《我獲得一個願望，我選擇左係學校做一次男神》: 第三十三章：亂中有序

「Hi，我叫光仔啊，你叫咩名啊？」坐係對面既大隻男，睇落去都幾靚仔，白白地，又後生，只可惜佢同abc女拍緊拖。

「我叫芊雪，叫我阿雪得架啦。」光仔慢慢行緊埋黎，坐係我身邊。

我聞到一陣既香味，好襯佢，聞落去清新。

「好香啊你。」估唔到，我都會讚個陌生既男仔，大膽左好多。

「多謝，不如我地飲杯啊。」光仔搭住我膊頭，攞起酒杯。我亦唔介意光仔搭我膊頭，但係佢唔係有女朋友啦咩？





「Cheers。」玻璃酒杯相撞既聲音，浮現係大海上，不知不覺，遊艇已經駛離岸邊好遠。

「係呢，阿軒幾時識你架，都唔知佢有女朋友既。」咁問到，我都要諗下喎。

「好搞笑架個次，我係街攞住碗粥，但係軒唔小心撞跌左，佢好心幫我買返碗，我就有少少鍾意左佢啦。之後呢有次係海旁見到佢...」

同光仔傾得好開心，差唔多兩個鐘都無停過口，亦都一到傾一到品嚐啲紅酒，原來阿軒買既紅酒枝枝都超過十萬，今晚我地都唔知飲左幾多百萬落肚。








「咁頭先同你熱吻個個係咪你女朋友黎架？」

「哦，頭先個個係我個朋友黎架咋，佢男朋友係阿凌。」我無聽錯下話，究竟發生緊咩事，雖然啲關係好亂，但係作為旁觀者，覺得成件事都幾好笑。

「我單身架，仲未拍過拖添。」頭先咁勇敢去錫人哋個女朋友，而家就話未拍過拖，難啲信你。

「唔信我？真架，呃你做咩先。」其實飲左咁多紅酒，都有少少眼訓，都費事理真定假。

「信，信你一次囉。」





「信埋呢次。」佢一講完，就錫左埋黎，我開頭都有啲抗拒，但係佢捉住我隻手，我欲拒還迎，大家都開始熱吻起黎，不斷去攬住大家，輕撫大家既頭髮，面，到最後都係攬住條腰錫。

錫到成個嘴都濕晒，都錫到攰大家先停低。

「開唔開心。」光仔抹一抹嘴然後問我。

「嘻嘻。」笑完之後，我主動去錫光仔，摸到佢啲肌肉真係好結實，好有安全感。




「Jessie，過黎。」一間豪華總統套房咁，一架遊艇竟然有咁既房。

Jessie慢慢走上張床到，床頭坐係到既係阿軒。





「上次都未同你飲晒枝紅酒，今晚同你飲埋佢。」Jessie今日凈係著左條紅色薄薄地既連身裙，陪襯既亦係一對紅色高踭鞋。

「坐過黎同我飲。」係床尾既Jessie慢慢爬去阿軒到，訓左係阿軒身邊。

大家都好安靜，好似期待緊啲野咁。

「點解飲左兩杯就咁眼訓既？...」Jessie已經完全進入昏迷狀態，阿軒亦奸笑左一聲。




「不如我地落去揾返阿軒佢地啊，得我地兩個係到有啲奇怪。」都錫左半個鐘，口水都吸乾晒，望下電話，都已經十二點幾。








我地行落一層，純白色既走廊，中間只有一個吊燈，旁邊有四對門，究竟佢地係邊呢？

「知唔知佢地係邊啊？」

「唔知啊，不過無好打攪佢地啦，可能人哋自己慶祝緊。」咁又係，我都只係第一次見面，都無謂特登走入去。

走廊上既右邊第一對門打開左，係一個mk妹同阿凌走出黎。

「咦，你地企係到做咩？」

「無啊，諗住揾下你地咋嘛，其他人呢？」

「應該係下面，我同阿火而家去玩滑水，你地黎唔黎？」





我同光仔對望，但係都無出到聲。

「算啦，等陣如果你地想黎玩就去船尾揾我地啦。」




既然阿凌同阿火唔用間房，不如入去參觀下。

「光仔，不如我地入去啊。」光仔突然好開心，亦露出些少奸險既樣出黎。

「好啊！」








入到去，以為自己去左酒店，同一間總統套房能夠媲美，仲要有部琴係到，係咪可以大顯身手呢？

「你識彈琴架？」

「你又知既？」

「見你望住部琴咁耐，睇你都係好想彈架啦，而我都好鍾意聽人彈琴，好舒暢，等我聽下你手勢都好。」

我行過去部琴到，部琴都好襯間房既顏色，亦都係好純潔，好白，好柔和。

打開琴鍵既蓋，久違既聲音，再次響起，而我最愛彈既就係永遠常在，亦即係日本動畫千與千尋既主題曲。




手指係黑白鍵不斷跳動，我亦沉醉於此，無法抽離，好享受自己所彈奏，亦都好自傲。

彈到最後一個單音，聽到光仔既掌聲，我先抽離到出黎。

「Thank you，好唔好聽？」

「一個咁靚既環境，咁優美既琴聲同埋一個鍾意聽琴聲加上一個鍾意彈琴既人，唔係絕配咩？」絕配？我同光仔？都唔錯喎。