［１８歲經歷］因為酒精而起的愛情小故事（走甜）: 一
「喂，今晚上唔上黎我屋企飲酒呀？」
「飲酒？無啦啦飲咩酒呀，我唔飲得架喎。」
企係我旁邊既文西,粉果,高佬,黃色野聽到飲酒呢兩個字就扯晒旗咁，尤其係高佬同黃色野，係咁問我電話入面邊個呀，邊度飲呀有邊個呀等等
我就同佢地講，話係啊d屋企到飲，之後高佬一手搶左我部手機同啊d講
「我地今晚上黎你度飲啦！你黎baleno度揾我地先，我地係度買緊衫，買完衫一齊上去丫」
「好呀好呀，我仲有個朋友黎飲，到時一齊玩啦，我地行緊過黎啦，轉頭見」
呢度講返聲先，我叫呀草，班fd會叫我做草撚,草西,草爺咁，粉果同高佬係我老死黎，中一就識到呢家，都６，７年感情。文西就中四先開始熟既，份人古古怪怪咁，經歷過幾次失戀既男人，順帶一題我地都留過班（唔係我地廢，係我地仲未努力咋）而黃色野就因為留班先識，不過我地同佢好岩傾，所以好快就熟落。啊d係女仔黎，大過我１年，讀完中學。
「唉，飲乜撚野酒呀吊，我真係唔飲得架」我同佢地講。
「咪就係，拿我到時飲小小架咋...」粉果講。
我同粉果都係果d一飲酒就臉紅（好紅個隻）同埋好暈既人黎，又唔係話我地唔飲得，係一飲酒好撚辛苦咁。
「吊你地係咪男人黎架，飲下酒姐好似切你柒咁」高佬講。
「其實啊d邊個黎架，我唔識佢架喎，佢仲帶埋個fd，我同佢地三唔識七..」黃色野講。
「唔緊要既，唔識咪玩到識囉，你諗下你幾可有女同你飲酒丫..」高佬笑住口咁同黃色野講。
「我吊你丫..」黃色野講。
而文西就成程係旁邊禁手機，水都無吹過一句。
講一講先，啊d同高佬係返band既，乜鬼野媽春band （唔知你地知唔知）都幾熟咁
之後我地就笑笑口咁睇衫，每人仲買左一件，好抵屌，５０＄一件ＴＥＥ，我仲買左２件
睇完試完買完啦，原來啊d同佢個朋友已經到左baleno門口到
啊d著左件tee好細件，露左條腰出黎，同埋起伏位好明顯，個胸圍若隱若現咁，仲著條粉紅色短褲，成條腿露晒出黎，我就例牌潤下佢幾句啦
「咦..肥左喎，仲咁有自信著短褲既」
點知佢發晒老皮，用晒粗口黎鬧我，所以話唔好立亂話d女肥，佢地真係會癲。
「唔係唔係，我無咁既意思，我係話你上身肥左姐..」
「吊你變態佬，抵你無女要無女比你溝呀死矮仔」佢好嬲咁一路打我一路講
「抵撚死呀草爺，比人話矮仔」高佬行過黎搭一搭我膊頭，又講
「生到我咁高咪唔會比人話矮仔囉，哈哈哈」
講真，如果比第２條友咁搭膊頭講，我真係會嬲，高度係男人尊嚴黎家嘛，仲要係d女面前咁樣落我面，不過出自佢把口我就無乜野咁。
啊d個朋友就旁邊係咁笑，笑得好得意。而文西仲係拎住部手機猛禁，都係無講過野。
之後我地７個人一齊起行上啊d屋企，係路途中我就不斷打量啊d個朋友，好似睇六合彩咁由上至下，左至右咁望佢
佢入面著左年白色ｔｅｅ，出面係條牛仔長裙，有吊帶個隻（唔知你地明唔明）著得好保守。望埋個樣又唔錯，皮膚管理得好好，而且仲好白淨
係行既時候都係你地有你地女仔傾，我地有我地傾咁，所以我同啊d個朋友都仲未有交流。
行下行下，經過間超市，入到去事事但但求求其其咁買左幾packICE啤酒，撞到度個同學仔，吹下水寒喧一下，問呢樣問個樣
「喂，柒頭！做乜係度既？」我用雙手既食指同姆指比左兩個７字佢
「返工呀，岩岩放飯，食完野又無野做，仲有半個鐘咪ｈｅａ行下囉」
「返緊咩呀你？」
「你盲架，百佳囉」佢指住自己件衫
「幾錢個鐘呀？」粉果同高佬問
「３４］
「嘩吊你３４蚊都做呀，辭撚左佢啦，我地而家返美心一個鐘都５０起跳啦」
「吊事但啦」
其實我覺得３４蚊真係少，不過總比緊貼最低工資既麥記好，法例既最低工資就係麥記既最高工資，我都唔明點解要做Ｍ記，又熱又焗又辛苦。想當年呀１５歲仔跟人返麥記，個陣時就２８蚊個鍾，一入到去呢就炒薯條，熱撚辣辣咁，又易整親，有次炒炒下成個喱整到隻手，痛撚到仆街，仲要有幾條痕，之後就叫我送外賣啦，大熱天時出鬼晒汗，路又唔識，次次送外賣都行成粒鐘，辛苦到呢..所以做左無耐我就無做啦。
喧就寒完，水都吹完，準備上啊d屋企。
我地入到去啊d屋企，個廳都ｏｋ大，２間房。
除完鞋擺好d啤酒，高佬,啊d同佢個朋友就係沙發度坐，我,文西,粉果同黃色野就擔張登仔坐，圍左個圈，其實個陣個場面都幾老尷
個時都各有各玩，因為高佬同佢地係返band既，所以都有計傾
我地幾個ｇａｙ佬就禁手機睇ｆｂ，係度鳩笑
無耐高佬就話不如搵d野玩啦，輸左既就要飲酒
「圍梅啦不如」啊d個朋友終於開聲
「你叫咩名呀？」呢個時候文西問佢
「你地叫我啊晴就得」
「哦，我叫文西呀」
「哈哈，個名咁盏鬼既..你係咪姓達架？達...文西！」
「哈哈哈哈」成場都係度笑
玩下玩下，本身話自己唔會飲酒既粉果都飲左幾罐，塊面紅扑扑，笑起上黎成個傻瓜咁，見牙唔見眼
「好彩唔係女，我實姦左佢」我懶係好笑咁講，因為其實我都飲左唔少，個時都hihi地
「乜你咁變態架，死變態佬」啊d又起勢咁打鳩我，仲猛咁拎罐啤酒黎扔我
「吊，我講笑咋」
不過望望下啊d，飲完酒都幾可愛，身材又正，但係個時無做d咩，而家諗返起都扯扯地
玩到大家都醉醉地，基於玩圍梅第一round就有人輸，d酒都飲晒，呢個時候黃色野提議左個新game出黎
「不如玩國王遊戲丫」
「點玩架點玩架！」啊晴好開心咁笑住問
「拿，我地係啤牌度抽一張牌，抽到Ｋ既就係國王」佢係副牌度抽左７張牌
「Ｋ,654321，Ｋ係最大，姐係國王，國王可以叫其他人做任何野，咩都得架！」講完黃色野望住我露出一個奸笑既表情
洗好牌，大家一人拎一張，拎到Ｋ既可以開牌，其他唔洗開。
「係我呀係我呀，我係國王呀，你地一個二個同我聽聽話話！」黃色野又露左個咸濕樣出黎
「唔....３號同４號同我除衫！」