作者: 母忘我 - Forgot Me Not #41573

作品

文字的威力

「我要成為小說家。」 喺呢個文字並唔值錢既年代, 我喺二十幾年前已經發緊呢個夢。 當時係我第一次接觸電腦, Window 95。 速成, 注音, 所有中文輸入法一概不曉。 當時既我慢慢敲著鍵盤, 創作左人生第一個故事: Detective Robinson. 無錯, 係一個英文偵探故事。 理由除左因為唔識打中文, 亦因為父母唔識睇英文, 可以扮溫習, 做功課。 從結果黎講呢個故事係失敗既, 因為無走到盡頭。 之後創作過好多故事, 都係恆心寫到最尾。 然而今日, 我希望再為呢個目標努力一次。 「文字唔值錢。」呢句話, 係我之前一位老闆同我講既。 或者喺香港, 文字真係唔值錢。 然而到左現時香港既景況, 我認為文字係最有力既一環。 無數本地作家都為著大家既自由發聲。 如果今日我仍然唔願意立定心意動筆, 將來又是否有信心仍享有動筆既自由? 我並無咩抱負, 唔想用文字改變世界, 唔想成名。 但希望將來會有自己既讀者, 因為自己既文字而得到一點甚麼。