《我獲得一個願望，我選擇左係學校做一次男神》: 第六十一章：日記

咦？日記？睇唔睇好呢...

（翻譯為中文）

「二月二十日，晴天，星期日

今日係銅鑼灣，坐左係咖啡店到，諗返起去日本既旅程；日本作為我環遊世界既第一個點，應該好完美，但係一切事與願違，諗住去到日本好好享受一下，點不知見返之前一個女仔。







個女仔係我中學時候鍾意，好靚，直到而家都係，更加係我追求既一個女仔，即使佢好靚，好多人追，性格一啲都唔高傲，就憑呢一點，就已經好吸引，何況佢係一個經典絕頂既女神？


佢曾經對我都有好感，但係佢話係中學唔想拍拖，要努力讀書，大個移民去日本；其實我都唔明佢點解要移民去日本，係意大利生活咪幾好。」原來佢係意大利人，難怪咁靚仔。

「直到我問佢，佢話日本野好好食，衫好靚，最靚既係個到既人；唔單只係外表上靚，佢話最重要既係人心既美，人好善良，有禮貌，歐洲國家的確都比唔上。



重點都唔係佢話要移民去日本，而係當我想問佢我可唔可以跟埋佢去既時候，佢已經離開左意大利，係，係一粒聲都無出過，就離開左，仲要同左個有錢阿叔一齊，遲啲仲話要結婚，原來感情可以變得咁快...」





「我好失望，好感，無人踏出第一步，或者永遠都係好感，而愛，係行動，個個阿叔比我更加明白，更加成功，我無權質疑佢係鍾意阿叔啲錢定係個人，但係我唔明，一個幾年感情，都比唔上一個幾個月甚至幾個月都無既阿叔咩？」




「Hey，why are you looking at my diary？」

「Sorry...」（以下對話為中文）








「我見你訓著左先八卦下咋。」

「算啦，都無咩睇，其實你睇完，有咩感受？」感受？...

我只係覺得我好似個女仔，負左阿明個心...

「感受...」

「你好慘囉...」

「係，我好慘，但係講咩都無用。」





「你無追返個女仔咩？」

「追？有用咩？」

「有一次我特登去日本揾佢，但係佢用盡一切辦法避開我，係佢心目中，我已經一毛不值...」

「或者佢唔想你傷心啫，即使你見返佢，但係佢已經唔係屬於你。」點解我仲有良心講呢啲野...

「係既，你講得啱，即使點追都唔會係我...」

「但係你至少有去追。」

「嗯。」

「唔好講呢啲傷心野啦，係呢，你環遊世界成點啊？」





…

我地一直講，講唔停口，連飛機降落都唔知，今次佢去英國，係揾女朋友，佢想係英國定居。

「有人黎接我，我地有緣再見啦。」

「祝你揾到屬於你既情人，生活愉快。」




「Hi，穎心BB，好耐無見啦。」唉，又要見到呢個人。

「走開，我要上車。」佢想攬住我，但係我避開佢，真係好煩。





「好好好。」




係返屋企途中，我同佢無講過野，我亦一直望住窗外風景，再次問，點解揸緊車個個唔係阿明...




「有啲野你要抓住架，好似我咁，以為一切都理所當然，以為我同佢可以順利去日本，移民定居，一齊生活，但係你睇，我最後係佢生命中，變左粒灰塵。」呢句野係頭先係飛機個男仔同我講。








抓住佢，原來我都係當一切係理所當然個個，以為阿明會揾到我，會帶我走，會同我生活落去，但係係機場個日，即使佢見唔到我，但係我見到佢係我面前經過，我都無抓住佢。

人生，無得以為，我都以為阿明會揾到我，以為佢會做好多野，事實上，佢放棄左，我都放棄左。




今日！終於比我掂返粒足球，真係久違啦，不過我知道技術一定會生疏，希望之後我努力啲練波，攞返啲感覺返黎，然後打低冰倫。




「阿元！」我砍波去中間，阿元胸口一控，一射，射破對面龍門。

我地去左華天足球學院，即係我受傷個到。

「好波啊，阿明！」估唔到，技術都無點生疏，可能保持住有睇波掛。




「好！大家過黎。」完場之後，阿元叫左大家過黎，氣氛突然凝重起黎。

「我地分組塞險勝中學次名出線，會對住其他組別既首名出線既隊伍，包括中大...而中大更加係最大機會會碰頭既一隊，所以我地要加緊練習，誓死唔做魚腩。」

「正所謂知己知彼，百戰百勝，我地要知佢地有咩人，咩踢法。」呢句，好似係我既金句黎...

「CU最恐怖既一個人係阿軒，相信大家都認識....」阿軒？乜佢入左中大？

「佢入左CU？」

「係，而且係成隊最恐怖既一個。」

「錯，最恐怖既係一個叫冰倫既人。」咦，個肥仔都識冰倫？

「佢係中學學界試過射入三十一球，好誇張。」三十一球？踢英超咩。

「所以如果我地真係對佢地既話，要打醒十二分精神。」

「好，我地叫聲先！」

「１，２，３！」

「UST！」睇黎，今次係我報仇既好時機。