[港版無限流][長篇] 恐怖輪迴: 公屋驚魂～監控

商場天台

「我點解會知道咁多？！」林軒喝了口咖啡，看著一臉好奇的林恩，笑道「其實好簡單，因為情報。」

「哦？」林恩不解地問道「但既然冥主玩刪除記憶，咁少爺你仲點知個情報？」

「呵呵，原因好簡單，你估下。」林軒神秘地笑著說。

林恩聽後扁了扁嘴，然後看向林軒手中的筆記本電腦，説「唔通係因為錄影？」





「冇錯，我監控所有人嗰時，我都會將所有監控影像儲存喺我部電腦到。」林軒讚賞地説道「冥主雖然刪除咗我哋記憶，但唔會改變我哋嘅潛意識習慣，如果佢強行改變，就需要修改我哋嘅記憶嚟達成目的。」

「如果咁做就啫係唔洗玩，因為我哋根本冇得玩，咁亦都意味住冥主佢自己破壞咗自己定落嚟嘅遊戲規則。」

「而我就成日經常性翻睇電腦入面啲監控影片，所以就察覺到時間嘅問題，發現冥主會喺每日夜晚嘅12點，選擇性咁消除我哋嘅記憶。」

「咁點解唔直接同隊長佢哋講，要咁隱晦咁寫紙仔？」林恩好奇地繼續追問。

「因為當時講咗都冇用，其實之前我有親口同佢哋講過呢樣嘢，結果講完之後，一過夜晚12點，佢哋又全部嘢唔記得曬。」林軒再喝了口咖啡，為其解釋道「所以唯有寫紙仔提佢哋。」





「但係如果冥主連你俾紙仔佢哋㗎記憶都刪除埋呢？如果係咁㗎話，俾紙仔呢個舉動都係冇咩意思喎。」林恩不解地問道。

「呵呵，呢層我當然有考慮，亦都喺凌天同李文兩個人到試驗咗好幾次，結果我發現一個有趣嘅結果。」林軒笑著說道。

「係咩結果？」林恩好奇地追問。

「我發現嘅結果就係，每次我同時俾嘢佢哋兩個時，凌天都會冇咗我俾嘢佢嘅記憶，但李文就喺5次入面，2次有印象。」林軒平淡地說著。

「點解會咁嘅？」林恩此刻已經撤底成為一個好奇寶寶，不斷向林軒提問。





「只有一個解釋，就係除咗我哋監控李文之外，李文佢自己亦都用咗其他手段監視番我哋轉頭。」林軒平淡地說著「只係佢嘅監控應該暫時只係針對我一個，而且監控內容唔具備長期儲存功能，只可以幾個鐘頭內翻睇番啲監控片段，所以佢先估唔到冥主刪除記憶嘅陰招。」

「李文條粉腸竟然夠膽敢做……」林恩聽後，憤怒地說著。

「算係預料之中，我嘅存在，令到凌天同李文之間嘅暗鬥增加咗唔少變數，所以佢哋防範我都唔出奇。」李文平淡地說「呢次只不過係又一次證實我之前嘅推論，李文的確比凌天更加危險。」

「叮……叮……叮……叮……」

整個屋苑警鐘聲突響起，林恩則一臉崇拜地看著林軒，問道「少爺，你點解會估到佢哋會真係殺咗個老太婆嘅？」

「李文性格好易估，佢防範緊我同隊長，所以佢唔會分享佢自己擁有嘅情報，而接收我哋兩個提供嘅資訊時，佢亦都會下意識咁檢查有冇陷阱先再睇內容。」林軒冷冷地笑著說「佢一係就等凌天先郁手，試驗下我俾佢張紙入面內容嘅可信性，一係就掛住防範陷阱而趕唔切睇內容，所以個老太婆死嘅可能性好大。」

「如果個老太婆冇死，之後會發生咩事？」林恩再次問道。

「如果老太婆冇死，我估計其實個結果都係一樣要被成村人同業主追殺，只係個名義可能唔同，例如會變成因為挾持人質，侮辱咗業主，令業主同成村人惱羞成怒，所以要被追殺。」林軒平淡地說著「因為冇明文規定話個業主一定係錫老婆㗎嘛。」





「而我寫俾李文張紙㗎目的，其實只係令佢相信我嘅說話，然後乖乖地咁照住張紙上面條路線逃走，幫我引開啲怨靈。」林軒平淡地說著，然後懶懶洋洋躺在球場上。