[港版無限流][長篇] 恐怖輪迴: 公屋驚魂～彿道魔之爭

商場天台

「其實我根本唔洗要啲咩自保手段，啲怨靈都一樣唔敢埋我身。」林軒懶洋洋地躺在地上說著「因為有你呢條粉腸喺到。」

「衰仔，利用我咁話喇喎。」中年大叔突然出現在球場上，不滿地說著，然後在林軒身旁坐下來。

「唔關我事，正所謂願者上釣，你自己甘願俾我利用。」林軒也坐了起來，一臉無辜地說道。

「唉，好奇心害死人呀。」中年大叔無奈地嘆氣說道。





「呢啲係你自己犯賤，安份守己，留喺呢個世界到做大王咪幾好。」林軒滿不在乎地說著。

「呵呵，不進則退，尤其呢個弱肉強食顯得特別明顯嘅世界，你唔進步，就係一種退步，遲早會俾後來者淘汰。」中年大叔撫摸著肚皮，微笑著說「而我，仲未想魂飛魄散住。」

中年大叔又想了想，接著説道「其實你應該理解我，換著係你，亦都好可能好似我咁做。」

「嗯，呢個亦都係我有把握利用你嘅原因。」林軒微笑説道「好喇，言歸正傳，我想同你做個交易。」

「你想我幫你哋攪掂下面隻嘢？你應該知道我唔可以咁做，攪掂佢好容易，但我一咁做，你哋上面嗰位會出手攪掂我。」中年大叔搖頭拒絕。





「我唔係講呢樣，下面隻嘢，我隊友都可以攪掂，唔洗勞煩你。」林軒白了他一眼，没好氣地説著「我指嘅係更加長遠㗎事。」

「哦？願聞其祥。」中年大叔饒有興趣地説著。

「你哋呢個世界，唔洗幾耐就會進入群雄爭霸嘅年代。」林軒坐直身子，微笑地說「而我，想同你建立一個緊密嘅長期戰略夥伴。」

「等等，呢個節奏跳得有啲快，第1個問題，你憑咩咁肯定嚟緊會進入亂世？」中年大叔拍了一下額頭，好奇地問道。

「因為有新嘅勢力崛起。」林軒平靜地解答。





「邊個？」中年大叔趕緊再問。

「我嘅隊友。」林軒平淡地說道。

「你係指可以召喚陰兵嗰個？」中年大叔皺眉問道。

「冇錯，不過遲吓只怕連彿道嗰位都會插隻手入嚟，所以我唯有布署定先。」林軒仍然平静地說著。

「好，咁第2個問題，你哋實力咁廢，憑咩嘢造成亂世。」中年大叔嘲諷地說道。

「蠢問題。答案得一個，就係上面嗰位可以令我哋實力快速提升，唔洗幾耐你哋呢啲鬼王就要諗辦法幫我哋擦鞋。」林軒冷笑地說。

中年大叔沉默了一會，說「講嘢咁撚串，如果唔係上面嗰位，真係想殺咗你。第3條問題，同你合作有咩好處？」

「我需要你幫手拉攏呢個世界嘅其他鬼王，然後聯手壓制住佢哋勢力。而我負責後勤，提供武功，藥物，武器，甚至軍隊。」林軒平淡地説道「我知道你哋鬼王之間，大家實有啲牙齒印，但都盡可能拉攏，我其餘2個隊友唔係泛泛之輩，唔好輕敵。」





「呵呵，有趣，雖然我心底唔太相信，不過見你話會有功法提供，啫係可以增加打出呢個世界㗎機會，單憑呢點，我就拒絕唔倒。」中年大叔笑著說「既然你講到咁，啫係我哋好快又會再見面，咁我失陪先喇。」

說罷，大叔的身影又再次消失得無影無蹤。

林軒看著大叔消失的方向，暗道「李文既然監視住我，咁應該好快知道我同大叔結盟㗎消息，咁佢到時應該會好自動自覺咁喺呢個世界插旗。」

「隊長一見到李文同我咁做，佢就算本來冇打算，到時都會因為擔憂而加隻腳落嚟。」

「咁一來可以將呢個世界當做訓練場同試驗場，二來可以將3人矛盾略為轉移到呢個世界去解決，緩和一下大家嘅關係。」

「咁下場同之後嘅團戰任務就冇咁易俾對手利用隊伍內鬥呢個弱點。」