簡介

啱啱睇完 寵物小精靈 小智又輸尻左,好撚唔滿意,決定寫一個故。另外小弟有另一個故,未寫完,不過就黎寫完,所以出文會比較慢,求放過老母。 http://forum3.hkgolden.com/view.aspx?type=SY&message=6506591



「霸氣青蛙⋯⋯水手飛標!好拎大果隻!」
「噴火龍!Blast Burn」對面阿撚樣上左身咁尻叫。

嘭!嘭!轟!

屌⋯⋯好撚大煙⋯⋯

仆街⋯⋯又柒左⋯⋯撚樣係我⋯⋯你冇估錯,我又衰左⋯⋯係柒足廿年。

搞撚錯⋯⋯隔離套叮噹呀大雄夠柒啦!點解人地有得𥄫靜宜沖涼⋯⋯點解佢可以打鑊技安⋯⋯點解佢可以媾到靜宜?而我⋯⋯就要柒足廿年。


點解!點解!點解呀?點解人地開主角威能就可以笑到最後,我一到臨尾就變左主角低能呀?

條女賽利娜(Serena) 行左埋黎,佢真係好索⋯⋯十歲果年識佢⋯⋯當年未有電話,抄唔到佢牌。條女平日笑得好甜,點知佢而家西口西面,港女上身咁「小智,你覺唔覺得自從比賽之後我地嘅距離大左⋯⋯Come On James」丫唔係,我唔係叫James 「Come On Satoshi 」

是但啦,反正我去到下一個地區就有新女,女死女還在,下個更可愛⋯⋯我尐女多到可以開後宮⋯⋯

雞!全部都係雞!

*** 
我叫小智,住係純白鎮,係個好普通嘅細路哥。有老痘,亦有老母,今年九歲,平日冇嘢做,最中意FF。細個嘅時候,老師叫我寫「我的志願」我寫在矇面超人。老師罰我笠住個膠袋著條紅色底褲企係學校門口,結果我俾班同學笑柒左我好耐。好可惜,雖然我都係細路,不過從來都冇隻藍色貓跳出黎,亦都冇一封信係天空跌落黎叫我去魔法學校讀書。 



直到有一日。 

果一日暑假,有條友著住全身黑色衫,衝左入我屋企,亂棍打撚死左我老痘。然後綁撚住左我同我老母,掉左我地落個井度,我嚇到暈左⋯⋯然後發夢⋯⋯夢見到果個黑衣人。 

「歡迎你黎到小精靈嘅世界,你嘅目標係成為小精靈大師⋯⋯你而家係九歲,尻hea 一年,好出發去旅行啦。」 

我醒番之後發覺我間屋入面。咪住⋯⋯小精靈嘅世界?正呀! 

我發現原來小精靈嘅世界好拎正,真係唔使點讀書,番到學校識下尐基本嘅語言同埋數學,然後就係背小精靈圖鑑。我識左個朋友,佢都係九歲,叫做小茂,小茂姓李,全名叫茂李。 



小茂個老痘係個怪叔叔,就住村口,好似話佢老母好早就死左。個怪叔叔個樣淫淫賤賤,成日趁我老母係花園剪草嘅時候過黎借螺絲批,然後就入左士多房好耐都唔出黎。 

***過左一年,我終於十歲啦!屌!遲左起身添⋯⋯咁就慢慢啦⋯⋯反正遲一分鐘又係遲,遲一個鐘又係遲。慢慢刷埋牙先行啦。正當我行到去研究所,哇⋯⋯屌!有人出殯牙?我見到小茂條茂利係個大木博士研究室走左出黎,然後有班女,著住短裙背「加油努力打JJ!加油努力打JJ!」丫唔係⋯⋯聽錯⋯⋯係加油努力俾心機。「喂,小茂,乜你又今日生日咩?」「係呀,咁啱嘅?」屌⋯⋯聽落好撚基。「疑你遲到喎!」條茂李笑尻我。「咁點⋯⋯」我推門入到大木博士研究所⋯⋯博士係⋯⋯唔撚係掛?!我嘴都O埋⋯⋯博士係成日黎我屋企借螺絲批果個阿伯?佢係博士咁鍾樹根都係博士啦!博士叫我係三隻精靈入面揀一隻。是但啦⋯⋯奇異種子啦⋯⋯上原亞衣最中意果隻。再唔係肚餓果時食左佢背瘠上面果棵草都得。「冇喎,俾人拎左啦。」「咁要火燒後欄果隻啦!小火龍呀!」⋯⋯用黎燒野食又得,自焚又得。「冇喎⋯⋯都俾人領養左啦喎。」又冇?是但啦⋯⋯車厘龜都照殺啦⋯⋯乜撚野話?又冇⋯⋯啊伯!你玩我呀?「得呢隻咋⋯⋯叫比卡超⋯⋯你要就要,唔要就過主啦。」「吓?咁過癮嘅呢隻野⋯⋯比卡超,就決定用你啦!」「屌你老母,滿意好快尐行啦,快啦,唔好阻我去屌你老母啦,屌你老母。」我咁大個仔都未見過人可以講一句野入面有咁多個屌你老母。我行左出研究所外面⋯⋯開始旅行啦!
已有 0 人追稿