《我獲得一個願望，我選擇左係學校做一次男神》: 第七十八章：最終之 戀人

「好香...唔通阿明又特登起身煮早餐？」

我輕聲離開間房，係房門窺探邊個煮緊野食，當然，係阿明。

「嚇死人咩，傻婆。」我跳跳下咁衝左入去從後攬住阿明。

「好香啊，啲廚技越黎越有我風範喎。」呵，梗係啦，呢段日子，我都煮過唔少野食比女仔。

「我覺得我煮野食叻過你囉。」





「哈，要試過先知啦咁。」

「你出去等我先啦，乖。」

「我唔記得刷牙洗面添。」










「哎呀，無刷牙仲錫我？」

「嘻嘻。」穎心伸一伸脷就出返去。

唔知點解，煮煮下，個心有啲痛，不過忍住左，過一陣就無乜事。



「食得啦，穎心！」





穎心換左我啲衫，洗完個頭又唔吹乾就出黎。

「有好野食，正。」

枱面上放左兩個歐陸早餐，有煙肉，炒蛋，蘑菇，同兩塊切片麵包，而最重要要既配角就有一杯咖啡同橙汁。

「哇，好豐富啊，你整左幾耐啊。」

「煮唔係煮好耐啫，擺得最多都係我既愛意啫。」

「知啦，我刷完牙啦，可以錫你啦？」

「唔得喎，食完早餐先。」





「好囉...不過個早餐真係好吸引。」見到穎心個樣流晒口水，煮野食個個都好滿足。





「咳咳...」

「做咩咳得咁慘既？你唔舒服咩？」

「無，近排轉天氣冷親啫。」

「係咪架，定係你舊病復發... 」

「你都知道我有病？」





「梗係知啦，上次特登黎揾你，都係因為想黎探下你。」

「而家無野架啦，醫生話我有多幾十年命，即係好似正常人既壽命一樣。」

「真係既？」




「咳！」

「我去個廁所先。」








走入廁所，咳多一聲，成個洗手盤都係血，唔知咩事，今日一起身煮野食就係咁；而家咳血，係今日既第一次。




「白志明，記唔記得我地之間有一個約定？」哦，原來係以前既我。

「咩約定？」

「之前我叫你追返穎心，但係你無追到，叫你要追到芊雪，但係你就對段感情玩玩下，今日我地都睇唔過眼，相信你自己都係；而且你話過寧願懲罰你自己，都唔好懲罰你身邊既人，係咪？」

「係...你想點。」佢而家咁講，我開始有啲驚。





「你聽日...」聽日啲咩？講埋先好走...




「阿明！」

「穎心？」穎心突然破門而入，見到成個洗手盤都係鮮血，不禁流下傷痛既眼淚。

「我即刻叫救護車，你唔好有事！」

「我無事喎...」穎心衝返出去，而我都跟隨佢既腳步。




「你快啲飲啖水先。」

「對唔住啊，一同你一齊，就要你照顧我，睇住我病。」

「唔好再講啦，無論你變成點，都唔會改變我對你既愛！」

「知啦，傻女。」




救護車黎到，車上面竟然有我主診醫生，真係周到。

「周醫生，你都係到啊？」

「唔好講笑住，我地而家幫你做檢查。」見到車上面既救護人員神情嚴肅，好似對我個病好著緊。

「知唔知點解我地咁緊張。」

「我地之前咪話你壽命會好似正常人咁，但係如果有變樣既話，會好危險。」

「點危險先。」我依然以一個輕佻既態度面對我既生面，因為我覺得，有穎心作我生命完滿既結束，我都死而無憾；但係你可能會覺得我好自私，咁穎心點算，我相信個天自由安排，既然「後生阿伯」要我死，佢就自然會安排一個對穎心更好既男仔。




上到病房，做完檢查，醫生話要留院觀察，雖然佢話我因為飲烈酒過量，導致內傷，但係依然對呢個結果有保留。

我諗應該係上次同Jessie飲左個兩支豪華紅酒造成既傷害。




「嚇死我啦，阿明。」穎心雖然無再喊，但係深深既一條淚痕，已經見到佢對我既愛有幾深。

「無事喎，傻婆，我一日未死，我都會係你身邊。」

「唔準講呢啲啊，無論你係邊，我都知道你會係我心入面。」

「梗係啦，都夜啦，不如你走先啦，你都攰啦。」

「唔得，我走左邊個照顧你。」

「呢到咁多醫生，護士二十四小時睇住我，使乜擔心。」

「咁...陪多你一陣啦。」

「好啦。」

係呢個夜晚，氣溫開始轉涼，再次進入秋天，我都緊握住穎心隻手，不斷輕撫佢既馬尾，希望佢有啲安全感。




過多一陣，穎心真係要走，另外一個又入左黎，個個就係晨曦。

「你女朋友啊？」

「係啊。」

「做咩？」

「無，見你地咁幸福，我都好欣慰啫。」

「傻啦，都唔關你事，唔好成日咁自責啦。」

「係呢，你身體又做咩搞成咁？報告話你飲烈酒過量傷及器官喎。」

「係啊，上次同人應酬飲多左先搞成咁。」

「哦，下次唔好飲咁多啦，真係傷身架。」

「唔左你休息，早抖。」

「早抖。」

晨曦離開病房，放下窗簾，幫我熄燈。我係到諗，今次咁嚴重，唔會凈係飲酒下話，「後生阿伯」未講完既野，我相信就係我將會被判既囚。