[港版無限流][長篇] 恐怖輪迴: 東土殺戳～冥界巨人

「屌！」李文不由自主說了一句髒話。

「宜家我哋點做？」喬欣皺眉問道。

「仲有咩點做，即刻全軍預備迎戰啦！」李文一邊大罵一邊走出帳篷，大叫道「小匈子，返嚟！不死軍，列陣！」

林恩也拿出纓槍，對之前的傳令兵説「疏散跟住我哋身後㗎老百姓，召集多啲青壯到兵營集合。」說罷，她也快步跟在李文身後。

喬欣也跟著走出帳篷，想了想，又對那傳令兵說「保護百姓為主，青壯召集幾多得幾多，但唔好勉強佢哋。」





「遵命！」傳令兵眼神透露了一絲感激。

喬欣聽後笑了笑，快步向李文方向離去。

*******

另一邊，靜江府的鄧武也收到冥界軍隊趕來的消息。

「好呀，將軍，冥界大軍殺到，必定可以將叛軍擊潰，此戰必勝無疑。」其中一名下屬興奮地說。





「嗯，但聽聞北方嗰邊成日有冥界軍隊濫殺平民㗎消息，平時好少出現㗎佢哋，突然咁大批人嚟南方，恐怕來者不善呀。」另一名下屬質疑道。

「你知啲咩，冥界軍隊一出場就幫我哋打退啲金兵，聖上祭貢咗唔少鮮血俾佢哋，佢哋點會掉返轉頭攻打我哋大宋。」又一名將領反駁道。

「咁北方數十城池被攻陷㗎消息唔通係假嘅？況且聖上係俾奸臣迷惑，呢種請神方式本身係邪道，用邪道請出嚟㗎神明鐘意濫殺無辜又幾出奇？」之前提出疑問的下屬大怒地反問。

「呢啲我唔知，我剩係知不動明教舉旗造反，大逆不道，更連殺我哋幾百名士兵，俗侵我靜江府。敵人嘅敵人即係朋友，我哋坐擁靜江府，不妨等佢哋喺出面打到兩敗俱傷，到時再作定奪。」又一名將領插嘴道。

此話鄧武覺得有理，說「就咁決定啦，等佢哋喺出面打，我哋到時再伺機行事。」





*******

城牆外

李文站在一塊巨石上，殭屍狼騎站在他左邊護衛著他，而身後就是他全副家當，5萬不死軍。

殭屍狼騎身上的紫氣已較之前稀少，它身上反而開始有綠色毛髮長出，雙眼也開始有些神智。

李文見後不由有些滿意，心道「唔錯，照咁睇，小匈子只要再經過呢一戰就可以進化成綠殭，到時就會有番啲基本智慧。」

「睇嚟静江府班人仍然死守唔出。」林恩此時右手拿纓槍，左手拿圓盾，慢慢走到李文右邊說。

「嗯，所以我到時會喺到堅守3日，3日後我哋邊打邊退，學呢個世界啲金人咁，退入山林，只要拖多十幾日，冥界妖魔嚟得七七八八，對我哋又久攻不下，到時就會忍唔住去攪靜江府入面啲人。」李文冷笑道。

「既然有曬對策，咁你之前擔心咁多做咩？」喬欣也隨後跟來，奇怪地問道。





「因為冇城牆保護，有靜江府喺手，我有把握捱到兩三個月，但平地㗎話，捱到3日已經要劏雞還神。」李文不由苦笑地說。

地面開始擅抖，搖遠的地平線開始出現一道道漆黑的身影。

隨着地面擅動得越來越劇烈，對方的身影也隨之越來越清晰。

在靜江府城牆上觀看的將領個個震驚地看著，鄧武手中已經有些擅抖，喃喃自語道「冇可能……冇可能……唔通佢哋真係神？」

戰場上

「雖然你話正規軍同秦明縣嗰批唔同級數，但呢個級數未免差距太大喇掛。」喬欣咽了口水，臉露怯色。

「嗯，我哋洗唔洗改變策略，宜家開始退入山林？」林恩手中握緊纓槍，有些緊張地問。





「我諗緊我諗緊，今次冥主㗎任務難度未免太變態…………屌，捱一日啦，頂唔順嘅即刻退入山林。如果死唔去，我發誓我會叫幾百個麻甩佬爆林軒個菊花。」李文握緊拂塵大罵著。

「嗯，預我一個。」喬欣也憤慨地說。

眾人如此驚恐，皆因映入他們眼簾的是數百名身高約30米，滿身装甲，手執大斧的紅眼巨人。

「冥界巨人兵：屬於上古九黎一族的專屬精銳步兵。將其擊殺可得3000冥幣。」