把夠勁既刀……我要斬紅色夾克男隻手落嚟……」他回答。
病貓大叫：「過嚟！！！我有把斧頭，幫我劈撚死佢地！！！」
魚秀聰接過病貓的斧頭，慢慢走近紅衣男。
「因果報應……」雨衣男說。
「噠─！」
「啊！！！！！」紅色夾克男瘋狂的慘叫，他右手手掌被活生生的劈斷！
「細路！！！」霍緊張地看著自己兄弟。
傑天：「如果你唔想你細佬死都得……只要你肯幫我地解迷……」
霍：「解咩迷！？」
「我見你上次計到「燒烤大王」座標，所以你運算能力都有一定程度……我想你幫我解電視台通訊室既一條聲納碼，到時我會帶你去」
「好！我解，唔好殺我細佬」霍說。
阿浩冷笑：「諷刺……搞到我地先係癲佬咁……」
傑天看著兩名MK：「你地兩個搞咁多女，估下最後下場係咩？」
「唔好啊……唔好啊！我唔想死啊！」兩名MK大叫著。
阿浩在橙髮MK頸子上先劃了一刀。
紅髮MK極度驚恐和極度憤怒。
「你……唔好殺我……求下你啦……」紅髮MK哀求。
肥東站在紅髮MK身後，雙手握住紅髮MK雙耳，再把整個頭大力地往左邊一扭！
「噠──！」
骨骼斷裂的清脆聲音……
紅髮MK死去……
這時所有人望血桂哥，桂哥只一直緊著臉色看著莫善盈的屍身，
突然之間桂哥神色變得舒暢爽快，他的生殖器官也舉起了……
這時所有人才知道他一直看著莫善盈屍身來自慰。
看著一個人就可以自慰，他淫賤的境界已經到了極點。
J賢二話不說拿起廚房中的菜刀，在桂哥的子孫根……插下！！！！
「啊呀──！！！！！！」桂哥瘋狂的大叫，貫徹了整間屋子。
接著肥駿伸手進去桂哥褲中，硬生生的扯開他的子孫根！
「查─！」的一聲，桂哥又在呼叫……
肥駿把他的子孫根放到地上，再狠狠的在桂哥面前踩踏！
桂哥大叫：「我會落地獄強姦你條女！！！」
J賢拿起被肥駿踩碎的血淋淋子孫根放進桂哥自己的嘴中，再拿了膠紙把他的嘴封好，緊接肥駿一拳打在桂哥下體的傷口！
肥駿把手抽出來時發現一條小管子在桂哥下體露了出來……是輸精管。
肥駿和J賢二人把桂哥的輸精管都抽了出來，接著把桂哥放入屋子的大魚缸中。
桂哥在魚缸中用著痛不如生的眼神看著肥駿和J賢二人……
接著雙眼慢慢的閉上……死去。
小丑笑說：「唔洗問我都會死得好慘啦……嘻嘻」
「仲洗講啊！？」傑天大喝。
小丑：「但係……你地唔覺少左兩個人咩？？」
病貓：「阿松同阿奇佢地去左邊……」
小丑：「佢地喺地下室到……但係地下室嗰對係鐵門……需要鎖匙先開到……而且入面仲有一位即將變喪屍既人，想唔想救佢地……由你地決定，我將鎖匙收左落一個只有我知既地方……嘻嘻」
病貓、阿政和傑天馬上前去尋找到地下室，
當發現地下層後，他們打開燈制……
發現眼前的景象……
阿松和阿奇各拖著潘思晴的一隻手，坐了在一旁。
* * * *
「阿松！你地點啊！？」病貓大叫。
病貓、阿政和傑天他們都來了嗎……？就是說戰爭終於完了嗎……？
阿奇：「我地走唔到！」
病貓拿起斧頭對玻璃牆猛砍，但一點用處也沒有。
因為這個房子本身用來收藏一些珍貴物品，所以防禦設備做得十分完善……
潘思晴現在已經陷入昏迷……
我再說什麼她也不再回應。
呼……現在我才知道什麼叫生離死別，
原來……是這樣的痛苦……！
過了很久很久，他們所有人用盡方法也弄不開鐵門和弄不破玻璃牆，
看來上天要我死在這兒。
我跟阿奇兩人無奈苦笑。
過了大約一天……她心跳，終於停止了。
她腦波應該一片平靜，十分平靜。
潘思晴，你現在已經脫世了，
來生記得要來找我……
我看著這密室不禁流出了眼淚，想不到我們最後會這樣的死去。
我輕撫她的頭髮：「你下世要去一個和平既地方生存落去」
阿奇：「嗯……阿晴，你要喺第二個地方生存！落去……！」阿奇也禁不住流出了眼淚。
人死後會到什麼世界？
我們從來沒有一個答案，
只是人們給予了自己一個生存的空間，叫作天堂和地獄……
好人和壞人真的有分他們會住哪裡嗎……？
如果有的話，我死後會到哪裡？
我也不知道，可能要待自己死去……才知道那生命的真義。
大屋中突然傳出小丑的笑聲：「哈，我估仲有一嗰鐘佢就會變喪屍，想唔想要鎖匙？」
接著是小丑一連串的慘叫聲與哭笑聲，整整維持了三十分鐘。
肥駿一身血走了下來地下室：「嚴刑迫供都冇用……阿松，你只可以斬左潘思晴嗰頭落嚟……如果唔係佢就會變喪屍咬你……」
生命……生命比感情更重要嗎……
我看著臉色蒼白的潘思晴，我不忍心下痛手……就算她再也感覺不到痛楚，
小丑：「哇哈哈哈哈！！！想唔想要鎖匙啊！？」
「鎖匙係邊！我放你走！」傑天說。
「嘻哈哈……我衣袋有兩部無線電，我走到一定既位置就會同你地講」
「放佢走……得呢個方法」傑天握緊拳頭。
一段時間後，無線電響起……
小丑：「鎖匙喺廁所花灑入面！」
奇怪了……小丑怎會這麼好心說給我們知道……
魚秀聰走了過去廁所，不到五秒馬上傳出慘叫聲！
接著魚秀聰狂奔了出來……他手上拿著鎖匙……
「有冇水……！嗰花灑一扭開噴左D酸性液體出來！」魚秀聰不斷抹掉臉上的液體。
魚秀聰放下鎖匙，馬上跑到屋外用雨水清洗酸性液體。
此時無線電又發出小丑那尖笑的聲音：「我係唔係好有信用啊……？花灑既陷阱有冇令到你地好驚喜！？」
傑天沒有理會小丑，馬上把鎖匙插入鐵門，
「咔！」
鐵門鬆開了……
我跟阿奇看著潘思晴，這是最後一次了。
阿奇在她臉上輕吻了一下再吻別……
我連吻別的機會也沒有，
突然想到如果阿奇在吻別潘思晴時給她突然醒來咬了一口必定很好笑……
「走啦，我地唔好再理嗰個小丑……盡快返去電視台到破解聲納碼，我唔想再留係香港……」說著肥駿抱起莫善盈的屍身放在屋外的後園埋了。
「阿森點……？」病貓問。
「殺左佢！」阿奇拿起燒烤叉在阿森腹部刺了一下，
「啊……哈哈……！殺左我啦！我知唔知你阿爸死嗰時既樣係點！？」阿森笑說：「佢話自己好驚啊！」
「屌！！！」阿奇一下刺穿阿森的喉嚨！
阿森瀕死的說：「阿松……有排，有玩！……」說著便氣絕身亡。
「要殺既人，終於到殺哂……」我心下黯然。
「係啊……差唔多一切都完結啦」傑天說。
突然無線電又傳出聲音：「嘻嘻……你地想唔想知著雨衣嗰位先生係咩人！？」
給小丑這樣突然一問，我們也不禁思索……
他為什麼要幫我們？他到底是什麼人？
肥駿：「雖然你幫左我地，但係我你既身份我地一定要知道……你到底係咩人？」
小丑：「提示……危險人物！」
危險人物！？我知道雨衣男的實力絕對是危險人物……
這時魚秀聰已經把臉上液體洗光，走進來：「危險人物？係唔係嗰本專介紹香港重犯既嗰本書？」
香港有一本叫《危險人物》的書，是專說在香港犯了變態或殘暴罪行的人……
難道在我面前的這人是……
他每次出現時都會莫名其妙的下雨……他又說了自己單名一個林……刀法又純熟……難道雨衣男真的是……
「雨夜屠夫」我看著雨衣男：「林過雲」
希望那個變態殺人犯不是雨衣男……
「嗯」雨衣男：「你答岩左」
在場所有人無一不驚訝……
「你地唔洗驚，我出嚟係為左完成我既使命……」
「使命……？」我問。
「追殺第二個人，詳情唔方便講咁多，呢家返去電視台先」
我們所有人在沿途中一聲也沒有出過……
因為萬想不到一直在我們身邊的人就是……香港著名連續殺人犯林過雲。
林過雲：「好人同壞人……你永遠都分唔到……睇嚟你地估唔到我就係林過雲」
「……」在場一片寧靜，連一直叫囂的紅色夾克男也沒再大叫。
返回電視台之後，我們帶了藍色夾克男霍上去通訊室，
血腥的氣味還傳佈在空氣中，我這一生不會忘記滿地死了喪屍的這種景象。
進入通訊室後，我們打開解碼器給霍看。
「霍……你睇唔睇得明？」傑天把解碼器的內容給他看。
畫面又再顯示出一組數字：1000100100010110101101001001100110001001111010011010000010100001000101010000011001011以及V14的字樣。
「程式碼……？」霍認真看著這堆數字：「你地比半日我搞……唔好傷害我細佬……」
「好，我從旁協助」傑天拉了一張椅子坐在他身旁。
我們曾這段空閒時間把曾經的同伴都埋葬了……這樣做至少也是對他們死後的一份尊重……
我知道尊重不能拿來吃飯，但至少能讓自己好過一點。
我現在已經不想再提及過往的事，越是提及……越是傷情。
肥駿走到了雨衣男身旁，望了他幾眼。
魚秀聰看著林過雲：「點解你同我想像中唔同，我想像中既林過雲應該係嗰壞人……」
林過雲：「以前既林過雲已經死左」
「咩意思？」我好奇追問下去。
「我已經喺獄中改過，我要做既只係殺死有罪既人」林過雲說。
「殺死……有罪既人？」阿政問。
林過雲仰望著天空：「審判之日……所有有罪既人都喺監獄逃走……我既使命就係捉番佢地」
我們不知道林過雲在說什麼，所以也就沒有再理會他了。
阿政突然說起：「如果Kai安喺到既話就齊人啦……」
「佢喺邊？」Tobe問。
因為Tobe新加入，所以不知道Kai安的事情。
「佢之前喺魔鬼山唔小心跌在落一條長坡，到我落去搵佢嗰時佢已經唔見左」
「魔鬼山！？我之前又係住嗰到嫁喎！」Tobe說。
肥駿：「我地都住過，不過比一個教會搞到雞毛鴨血」
「你話寶康路附近間教堂？我都係住係嗰頭！之前我太無聊所以搖左教會嗰鐘幾下！！！點知引哂喪屍嚟，果陣嚇到我抽筋！」Tobe越來越興奮。
我追問下去：「Tobe……嗰時你係唔係見教堂一個人都冇？」
「係啊！就係冇人我先搖下渣嘛！！！」Tobe做出搖的姿勢。
原來當日在教堂救了肥駿和我的人就是Tobe……
這個世界真是奧妙……但同時卻多麼的殘酷……
我：「你食咩維生？」
「蕃薯葉囉，幾好食嫁！」Tobe苦笑。
說著說著我們所有人又熱鬧起來的談天，但此終有點避忌林過雲。
過了一陣子，香港的天氣終於陽光普照……
病貓：「好天氣，少見少見」
這時傑天和霍從樓上急速的走下來：「各位！有種要消息！！！跟我地上嚟！」
看來應該是什麼重要情報……
上到通訊室後畫面不再是那一零的數字畫面……而是一個猶如用上帝之眼觀察著世界的畫面，
感覺就如有一部錄影機在香港高空中央觀察著整個香港。
而且畫面不時發出「嗶───嗶───嗶───」的聲音。
「到底係咩嚟……？」阿奇問。
「我地都唔知……霍一破解密碼就入到去佢個信號……」傑天說。
我：「霍……嗰堆數字其實係咩嚟？」
霍：「果堆一零一零既數字一睇就知係程式碼，每個程式碼都有唔同既排法，都可以解做唔同既意思……其實有睇過《廿二世紀殺人網絡》就知道係程式碼，不過識唔識解就係另一會事……我用左美國信息交換標準碼先解到一個比較合理既答案」
「廢話少講！嗰堆數字解咩？」肥駿問。
我們每個人現在全神貫注，猶如可以快離開這裡的感覺。
「Devil's Peak」霍回答。
阿奇有點疑慮：「魔鬼山……？」
「嗯……」霍回答。
傑天繼續說：「之後我地試下連接嗰個強大既頻道，我地輸入Devil's Peak之後就強制入左呢嗰畫面」
霍說下去：「但係嗰V14我就唔知解咩……反正宜家已經入到頻道……」
傑天說：「但係最奇怪既就係嗰頻道廿四小時都開放緊……」
「如果唔係電視台嗰發射器夠勁我地都入唔到嗰頻道……」傑天看著電腦上的畫面。
J賢這時拿出那部短波收音機開啟了，
接著發出高頻率的聲音「嗶嗶嗶嗶嗶嗶嗶嗶─────！」
「接收器同發射器廢就會變成咁？」J賢問。
「嗯……」霍點點頭。
肥東：「到底係乜野嚟嫁……望住哂成嗰香港既……」
「我地都唔知……」傑天搖搖頭。
突然之間，電腦上的畫面有所變動……！
畫面有點雪花，「嗶」的聲音也越來越強。
畫面慢慢拉近到香港的其中一個地方，
就如你在用Google地圖用滑鼠拉近你想查看的地方般……
但畫面中一直拉近到西貢區……將軍澳……康城……TVB電視台……
媽的！什麼鬼來！
阿浩：「哇！想嚇撚到我抽筋咩！無拉拉影住我地身處既位置既！！？」
接著嗶嗶聲又回復正常，慢慢的拉後去，再次觀察著整個香港。
我突然想到一個可怕的念頭……
這場喪屍災難的成因可能是人為……
因為我現在所經歷的，真的猶如美國電影般……
是美國發射了一些喪屍病毒到香港嗎？
是天然的病毒引發的嗎？
還是人為因素或失誤弄成的嗎……？
喪屍病毒會爆發的原因我只想到這幾個因素。
還是是一個我意想不到的答案……？
這有待我們去解析一切的迷提，但現在當然要先找求救。
傑天：「我準備要同人溝通啦……」接著傑天開啟了麥克風，準備與刻頻道的負責人對話。
「喂……收唔收到，收唔收到？」傑天對著麥克風說話。
過了幾秒沒回應，接著是一堆沙雜的聲音。
霍右手記錄所有聲納碼，左手解開聲納碼的意思……再將J賢找回來的一包薯片……食落肚！
霍：「佢問我地係咩人！」
傑天馬上作出回應：「我地係香港既幸存者！麻煩你可唔可以派救援比我地！！？」
接著沙雜的聲音再次傳出，不過這次的沙雜聲是同一個音調……
我追問：「霍！佢呢一句講咩？」
霍：「我努力緊……等陣……」突然霍臉色一沉……
我問：「做咩？佢唔派救援比我地？」
「唔係……」
「咁係咩！？」我追問。
「佢……佢係到笑」
病貓：「吓，笑乜野？」
「嗶─！」一聲響起，雜音原全消失，
就連以上帝視覺觀察香港的畫面也全然消失。
肥駿：「咩意思……？」
「唔知……定位設備都搵唔到來源」霍說。
我仰望著外面的天空……天上有什麼在監視我們嗎？
「去魔鬼山睇一睇……我開始覺得成件事唔簡單」我說。
傑天咬著手指：「點解唔簡單……？」
「岩岩所發生既野太可疑……仲有嗰畫面影住我地所在既地方……咁望住我地既嗰條友就可能知道我地既藏身點」我解釋著。
Tobe：「去囉！反正我地都冇地方可以去！」
要我住在這所血腥電視台，我必定每晚睡不好。
病貓笑說：「哈，單係一個新界區已經玩到我地死下死下，如果我地出左新界區你地估吓會係咩世界？」
「我諗大概都一樣，一樣有好似我地呢種人」我說著。
肥駿突然大拍牆壁一下：「屌！魔鬼山喺對面海！」
如果我這樣的走過去根本就必死無疑……
因為喪屍再也不是以前那樣的速度，
它們現在是懂得奔跑的喪屍……
「去咪去囉！驚鬼咩！？癲佬都比我地殺哂啦！」病貓做出一個搖滾手勢，
「係囉！反正我都覺得我仲生存緊已經好幸運！」阿政同意。
對……在這種末世……悲觀主義者可能比平常人更為快樂，
「反正我地可能一早就唔屬於呢嗰世界」我說。
對……我們只需要給自己一個去魔鬼山的理由，
一個活下去的理由！
「係啊！死就死啦，反正阿晴都……我死唔死都唔緊要啦！」阿奇說。
我們就是要各種的借口來推動我們！
最終，我們所有人也同意前去魔鬼山。
在這一刻來說，生存對我來說其實已經是次要，
經歷了這麼多，才能知道生命的脆弱。
我們餘下的糧食只足夠我們使用兩天，這半年來沒有幾次肚子是頂著的……真的很想去飽餐一頓。
有人說過，人類要出現共同的敵人才會連成一線。
但我卻看不出可以怎樣連成一線，唯一能靠的就只有這班兄弟吧！
兄弟……這個詞語誰也會說，
但能有一個出生入死的兄弟更是難能可貴。
此刻我們全部人手搭手的離開電視台。
沿途不知不覺一起的唱起「五月天」的《乾杯》：「也許會，有一天，世界真的有終點，也要和你舉起回憶釀的甜……和你再乾一杯」
肥東突然停了一停：「我記得康城有條路連住至善街……我地唔清轉咁大條路都去到魔鬼山」
肥駿拍拍他肩頭：「醒左喎……！肥東！」
肥東對著肥駿奸笑：「彼此彼此啦！」
「嗚……」
遠處有三隻喪屍正在呻吟……走到了電視台附近看到我們……
「呢家見到喪屍真係好有壓迫感……」我拿出豬肉刀。
那三隻喪屍狂奔過來往我們跑去，
這時雨衣男和肥駿當先衝上，
雨衣男西瓜刀直砍！肥駿電結他橫劈！
兩人的攻擊陪合得天衣無縫，但還是給一隻喪屍衝了過來後面，
我拿著豬肉刀準備就緒……
突然一個高大的身影擋在我面前：「點可以少左我！」紅衣男叫囂，
他單手拿起消防員斧頭直砍那隻喪屍的頭顱！
三隻喪屍瞬間死在三人手中。
「嘖，細佬……斷左隻手仲識打喪屍喎」霍笑說。
「你收皮啦！」雷回答。
或許他們兩人可以成為我們的同伴……？
「霍、雷……你地想唔想同我地一齊離開？」我說。
雷看著我：「仲有機會可以……離開？」
「嗯……如果大家團結，就會有機會離開」
「嘖，有趣有趣……我Join」雷抹抹臉上的血，
雷：「嘿，咁我唯有都加入你地」
「出發！」J賢指著前方，
我們要奔著那太陽出發……這是一條雨中的不返路！