[真人真事][新手]在這個毫無意義的人生中 謝謝你 你令我找回目標: 01 壞學生

[要我剪頭髮 點解XXX都係咁長唔洗剪!]我激動地說

[喂!劉家然 你....]

陳SIR話未說完己經被我打斷

[我知 你又係個句 做好自己先唔洗管人地呀嗎 我明架啦 但係我唔服囉!]

話畢 我就提起書包衝出訓導室離開學校





(我寂寞寂寞就好.....這時候誰都別來安慰)

離開後十分鍾  電話就響起 是阿媽

[喂?]

[你個衰仔!陳SIR打黎話你唔聽話 唔肯合作 講左剪頭髮講左成個月都唔剪 人地話踢你出校呀 係咪想激死老母!?]

[唏!佢針對我既!人地都係咁啦 你唔好重覆佢個句金句呀 我CUT線架!!]我激動地說





[咁你依家係邊呀 我依家上黎同你去同阿SIR SAY SORRY 求人地唔好踢你]

[唔洗呀!佢哄返我添呀 佢隊籃球隊無左我等收皮啦!]話畢我己經掛掉電話

一路步行下山 一路思考剛才的衝動 三十分鍾後我已經有些少悔意

(電話再響起)

[喂?]





[係邊呀然仔 我同呀邦佢地係I-TWO呀 同人地5V5差一個 你黎唔黎呀?]阿仁興奮地說

我二話不說地答應

[好!十五分鍾到 幫我叫定個腸蛋雙撈!]

到達後 我向阿仁訴苦

[學校個呀SIR真係好黑人憎 係咁迫我剪頭髮 人地黑社會就唔洗剪 個呀SIR根本欺善怕惡]

[咁你咪唔好理佢囉!睇下邊個長命]

[咪就係 洗乜理佢 佢做呀SIR打份工 你做學生 你係學校既客仔黎架喎 顧客永遠是對的!]阿邦插咀說

[EM....但係...唔讀書又有咩好做???]我心存猶豫





[得啦 同我地成班HEA下打下機 HEA夠咪搵份工囉 大家一齊返工 一定好開心]阿仁說

[好啦!今晚你地去邊 我唔返屋企 返到去又俾唐僧係咁雷!]

[今晚就精采啦 我約左幾條岩岩XANGA識既女出黎 坐係公園買一打ICE D女醉醉地咪任抽水囉!]阿邦一臉淫意地說

到晚上十時許 阿邦口中的女孩子出現了 有四個 
第一個  穿著一件黑色背心 白色熱褲 外面加一件薄過張紙的冷衫 身材正常 長相平凡
第二個  穿著一件白色迷你TEE 蠻腰若隱若現 頸上掛著一部三叔銀河 身材 目測有C 長相屬四個人中最動人可愛
第三個  穿著一件碎花吊帶裙 加一個一看就知是淘寶貨的香奈兒手袋 身材微胖 但長相補救總算不過不失
第四個  是肥妹一名 相信只是其餘三位的襯托品 

[邦邦~~我地去新公園坐?個度無咁多龜捉食煙]阿魚說





[好呀,喂,然仔 幫我地去買酒啦加包黑萬 唔該!]阿邦一路說一路拿出他的LV銀包有意無意地在炫耀

[我自己一個點拎呀老細...]

[咁仁仔去陪佢啦!]阿邦語氣中帶有命令

一路和阿仁向七仔方向行 他一直臉上露出不忿的表情 

[有陣時真係好唔鍾意呀邦係D女面前扮哂野 有錢都唔洗咁樣點D兄弟呀話]阿仁心有不甘地說

[唏,咁佢係有錢 係咁架啦 人地二世祖唔洗憂又大把女 我地俾佢食住都有著數呀]

買完酒 行到公園 閒聊一會返 突然有位女生出現