[港版無限流][長篇] 恐怖輪迴: 公屋驚魂～彿法無邊

「宜家仲有成2個鐘要捱，睇嚟冥主經過東土任務之後，已經將我哋嘅實力睇得好透，今次我哋冇人可以走雞。」林軒看著下方正被木劍插著的怪物，皺眉說道。

「點解隊長佢唔趁隻嘢被困住，直接攞佢命嘅？」林恩奇怪地問道。

「咁起碼都要殺得死先得㗎，呢個世界係佢哋主場，除非好似頭先李文用神打請出嚟嘅神一樣咁屈機，以高幾班嘅實力直接碾壓過去。」林軒無奈地笑著說「否則，無論我哋點打點殺，佢哋都會好似不死身一樣打極都唔死。」

「所以我哋宜家就只有拖？！」林恩恍然大悟地説。

「冇錯，只有拖，我哋實力不足，冇辦法。」林軒平淡地説。





「咁少爺，你覺得呢幾把木劍可以困住隻嘢幾耐？」林恩又再次微笑問道。

「嗯，上次東土任務就係以李文嘅收穫最豐厚，所以佢私底下應該強化咗好多怪招。」林軒摸著下巴説道「而用冥幣堆切出嚟嘅強化雖然個人認為唔可取，但無可否認，短期內嘅效果的確幾可觀。」

「而今次又係以廢咗李文呢個戰力為代價嚟召喚嘅大招，我估應該可以困住隻嘢半個鐘以上。」

*******

「我檢查過，李文佢無咩大礙，只係純粹暈咗啫。」何芬摸著李文的左手，平靜地說。





「哦？妳以前學過醫？」凌天眼中精光一閃，饒有興趣地問道。

「以前工作需要。」何芬平淡地說。

凌天聽後微笑地點了點頭，没有再在這個問題中深究，只是在心中留了一個心眼。

「唔知啲木劍仲可以困住隻嘢幾耐？」喬欣略顯疲憊地問著，長期支撐著聖光盾，已經不知不覺消耗了她許多精力。

「唔知，不過呢場任務真係難度太高，希望啲木劍可以撐耐啲啦。」凌天苦笑地回應「我哋宜家就只有等。」





*******

商場天台

「咦，50分鐘喇喎，隻嘢仲未脱困嘅？」林恩驚訝地問道。

「應該差唔多喇，平靜咗成個鐘咁滯，脱困嗰陣嘅攻勢應該比之前猛烈好多。隊長應該擋唔住，我哋要預備喇。」林軒皺眉地說著。

*******

「我感覺到差唔多喇。」凌天凝重地說著「如果見我就嚟擋唔住，你哋3個帶住李文走先，儘可能拖至任務結束，到時我再諗計逃走。」

「但係……」喬欣正想再説些甚麼，但只見凌天已經再次雙手合實，緊閉雙眼，默默地唸著經文。

「吼！」





平靜了將近1小時的怪物再次發出怒吼，那柄插進它頭部的大木劍也隨着這記吼叫聲而化成木屑。

怪物側過頭來，憤怒地看著凌天等人，然後對着他們再次發出一記吼叫。

「吼！」

怪物的整個身體泛著濃濃的黑氣，這些黑氣不斷腐蝕着那其餘的4柄木劍，使它們全都開始有些搖搖欲墜起來。

凌天唸著經文，那些由怨氣組成的陰風不斷吹向他方向，並被其正穿在身上的寶娑袈衣吸收。

接著張開雙眼，此時他的眼珠已經演變成血色的瞳孔，口中不斷運用索命梵音唸誦經文，心中卻暗道「李文可以發揮極限嚟請神，但唔好忘記，發揮極限潛能呢樣本身係我強項。」

「碰！」「碰！」「碰！」「碰！」





那其餘4柄大木劍也隨即化為木屑，怪物正式脱困。

而凌天則右手拿著聖魔刃，並伸出左手手掌，把之前在試煉空間兑中換的500顆舍利子從儲物空間中拿出來，飄浮於其左手手心之上，並開始逐一吞食。

那怪物脱困後，從地上爬起來，皺眉地看著凌天背後那逐漸清晰起來的血色彿影。

當凌天吞食第183顆舍利子時，那怪物終於按奈不住，軀動它那近10層樓高的龐大身軀向凌天跑來。

感受到怪物的衝鋒，凌天也停止了吞食，收起剩餘的舍利子回到儲物空間，把聖魔刃架在胸前，用左手在刀身身上，由右至左地慢慢掃撫，隨着他的掃撫，聖魔刃也跟著散發出血色的紅光。

當怪物準備揮動它那碩大的拳頭攻向凌天時，凌天只是平靜地說了一句「血林。」

「碰！」

強大的爆破聲隨之而起。





凌天吐著血，被震退至數米遠。

但令其身後喬欣等人感到驚訝的是，對面那怪物竟然也被打退至數十米，而其右邊的拳頭竟然直接爆裂起來。