「Yo,大家好,我係本集嘅主角,亦都會係將來每一集嘅主角!我係邊個?梗係你地最愛嘅天命叔啦!唔駛鼓掌唔駛歡呼,要崇拜我嘅去果邊,果度有隻女鬼會幫你登記架啦!咩話?你地話我痴線?你痴我都未痴呀!算啦,你地D凡人點會識得欣賞我,我維園阿叔嘅造形,就係為左接近你地D凡人,等你地D凡人可以有機會認識我先咁做!仲有……哎吔,痛痛痛痛,老婆你係度做咩呀?」
 
「做咩?扭你耳仔囉!Up完你D廢話未呀?讀者等到訓著啦,快D去正題!快!」對,這位正在扭著我耳朵的,正是我的嬌妻,你們可以叫她天命嬸。
 
「得得得,老婆你放手先,好痛呀!話晒第一次做主角,我篇六萬字感言點都要讀晒先架啦!哎吔……痛呀老婆,得啦,我入正題啦好未,放手先!」我的耳朵又受罪了。
 
「早知當年就揀小師妹唔揀你啦。」我口中唸唸有詞。
 
「死佬你講咩話?」天命嬸瞪大雙眼看著我。
 




「無,我讚你溫婉嫻淑,貌美如花,而且性格開朗,又識大體,娶到你簡直係我張天命幾生嘅福氣!話唔定上一世我打救左世人,今世先能夠娶到你!」我也不知自己在說甚麼,總之能逃過扭耳仔的命運就好了。
 
「唔知你Up乜,快D開始啦,讀者等到燥啦!」天命嬸催促著我。
 
「知啦!好啦,咁我講個故仔你地聽啦,呢個故仔係關於我同陳子鋒呢條細路嘅……」
 
--────────────────────────────────
 
讓我想想,對了,第一次看見陳子鋒這小子,是在我的道壇。
那天,我那蠢兒子從學校撿了這傢伙回道壇時,第一眼看見這小子時,只覺他相貌平平,還有些蠢鈍的感覺。




 
直到我幫他解降時,看見他吐出如大拇指般的血塊時,我著實嚇了一跳。
正常來說,中降程度如此深的人,要維持自我意識是非常困難的,但這小子居然能保持一定的自我,這令我對這小子產生了一定的興趣。
 
之後,我看了這小子的生辰八字,真是不得了,陽年陽月陽日陽時,這種至陽之人,乃學道的一塊好料子。
 
這時,我內心不禁偷笑了一下。
雖則這小子看似蠢鈍,但其性格卻和我頗合得來,甚至有點像以前的我。
於是,我想著如何可以增加他體內的陰氣,便提議他答允小詠的要求,讓他的身體開通一條道路,好讓小詠可以進入他身體,順便讓他適應一下陰氣。
 




想不到這小子雖然不情不願,卻真的願意去做,這小子還是有一點骨氣的。
接下來,他把小詠帶到道壇來,我要求小詠再上這小子的身上,好讓他早點適應被陰氣纏身的感覺。
 
之後,一切都很順利!透過特殊的符咒,甚至成功連接了他和小詠,我知道,這小子必定有所改變的!
 
就在事件完結後第二天。
 
「天命叔!!!!」陳子鋒跑上了我的道壇。
我當然知道他的來意,他開始能夠看見鬼這種特別的存在了!
雖然想強行要他拜師的計劃失敗了,但我確信他會再來的。
 
又過了一個星期。
「叩叩!叩叩!」我聽到了敲門聲,終於來了嗎?
「點呀細路?」我滿心歡喜的打開了門,卻被眼前的景像嚇了一跳。
 




只見這小子眼袋佔了半張臉,那黑眼圈比上次我給他喝的「廿四味」還要黑。
當然,這小子的容貌本來已經夠衰的了,我才不會給他嚇到。
嚇到我的是,只見這小子的背後,跟著一個又一個的鬼魂!
數量嘛?大慨能佈滿一個足球場吧!
 
我馬上想把門關起來,怎料這小子的動作真快,一手把門給我頂著。
「天命叔,你救下我啦,我呢個星期日日都見到佢地,仲要唔知幾時開始,佢地知道我睇到佢地,佢地就一個一個咁跟住我啦!開頭都無咩野,但佢地愈黎愈多,我就愈黎愈攰,我已經兩晚無訓覺啦,我係咪就黎死啦!我唔想死果陣仲係處男呀!」只見這小子抱著我的大腿不放,我也不好意思就這樣關上門來。
 
於是我把他拉進了道壇,然後對外面大叫:「你地走啦,你地唔會入到呢個道壇,同埋個細路都唔會幫你地!」
說罷,我往外面撒了一地碎銀,便把門關起來了。
 
然後回到道壇,只見這小子坐在壇前,仍然是一臉疲倦,這個當然了,雖然跟著他的鬼魂都走了!但失眠了兩天,再加上陰氣也需要些時間散去,我吩咐他先去洗澡,然後從廚房拿了一杯啡黃色的液體給他。
 
「天命叔,呢杯又咩黎架?你果D廿四味同清補涼真係好難飲!」這小子明顯比剛進來的時候精神多了。
「咖啡黎架死蠢,等你提下神Ja!」接著,我也拿了一杯在喝著。




「天命叔,你真係要救下我呀,我咩都聽你講,求下你幫下我!見到都唔緊要,可唔可以唔好俾佢地再跟住我!如果唔係我真係死俾你睇!」子鋒跪了下來,緊抓著我的腳不放!
 
「嗱,你起身先,其實天命叔係一個好人黎嘅,你有事我點會唔幫呢。」我用溫柔的語氣對著他說。
「頭先你明明想閂門。你幫下我啦!」他仍然死抓著我不放。
「岩岩果D意外黎者,你都見啦,我最尾都幫你送走左佢地,我絕對唔係唔捨得D碎銀架!」只見這小子用鄙視的眼光看著我。
 
「嗱,你起身先啦,都就黎兩師徒啦,有咩起身慢慢傾!」我扶了他起來。
「喂,咩兩師徒呀?我唔拜師架喎!」他馬上嚇得甩開我的手。
 
「嗱,依家仲未係師徒,你講野粗魯D無所謂,但之後拜左我為師,你就要尊師重道架啦。」我馬上溫柔地指導他的語氣,然後續說。
「同埋我唔係唔想幫你呀,你諗下,如果我要幫你,正常係要收錢架嘛。咁我估你都唔會有錢架啦!但要我免費幫你,你又同我無咩關係,俾人知道左,講唔通架嘛!我幫你諗好晒架啦,你拜完師,做我徒弟,咪唔係外人囉。咁師傅幫徒弟,都好應該者係咪。之但係,你唔拜師嘅話,係啦,唔岩規距呀嘛!」
 
說完後我也忍不住嘴角上揚,心想:「這次實在太完美啦,天賜果個衰仔唔肯跟我學道,依家搵佢朋友黎學,話唔埋仲可以影響埋天賜,返黎跟我學野添,哈哈哈哈,張天命你實在太聰明了。」
 
就在我沾沾自喜之際,只見這小子正在低頭沉思。算了吧,乖乖的答應我,我會給你好好鍛練的!




 
好一會兒後,這小子抬起頭來:「好,我可以跟你學道,不過你要先幫我搞掂晒,等D鬼唔可以再隨便跟住我!」
 
「呢條友仔,係咪諗住我幫佢封身之後就反口唔認,太睇小我啦!」我心想。
 
「好,幫你搞返掂唔係問題,但係你要應承我,一定要拜我為師!如果唔係必為咒術所傷!」我馬上結出咒印,待他答允。
 
只見這小子突然震動了一下:「好,我答應你!」
雖然好像有點奇怪,但我深怕他下一秒反口,於是馬上把咒印施在他身上。
 
「好啦,好徒弟!等師傅幫你封身啦!所謂封身,就係等一般嘅鬼怪邪靈無辨法跟住你或者上你身,咁之後你只會見到佢地,但應該唔會受一般嘅妖邪影響架啦!」說罷,我馬上在他身上展開結界,配合符咒和經文,替他進行封身的儀式。
 
只見他身體外圍發出一絲光芒,然後,那光芒由外面慢慢滲進他的體內。
 
「咦,係咪搞掂啦?」他興奮地問。




「未?你都未拜師!不過唔駛D咩叩頭儀式咁煩啦,叫我聲師傅就得啦!黎,叫聲師傅聽下先!」我滿心期待的等待著。
 
只見他低下頭沉默不語,然後以瞬雷不及掩耳的速度奪門而出。
「收皮啦,要我叫你師傅!頭先小詠同我講左啦,佢話你點樣設個局黎陰我,好在佢肯幫我!你地兩個慢慢玩啦!」
 
我不明所以的看著他逃走:「無理由架,點解個咒印無效嘅?」
就在我疑惑著之際,腦內響起了一把聲音:「師傅!」
 
一瞬間,我弄明了所有事情。
我馬上運起劍指,指向小詠的神主牌:「我好心收留你係度,你仲搞破壞?係咪想我打散你。」
 
然後小詠在我面前現出她的身形:「嘻,你唔會打散我嘅。一黎我又無害人,二黎我依家係你徒弟喎,你打散我盞影響到你自己者。」
 
我放下劍指:「唉,估唔到我一世英明,俾你個咁嘅二打六跣到!唔怪得頭先佢答應我果陣,我覺得有D唔妥啦,原來係你上左佢身黎應承我。」
 
小詠:「係呀,多多指教啦師傅!」
 
我一臉不在乎的道:「你鍾意叫就叫飽佢,我唔會教你野架。我知你諗咩,你想早D成仙者,我唔會幫你架!」
 
小詠:「師傅,唔好咁啦!無錯,我係想成仙,但我主要都係想幫你架!」
 
我靈機一動:「幫我?咁你應承我一樣野!」
 
小詠當然知道,每個承諾都有一定的規範性,尤其是有功力的道士所提出的條件,所以她不敢作聲。
 
我:「哼,唔駛擔心,我要你做嘅野好簡單,就係跟住陳子鋒,然後每日同我報告佢情況。」
 
小詠:「就係咁簡單?」
 
我:「第一步就係咁簡單,之後我會要你幫手引下D有修為嘅鬼魂,我要俾多D磨練呢個細路,等佢就算無學道,都一樣可以提升佢嘅靈能力!而你,我會每日抽半個鐘燒香誦經,助你成仙。」
 
小詠:「真係架?好,我做我做!多謝師傅!」
 
我:「唔好咁開心住,雖然你無左肉身限制,成仙比起人容易好多,但係你只要一有邪念,我會親自收伏你。同埋,我都會係你身上落個禁咒,如果你有歪念,禁咒會令你嘅能力大幅減弱,明唔明?」
 
小詠:「知道!」
 
我:「同埋,你都要作為陳子鋒嘅守護靈,以保佢平安。咁樣都有助你條練成仙!之前我在佢身上,用黎連接你同佢嘅通道依然存在,你可以利用呢條通道隨時搵到佢。好啦,無問題就依家去搵佢,順便幫我嚇一嚇佢,等佢唔好以為就咁可以走得甩!」
 
話音剛落,小詠已經消失不見,陳子鋒,我唔會放棄,你一定會係我張天命的第一個徒弟!
 


小弟FB page
如果有時間可以去跌個like當支持一下  

https://www.facebook.com/insidemyheart2015/