最後一單大茶飯: 01

2017，報紙上再唔係佈滿我地行業飛黃既事跡，上面總係充滿三個數目字。
六八九。D人又好鍾意係前面，加一個英文字母，同一個七字。
 
成日係到D7689，我心諗其實依個係唔係車牌？
 
我係巷度老笠完條港女。
佢口裏說不，身體卻很實誠，已經雙手遞上左錢，跪地求饒。
 
今時今日咁既服務態度係邊度搵。
我丟低手上D底褲，心懷感恩咁拎左港女d錢。




 
睇黎我終於要轉運啦。
 
「多謝小姐既合作，你已經可以走啦。」
說時遲，那時快，條港女即刻唔見左影。
 
係呢個時候，我果肚叫左。係一個非常淒厲既叫聲。
我相信依家，已經係下午茶時間。
 
無錯，我要透過肚既叫聲，先知道依家係幾點。因為我無手機，無錶，無樓，無女，無車，好在仲有工番，同人地講既「五無」真係有有過之而無不過。




 
我係一個敬業樂業既人。
生活除左老笠之外，靜番既娛樂就係睇下報紙，同去圖書館睇下書、上下網。
 
D人成日話香港點好點好。
 
落到泥D同鄉又成日同我講，捱多七年，你攞左個咩身份證，一天都光晒啦。
 
老笠整整七年我咩風浪未見過呀！
 




03年撞正個沙士，我用條底褲當口罩，繼續開工。
08年對雷西兄弟偷晒人地袋入面D錢，我甚至食底褲過活。
 
七年又七年，身份證攞左啦，又有咩改變姐。
我靜係見到更多既同鄉落黎同我爭生意，同埋人地銀包入面d錢無多過。