[農曆七月應節故] 校園鬼故事 - 紅衣女孩: （二十三）

雖然我下了決心，但其實毫無頭緒，也不知道應該做些甚麼。
回到學校，經歷了一個上午的課，還是想不到任何頭緒。
也有想過和堅叔商量，但一想起堅叔昨天的表現，那種違和感卻揮之不去。
 
「唉，好煩呀！」這本應是心聲而已，我卻不自覺的說了出來。
 
「搞咩呀你？食飯食到你古古怪怪咁，煩咩呀？係咪鍾意左邊個？」
和我說話的，是我從小認識的好友張天賜，據他所說，因為家裏認為他是上天賜給他們的禮物，所以才有這個名字。
而他一向也較我成熟得多，不論思想上還是行為上也是，所以是一個非常值得信賴的朋友。
 




但由於不同班別的關係，我們較少機會碰面，通常只有午飯時間或大家也沒有課後活動時，才會有機會接觸。
 
「唉，唔係呀，總之就煩啦！」我隨便敷衍了他，免得嚇怕了他。
「咁者係咩事者，你果樣好似真係好煩喎，講黎聽下。」好朋友和豬朋狗友的分別，就是真的會關心你。
 
我沉思了一會，然後看了看他，又看了看四周，我輕聲地跟他說：
「你……信唔信有鬼？」
 
「痴線，梗係唔信啦！」不知怎的，他的反應比預期中更大。
「咁無野啦。」我垂頭喪氣的道。




 
「咁啦，雖然我唔信，不過見你咁頹，即管聽下你講下啦。」天賜想了想後，便跟我這樣說。
 
可能他看見我真的非常沮喪，作為朋友關心一下我吧，還好沒有交錯這個朋友。
於是，我便將我好幾次的經歷，一五一十的告訴了他。
 
我看見他沉思了好一會兒，然後認真的給了我些建議：
「嗱，雖然我唔信有鬼，我自己就覺得係幻覺多，可能係堅叔講左個故仔俾你聽，咁岩你又真係去左物理室，咪將D野重疊左囉！」
 
「我都有諗過，但又點解釋前後兩次幻覺唔同左？又點解釋我頸上的手指印？」我反駁道。




 
「幻覺嘅野，好多時候都係人嘅想像力創造出黎。至於手指印，其實可能只係普通敏感，呢D紅印嘅野，似咩形狀，其實都係自己諗嘅者。」他慢慢地解釋著。
 
「唔通，我真係幻覺？但……無可能，我驚還驚，都無可能諗到個女仔要我幫架？」聽了他的解釋，我心中確實有些許動搖。
 
但老實說，這仍然未能令我釋懷，當中有些東西一定有問題的，只是我仍然未察覺到是哪個部份。
 
他看我一臉苦惱的神情，知道我肯定還未能釋懷，於是提議我：
「咁啦，睇你個樣都係唔會死心架啦。嗱，最直接嘅方法，就係六點鐘後去返物理室，睇下係咪真係見到野。如果無事，咪了左件事去囉。」
 
「如果有事呢？同埋堅叔講過六點一定要走架！」
 
「堅叔話堅叔話，你咩都係堅叔話，你咁信堅叔就唔好再諗啦，都唔知佢有無呃你者。」
 
對，為甚麼我壓根兒沒有想過，堅叔欺騙我的可能性？




整件事的始末其實乜只是從堅叔打聽來的，當中有沒有任何不實的成份呢？
但是，堅叔為甚麼要欺騙我？
這正正是違和感的由來，而且，仔細想起來，堅叔的故事，有頗多不明朗的地方，尤其是那天，我明明記得他說學校不能上香的，為甚麼又要我上香給小詠呢？
整件事真的是愈想愈可疑！
 
「喂，搞咩呀你，無啦啦又靜晒，傻左呀？」天賜在我面前揮了揮手。
「無，我聽完你講，成件事都好似好可疑咁，我諗梗點做好者。我真係唔敢再一個人去果間房。」
「仲駛問？梗係Check下佢講嘅野堅唔堅先啦！」
「吓，點Check呀？」我睜大眼睛，用疑惑的眼神看著他。
 
「妖，你有無睇金田一架，搵犯人之前梗係搵返晒D資料重組案情啦！諗下個
故仔有無咩奇怪地方先，之後再對下D資料，最尾就破案，係咁架啦！」
他理直氣狀地道，雖然他較我成熟，但說穿了還不是一條較成熟的毒撚，還不是喜愛看漫畫。
 
「咁點破案先得架？」我又再問。




「屌，你做左之前D步驟先啦，做完自然有答案架啦！你陣間食完飯大把時間重組案情。」
「好啦，我試下啦！如果我真係諗到D咩線索，你陣間放學會陪我架啊？」我嘗試拖他下水，怎知道他竟這樣回答。
「唔得喎，陣間放學我要即刻返屋企幫我阿爸手喎！得架啦，你搞得掂架啦，唔得隨時再搵我啦！食飯啦！」
 
還說是我的好朋友……算了，最少他也提醒了我，我應該懷疑一下堅叔的，我就先朝這個方向，查探一下吧！