[農曆七月應節故] 校園鬼故事 - 紅衣女孩: （四十二）

放學後，我、天賜和阿詩再次來到天命叔的道壇。
 
「點呀，你地幾個，有無遇到D咩怪事呀？」天命叔邊打座邊詢問我們。
 
天賜和阿詩滿臉通紅，低頭不語，看來只好讓我來說了。
我把我在夢中看見的一切，告訴了天命叔。
只見天命叔聽完看，偷看了天賜和阿詩一眼，臉上露出一個淫笑！
我想，他應該猜到這兩人有夢到甚麼了吧！
 
「你地夢見呢D其實好正常，對你地D岩岩踏入青春期嘅細路黎講，性的確係有好大的吸引力，令你地迷失自我。所以佢地化身成一D吸引你地嘅形象係唔出奇嘅。不過奇怪嘅係，無理由你地係學校咩都遇唔到架？」天命叔露出了一個疑惑的表情。




 
「會唔會係小敏放棄左，唔再搞我地呀？」我抱著一絲微弱的希望作出提問。
 
「放棄你個死人頭！你個頭俾左佢嘅話，佢就可能放棄搞我地啦！依家你個頭仲黐到個身實一實，棄條毛咩！」天命叔指著我的頭說。
 
「咩者，咁你都諗唔到點解，咁咪估下囉，又唔駛死嘅！」我不滿的道。
 
「好啦，阿鋒，老豆你地一人少句啦，不如諗下仲有無D咩要準備好過啦！」天賜對我們說。
 
「超，你老豆我捉鬼多過你溝女啦！一早搞掂晒D野啦！」天命叔自負地說。




 
「咁，世伯，我想問下聽日我過到黎有無野可以幫手架？」阿詩舉起右手詢問天命叔。
 
「唏，新抱仔，唔好叫世伯，叫老爺啦，橫掂遲早你都會嫁入黎。你聽日返到黎，只有一樣野要幫我做嘅，就係確保壇前面嘅三支香唔好熄左，一熄左就即刻點返著佢。如無意外，呢幾支香最長可以燒到二十四小時，到時就靠新抱仔你啦！」
 
天命叔拍了拍阿詩的膊頭，只見阿詩又變得滿臉通紅，但嘴角卻微微向上，大慨她也挺樂意做天命叔的新抱吧。
 
過了一會，天命叔像想起甚麼似的：「呀師……你地校長呢？佢仲未過黎嘅？」
 
「吓，佢今朝見我果陣無同我講會過黎喎。」我回答著。




「咁你地放學前有無見過佢呀？」天命叔緊張的問。
 
我們三個都一起搖了搖頭，疑惑的看著天命叔。
只見天命叔馬上撥了一通電話：「喂，你好呀，我想搵杜太呀，我係張天賜嘅家長！」
 
只見天命叔等了一會，便無奈的掛斷了電話。
「唉，弊啦，師妹可能出左事！」天命叔一臉頹喪的坐下。
 
「吓，唔會卦，校長可能行開左，或者有野做者。唔會有事嘅！」我口裏雖然這樣說，但想起之前他們如何對付天賜和阿詩，沒有出事的機率又有多高呢？
 
「細路，你唔會明架啦，尋日我之所以每人俾左一道符你地，係因為我係你地臉上面，睇到有凶相。雖然我無辨法預知未來，唔知你地會發生咩事，但我可以透過符咒去盡量幫助你地。但師妹尋日的面相，係混沌，呢種面相我學道咁多年，只見過一兩次，即係話預測唔到！雖然尋日我已經同師妹講左，仲俾左D法器佢，但睇黎都係避唔開！只希望唔係太大件事！」天命叔半掩著自己的臉對我們說。
 
「吓，咁點呀？我地係咪依家去救佢呀？」我緊張的問。
 
「唔得，一黎依家去到，時間唔太夠，我唔想過左子時仲同佢鬥緊。二黎，我交俾師妹的符，唔知佢貼好晒未，如果未嘅話，好有可能會影響到整個法事！」




 
我們幾個聽了後，都覺得事態嚴重，此刻卻甚麼也做不到，那種無力感充斥著整個道壇。
 
「大……大家唔駛咁擔心，我相信校長會無事架！我地只要做好晒D野，照返原定計劃，咁樣先有最大機會救返校長！」想不到，看似柔弱的阿詩，此刻又語出驚人，第一個開聲安撫大家的情緒，究竟在她身體裏，潛藏著多大的勇氣。
 
「哈哈，講得好，不愧係我個好新抱！你講得岩，依家擔心都無用，混沌之相唔等於一定會死人，只係無法預測者！我地要做好所有野，放學之後，就去解決佢地！你地幾個聽住，明天返到學校，只要唔係上堂，所有時間你地三個都要一齊行動。就算唔可以一齊都好，搵多幾個同學一齊，咁樣可以減低佢地出手嘅機會。同埋，我陣間會俾D符你地，你地聽我指示，冒必係放學前，要係我指示的地方貼好晒D符，明唔明！」
天命叔聽了阿詩的說話，變得精神起來，迅速的指示著我們。
 
就在我們討論之際，忽然腦海中響起了一把女聲，是小詠。
「喂喂，你地聽唔聽到我講野呀！」
 
我呆了一呆，想著是甚麼一回事。
「做咩事？我地傾緊明天單野呀！」天命叔向著神主牌的方向說話。
 
「無呀，D香就燒完啦，可唔可以幫我點過幾支呀？」小詠提出要求。




 
「麻鬼煩，你等一等啦！呀，係啦，新抱仔，除左果幾支香唔好俾佢熄之外，你得閒就幫我上香俾小詠啦，廢事陣間返到黎佢無晒力量消失左！」天命叔邊點燃了三支香，然後插在小詠的神主牌前。
 
「咦，天命叔，原來小詠仲係度架？」我驚訝的道。
 
「梗係啦，佢唔留係度點恢復返D力量呀！」
 
「吓，咁恢復力量又點呀？佢可以做D咩？」我繼續追問。
 
「你唔駛知，遲D你就明架啦！好啦，大家如果都清楚嘅話，就好返屋企啦。免得太夜有麻煩！衰仔，你送新抱仔返去先，細路，你留多一陣，我有D野俾你！」
 
天賜和阿詩離開後，道壇只餘下我和天命叔。
「有咩俾我呀？係咪錢呀？」我開心的道。
「錢你條命，擰轉身！」天命叔呼喝我道，我不明白為甚麼他總是對我這麼兇惡。
「轉咪轉囉，喂，搞咩呀你，你係我背脊畫咩呀，好痕呀大佬！」我想掙扎，卻被他用單手按著，不會吧，這維園阿叔這麼有力？




 
「好，搞掂，細路你今晚返去唔好沖涼，係咁易抹下身好啦，我岩岩係你背脊畫左D野，會保你平安，始終你明天係作為誘餌，一下子俾佢上身搞掂你，咁我地就玩完架啦！」天命叔嚴肅的對我說。
 
「吓，唔沖涼好辛苦喎，可唔可以沖完再俾你畫過呀？」
「你想死咪沖囉，我估隻野依家有足夠能力操控你，你即管試下沖涼。沖完話我知你發生咩事，如果仲有機會嘅話！」
「咁……咁咪唔沖囉！」我無奈的說。
 
「好啦，你陣間返去早D訓，精神D無咁易俾鬼操控！」
 
和天命叔道別後，我便回到家中，吃了晚飯，躺在床上很快便進入夢鄉了。
翌日，我很早起了身，在校門前會合天賜和阿詩，便一起進入學校了。
離法事時間，還有，十小時！