「白志明!」

係雙眼朦朧望出去,見到一絲白光,睇黎時間都唔早,而叫我個名既當然係芊雪。

「早餐呢?」當我知道係芊雪黎左,我仍然合埋眼,唔起身係到扮訓覺。

「早你個頭,再唔起身我就走!」我都估到芊雪會搣我,但係無以前搣得咁大力。

「得啦得啦,起碼都比我刷牙洗面先啦。」我都企起身,見到今日芊雪着得好sporty,上身着住黑色緊身衫,下身就係粉紅色加黑色既瑜伽褲。





「哇,你今日去做gym啊?」

「係啊,我等陣去學瑜伽。」

「話時話,而家幾點。」

「成十二點啦,你再唔刷牙洗面我地就趕唔切食飯,我學瑜伽就遲到架啦。」

「成個阿媽咁。」





「咩話!」

我直接無視佢既攻擊,去左廁所梳洗。



其實可以同阿明和好,我真係好開心,但係我地究竟係咩關係呢?琴晚比佢錫完之後,覺得自己個心軟晒,完全降伏係阿明前,但係阿明同我個關係好似變左,好似陌生人,越黎越遠...







「搞定,我地去邊啊?」

「可以去邊啊仲,咪係醫院同你食飯囉。」

「下...又係醫院食...」

「咁你想點啊,我唔會再比你出去架啦。」

「你又知我出左去?」

「我...琴日等左你咁耐。」我慢慢行近芊雪到,多謝你,肯為我委屈一下,而家係我報答既時候。

「多謝你,我欠你太多。」

「傻佬。」





「你要多謝就多謝晨曦。」

「下,點解啊?」

「本身琴日佢想你揾你,但係你唔見左人,好彩佢對你好,無報警,只係留低一張紙條。」

「你見過佢?」

「係啊,而且同佢傾左陣計,佢都幾好人啊,又同我道歉。」

「咁快做埋朋友啦?」

「咁我細路女黎架嘛,邊有咁記仇。」





「好啦,我地去餐廳先傾啦,真係遲到架啦。」




「芊雪不如我地出去啦。」我再次求芊雪比我同佢出去食飯,唔係既話,我真係會鬱死,見到醫院餐廳啲飯都想嘔。

「No way,我唔要下次探你係係監獄。」

「點會,信我一次,我會同你順利出到去,亦都順利返黎。」佢猶豫左一陣,應該無問題既。

「怕左你,最後一次啦。」太好了!

真係好耐無見過呢個世界,凈係睇FB點能夠滿足我。





我地揾左晨曦,叫佢隱瞞我走出去,佢都好樂意咁做;見返佢,覺得佢唔同左,

靜左,總之就怪怪地,不過點都好,都唔關我事啦。




「影相。」

我地去左一間日本野,芊雪真係有我心,見我個口Dry左咁耐,同我去返啲人食既餐廳。

「哦,好啦。」

「可唔可以唔好咁死板啊,你咁靚仔,但係又唔肯汁靚啲自己,又擺埋啲老土pose,真係救命。」咁係阿嘛,我本身就唔係男神,而且又無得成日同女仔自拍。





「咁我收返個V字,得未。」

「咁就差唔多。」呢個傻妹真係,影張相都咁麻煩;不過我諗佢都好重視我同佢做既每一樣野,希望佢會好好珍惜呢張相啦。




等左好耐啲野食先黎,果然係日本菜,日本直航新鮮運送。

「我唔客氣啦。」

「咪住。」又點呢?

「我要幫啲食物影相。」芊雪幾時變得咁港女...

「食得未呢請問?」

「食得啦。」

「我唔客氣啦。」




「係呢,遲啲出院有無諗住去邊?」

「唔好講啦,我本來開學已經plan左去旅行架啦,不過我成個sem都無返學,我黎緊要好好溫書啊。」

「咁啊,我同你一齊溫囉,等你專心啲。」其實你係到我咪仲唔專心,不過點都好,有人陪起碼無咁悶。

「係咪架,到時唔好話悶走左去玩喎。」

「我幾時有呃過你!」哎呀,芊雪又用力搣我,從前既感覺,已經逐漸返緊黎。

「係啦,咁洗唔洗勾手指尾啊今次?」

「要!費事你反口唔比我陪你。」

「我點會唔比你陪呢?」

最後,我地都勾左手指尾;今日我同芊雪勾手指尾,唔係因為答應會愛佢,而只係答應會同佢一齊溫書。

我都諗過,我錫完芊雪之後,我地係咪情侶呢?雖然上次情信比人粉碎左,但係我仍然好想同芊雪示愛,唔想佢再離開我。



「好,今日係大家上瑜伽堂既第一堂,希望大家可以互相認識先。」下,做瑜伽都要互相認識?呃錢架?好彩呢個course只有十個女仔,全部都係18-25歲,我地都係報大專個項,應該係想統一啲掛。

「Hi,我叫芊雪啊。」既然無人出聲,點解我唔出聲先呢?

「Hi,我係Vincy啊。」個樣好靚,好pure,睇落以為係中學生。

我地輪流介紹完之後,就正式開始瑜伽堂,其實十個女仔都好靚,好女神,但係我係最矮個個,搞到我有啲自卑,不過靚既程度大家不相伯仲;係呢到只係有一個女仔吸引到我既目光,就係Vincy。