黃Sir同劉Sir走左之後,我拎住個追蹤器考慮左好撚耐。

雖然森爺同豪哥佢地未曾見過我老婆,不過始終會有其他兄弟認得Boey,所以我唔可以俾段片流出去,睇黎我根本無得揀...
但另一方面,若果俾人發現我幫黃Sir佢地捉森爺,我都一樣咁撚大鑊,而且萬一黃Sir今次又拉唔到人,森爺肯定會搵機會報仇,而我依一個疑似鬼頭仔,到時會相當危險!

我終於可以體會到,一個二五仔係幾撚咁大壓力,難怪朝偉都要搵個Kelly咁索既心理醫生減壓,宜家我行錯一步都會死人
可惜我身邊就只有果個硬鳩鳩既Boey,三番四次咁爭d害撚死我,港女個腦係究係咩撚野構造架呢?
講野就鐘意「撻」d英文出黎,扮撚晒ABC,但要佢同外國人傾計就即刻rest in piece;
問佢平時鐘意睇咩書,佢會好努力咁回憶上一本佢睇過既雞腸書,但查實佢睇得最多就係「新假期」或者「忽周」;
明明都唔撚識欣賞咖啡,但就周不時去Starfxxk用幾十蚊買杯野飲,若然果杯係無Starfxxk logo係上面,你班傻閪仲會唔會買?我地男人只能夠理解用幾十蚊買個飛機杯,即使個杯底寫住made in China同埋可能會爆炸。





越諗就越嬲,我今次真係要開條八婆波!!!

不過,男人個心同佢細佬一樣,硬唔到好耐,我番到落去屋企之後,見到Boey面色唔多高興咁坐埋一邊,然後同我講:「Billy!我已經咩都知道晒喇!」

唔通個衰婆頭先上天台偷聽到我同黃Sir佢地講既野!?

我:「Boey...你...已經知道晒喇?」

Boey:「究竟你仲想o厄我o厄到幾時!?」





我:「你估我想o厄你架咩!?你又唔諗下我點解要咁做!?咪又係因為你!」

Boey:「咩因為我!?因為我唔守得秘密!?你識我咁耐,都知我唔係果d唔守得秘密既人黎架啦!你聽日又有行動咁大件事,點解唔同我講!?你知唔知人地會擔心你架!!」

!?Boey唔係已經知道左我唔係臥底架咩??

Boey:「如果唔係因為見你上左天台咁耐,我都唔知原來你同果個黃Sir聽日又有行動!」

我:「Boey,咁...你仲聽到d咩?」





Boey:「你做咩姐!?你好驚俾我知道你瞞住我去行動咩!?你放心,你地d秘密行動我咩都聽唔到!!我見到果兩個阿Sir同你傾計,已經好識趣咁番入屋啦...只係當佢地離開果陣時,我挨係門口聽到佢地講,話咩聽日有行動,又話咩Billy知道要點做...」

原來果個傻婆都仲係以為我幫黃Sir既臥底...不過,睇黎Boey真係好緊張我,我咁樣o厄佢,係咪好仆街呢?

我:「Boey,你真係唔好再周圍講俾人知我既事喇,咁好易累撚死我架...」

Boey:「你當我係咩人姐?我點會周圍同人講你d野姐?」

真係俾佢吹鳩漲...
我都仲未諗聽日點收科,個衰婆又係度煩撚住晒,佢見我個樣咁煩,態度開始變軟。

Boey:「點解老公...聽日你果行動係咪可危險架?我真係好擔心你呢...」

我:「無...你唔洗咁擔心...過埋聽日就會無事...」





講完依一句,我個心都突然「離一離」,事關我記得,係朝偉同德華講完依句之後,第二日都死撚左...

我講完之後,Boey個衰婆又唔知係度FF咩撚野,成個含春樣咁講:「阿朝...老公,我知你壓力好大,今晚等我服侍你啦~」

雖然Boey唔係好似Kelly咁識得催眠幫我減壓,但佢催第二d野真係有一手,再加上我唔想再聽到佢叫朝偉,於是乎我即刻除褲拎細佬出黎塞住佢個口,我真係好撚大壓力,我真係好驚聽日會無命,我真係好驚會俾森爺佢地斬9死,我真係忍唔住喇!!!嗚呀~~~

果一晚,我係張床度碌左好耐都訓唔著,一方面我無資格同黃Sir講條件,另一方面,我真係從來無諗過做二五仔,宜家我夾係中間,究竟仲有咩計呢...怪就怪我當初衰多口,話自己係臥底,搞出個大頭佛,如果有得我揀,我想揀做一個普通既古惑仔。
但原來,就算我唔想森爺死,都唔代表森爺唔想我死。