「白志明!」

「又係你?!硬要係咁尷尬既情況黎揾我既?」

「你都好野啦,趁夜媽媽,同個護士一齊訓?」

「咩意思先你,講到我好似得罪你咁,晨曦你架咩?」

「你應承我話半年內追芊雪返黎,而家就係到同第二個女人訓?豈有此理!」





「你信唔信我真係拆散阿峰同阿樂!」見到佢都講到嬲霸霸,我都費事再同佢嘈。

「你想點就點,我唔想再理,我凈係知道而家好我同晨曦都好快樂。」

「快樂快樂,一刻間好快就走既樂,搞到你兄弟同深愛既人分手,值得咩?」「喂,大佬,我都有自由架,你唔可以管我一定要同邊個拍拖,一定唔可以同邊個拍拖架喎。」

「自由?你無,你只係一個內裡垃圾,外表似男神既人,如果我唔係我比我副身軀你,你會有今日?」

「你已經失去穎心,而家仲無埋芊雪,係咪到臨死先知道咩係最可貴。」





「垃圾?如果唔係靠我自己會認識到晨曦,仲同佢一齊?」

「你話穎心係我既,而家呢?又叫我追芊雪,而家人都走埋,你覺得好咩?」




「唉,既然你要咁講,我都無辦法,上面落命令,要你出院兩個禮拜內追返芊雪,唔係既話,懲罰將會生效。」
我都費事理佢,繼續訓覺算。







「喂,好重啊你。」原來我一直都壓住左晨曦,搞到佢塊面紅晒,真係好靚,所以我錫左落佢塊面到。

「做咩啊,攬住我咁耐都唔捨得放手。」

「我驚無左你阿嘛,咪要成日攬住你囉。」

「邊有男仔咁癡纏架,成個痴漢咁。」

「咁你鍾唔鍾意?」

「鍾意,最鍾意你。」








過左一個禮拜,我同晨曦越來越甜蜜,同佢一齊有無比既幸福,快樂。

「可唔可以影靚啲啊,影到我肥晒啦。」今日仍然係留院既日子;但係好悶既日子,都會被晨曦滋潤晒。

「咩姐,影得幾靚喎。」我地坐係窗台邊自拍,因為今日個日落真係好靚,可惜太遠。

「唔得囉,再影過!」係強權底下,我始終都要順服。但係有一樣好好,就係晨曦從來唔會亂發脾氣;點嬲都好,錫下佢,哄下佢,佢都會變返隻小綿羊。

「不如我地出去影啦。」

「唔得,你係隔離病人,留院期間唔可以出去架。」

「我真係無傳染病喎,點解要剝奪我既自由... 」我捉住晨曦對手,希望以真情打動佢。





「No way,如果你走失左咁點算。」

「我會拖實你架嘛。」

「咁如果比人發現呢?我仲係實習護士咋,我唔想咁快無左份工。」

「咁我養你囉,咁你咪可以成世都做我護士囉。」

「你邊養得起我。」佢令歪面,又係到同我玩。

「點會養唔起,就算得一塊麵包,我都比晒你食。」我將佢令返轉,望返住我。

「一塊麵包咋?」





「咁你想食咩?」

「起碼都食鮑魚啦。」

「咁大食架?咁我唔養你啦。」

「喂啊,講笑咋,唔好唔養我啊,你唔養我就無人養我架啦。」晨曦可憐楚楚咁望住我,真係要頒個視后比佢。

「真係無人養你?」

「係啊,我好可憐架,我唔想比人遺棄啊。」我雙手公主抱起晨曦,好彩都唔係好重;其實係我大力啫。

「咁好啦,呢個世界得我先可以養你架。」

「嗯。」晨曦好似細路女咁,比人抱起係半空,錫左佢一啖先放返佢落地。






係呢到,隔住視頻既兩端。

「點解!點解一開始你明知會咁都要一齊!」

「我...我都唔想架,太耐無見面,感情真係會變冷。」

「無見面?我日日同你Skype,就算時差幾耐,我幾攰,都想同你見面,你而家話無晒感情?」

「阿樂啊,分隔兩地,感情變冷難免都會發生,大家都有唔同既生活,你要明白啊。」

「明白?我而家就係好唔明白!」

「講到最尾,你都想同我分手啫,好,我承你貴言。」

兩人就係冷漠既Skype上分手,阿樂好慘,日日翻學之前就要同阿峰視頻,但係英國係慢香港七個鐘,有時就算阿樂唔洗上堂都好,都想起身見阿峰,同阿峰傾計,都只係為求見一面。




「講得幾好啊,低錫。」一個右邊壓頭前端電曲,而且淺金黃既長髮,擁有雪白而且小小虎牙既女仔,坐左係阿峰身邊。身穿白色T恤,緊身牛仔短褲,完全突顯自己完美既身材,更可以看見她性感的鎖骨。

「唔該晒你。」

「做咩仲咁拘謹啫,我地都一齊左九個月啦。」無錯,九個月即係阿峰未黎英國之前,已經同左呢個女仔一齊,一切都係阿峰既預算當中,阿峰也只係貪愛之人。