[港版無限流][長篇] 恐怖輪迴: 公屋驚魂

第二天清晨

凌天眾人聚集於廣場上。

「天哥，尋晚同呀嫂開心嗎？」李文一臉淫笑地向凌天問道。

凌天瞥了一眼李文，轉頭看了看默默站在身後的蘇琳，平淡地說道「直程激烈得滯。」

「好波！天哥果然係真男人，小弟對你嘅欽敬猶如滔滔江水連綿不絕，黃河氾濫一發不可收拾。」李文一臉崇拜地說道。





聽到二人的對話後，蘇琳的臉微微紅起來，而喬欣與林恩則移開數米距離，鄙視地看著他們。

林軒站在旁邊看著蘇琳數眼後，從儲物空間中拿出一張紙張，若有所思地看著那張紙。

空間上方的烏雲突然透射出白光於廣場中央。

6道身影突然出現眾人眼前。

白光開始減弱時，6名新人正躺在地上被白光修復著身體受傷的位置。





「6個新人，計埋我哋幾個，啫係12人，下一個任務又係12人難度，睇嚟唔係幾好意頭呀。」凌天無奈說著，偷看林軒數眼。

「軒爺有咩意見？」李文也有些苦澀地問道。

「喬欣同林恩去同班新人講清楚咩情況，問吓佢哋新手任務係咩。」林軒摸著下巴說著「我哋跟返自己嘅專長去強化吧。」

「呢個安排好似好普通。」李文狐疑地問道「你係咪又瞞住我哋去諗埋啲鬼主意呀？」

「我似啲咁嘅人咩？」林軒一臉無辜地向眾人問道。





「你話呢？」凌天反問道。

李文，喬欣與蘇琳三人同時點頭回應。

林恩則一臉為難地看著林軒。

「只要照我計劃行事，包保你哋平安。」林軒無奈地回了句便返回自己的房間。

之後喬欣與林恩給新人解釋他們的處境及空間的規則後，各人便回到自己的房間中，廣場再次回歸平靜。

********

林軒看著手上的記事本，微笑道「一切如我所料，留低蘇琳呢步棋，隊長肯定會加以利用，以抗衡李文實力急速提升所帶嚟嘅壓力。」

「其實下場任務以咩主題做背景根本冇咩所謂，因為任務模式都係得一個……」





********

兩天後

12號隊所有隊員都聚集在凌天的房間中。

凌天一臉奇怪地向眾人說道「下一場任務叫做"公屋驚魂"，之後就乜都無講到。」

對於這一次任務提示的反常，眾人不由自主地陷入一陣沉默。

見到氣氛有些壓抑，喬欣忍不住開口說道「既然任務名提到公屋，咁應該係同香城嘅公屋有關啦。」

「嗯，好有可能。」凌天點頭同意，問道「林軒，你點睇？」





「太少情報，分析唔到。」林軒搖頭說道「我反而想知道我哋新隊員經歷嘅新手任務係咩。」

「同今次任務有關係？」凌天皺眉問道。

「冇關係，但可以幫我引證啲嘢。」林軒微笑道。

「咁好啦。」凌天點頭，向分別4男2女的新人說道「希望幾位配合。」

其中一名瘦削的男新人弱弱地說「我叫孫揚，本身係做電腦it嘅，上次新手任務我哋係喺一個公園到玩捉迷藏。」

「本身我哋有30人，喺一個公園，話就話係公園，但佢起碼有成個島咁大。而當中有一個細路女會去捉我哋。」

「但個細路女係一隻會食人嘅鬼，一俾佢捉到就會俾佢剝皮斬件咁吞食……任務要求我哋生存24小時，結果30人死剩……我哋6個。」

聽到他描述新手任務的內容後，喬欣與其餘5名新人的臉色同時變得非常難看。





凌天在看到李文那滿有深意的目光後，心中恍然，暗道「佢哋嘅新手任務同之前嘅雨夜屠夫幾相似，一樣係躲避追殺，只不過我哋上次死剩兩條友，佢哋呢次死剩6個。」