[港版無限流][長篇] 恐怖輪迴: 東土殺戳～斬妖除魔

「我彿慈悲。」凌天在船上集中精力，運用索命梵音向岸邊群眾大叫道。

「很好，繼續加把勁，好快就會有高級軍官或將軍揾我哋傾計。」林軒坐在船上平淡道。

「點解會有高級軍官揾我哋？」其中一名男新人問道。

「冇錯，我哋之前喺幾個州都冇軍官揾我哋，點解呢到會有？」凌天也跟著問。

「之前㗎州份大部份兵力都俾冥界妖魔吸引住，無暇顧及我哋，但隨住北上，我哋就越接近京城，其附近㗎州份好多都未被妖魔侵襲。」林軒平靜回答。





凌天狐疑地看著林軒，低聲問道「你係咪有嘢瞞住我？」

「點解咁問？」林軒平淡反問。

「純感覺，同埋你好似越嚟越冷靜，或者正確咁講，好少見你再笑。」凌天搖頭説著。

「我本身好少笑，啱啱進入空間嗰時，為咗令你哋比較信任我，我先多啲笑容。」林軒回答著。

「呵呵，你又知你如果唔笑，我就會唔信你？」凌天笑著道。





「係，可能性有9成以上。我理解隊長你同李文㗎為人，知道你哋好快估到我㗎身份，到時你哋兩個一定會防備我，如果我喺適當時候做出笑容，你哋兩個就會認為你哋估得到我諗咩，從而控制得住我。」林軒平淡回應。

凌天眯起了雙眼，問道「可能你理解錯我為人呢，同埋你咁講，係咪意味住宜家我已經控制唔到你？」

「隊長，唔好睇少上官林氏嘅情報網，現實到同你交過手，我知道你為人。仲有，由始至終你都控制唔到我，因為你估唔到我想點，從而證明咗我頭腦比你哋優勝，所以令你唔捨得殺我，但又不斷防範我。」林軒回應道。

「呵呵，聽完你咁講，你覺得我宜家會唔會因為驚你失控或者怒羞成惱而殺你？」凌天繼續問。

林軒繼續平淡回答「唔會，原因有三個。第一，我講過，我理解你為人，你係戒心重，有心計而又實際嘅人，只要我頭腦對你仲有用處，而危險性又唔影響全隊核心隊員性命，你就唔會殺我。」





「而你哋上一個任務幾乎俾6號隊㗎人用計玩死咁滯，更加證明你需要我。」

「第二，我有潛力，實力提升嘅速度唔會低於你同李文，唔會成為負累。」

「第三，除咗我，你都防備李文，你哋兩個嘅性格令到你哋信唔過對方，而家睇落相安無事，但長遠必定發生矛盾，我嘅存在可以協調你哋嘅矛盾，因為我係一個大變數，令你哋兩個唔敢輕易開戰。」

「勵害。」凌天只有陰情不定地說了句，因為他心中所思所想全被說中。

船上一陣沉默，其餘新人聽到凌天與林軒的對話後，完全不敢出聲，生怕其中一人會突然發怒，導致船上出現毆鬥的情景。

「有人過嚟喇。」在船隻另一邊的新人突然叫道。

只見岸上有數名官兵騎著馬走來，在岸邊大叫道「吾等奉温州水師韓將軍之命，邀請不動明教教主凌天大師到鳳來樓一聚。」

凌天眉頭一皺，船上其餘人驚訝地看著林軒，後者則一臉平静。





「靠岸吧。」凌天無奈說道。

「隊長，等陣去到鳳來樓，你只要繼續扮神棍…唔係，係扮和尚就可以喇，念吓彿經，打吓官腔，其餘交涉交俾我吧。」當眾人準備下船時，林軒突然說道。

「你準備攪咩？」凌天問道。

「準備完成支線任務。」林軒回道。

一行9人上了岸邊，在群眾好奇的目光下，由官兵帶至鳳來樓門口時，突然出現冥主提示

「任務一，"大村保衛戰"完成，獲得2000冥幣。」

「任務二"逃出生天"開啓，試煉者需於2日內逃出秦明縣，任務獎勵2000冥幣。」





「由於試煉者成功全殲圍攻秦明縣的所有冥界妖魔，任務二內容變更，難度提升。」

「任務二" 斬妖除魔"開啓，試煉者需於180日內封印冥界入口—黃泉之路，並擊殺所有出現在東土大陸的冥界妖魔，任務獎勵30000冥幣。任務失敗：抹殺。」