作者筆名ho Mz
作者簡介
個人網站
Facebook 粉絲頁
作品數量2
最新作品 一個普通的九十後感想
RSS 訂閱作品

作品

一個普通的九十後感想

感想...? 有幾耐冇用到「感想」呢個字眼, 除咗中小學作文或者閱讀報告後交一份我的感想之外, 「感想」呢個字眼好耐冇係我手筆出現。 91班嘅我今年不經不覺三十出頭, 好多人會以為三十出頭嘅人 會有一份好穩健嘅工作 日復日去完成工作 收工返屋企娛樂 或者已經建立到自己嘅家庭 為自己子女努力工作 賺取奶粉錢 曾經 我都以為我人生用「平淡」兩個字去渡過, 但自從工傷之後,發覺原來人生要生存唔係一件容易嘅事。 講一講我十八歲出嚟社會做過d乜比大家聽下, 十八歲... 初初因為屋企生計原因就早早出嚟社會工作 最印象深刻第一份工,裝修雜工! 2003年 開始入行所謂「三行」 果陣我18歲 400蚊日, 年少無知加上死挨難挨 一個月都有接近20000收入, 開早師父一個鐘 收工OT 通宵工作 , 總之係同收入有關嘅我都仆住去做 。 到咗我接近20歲 知道建造業人手短缺 我報讀一個有糧出嘅180日課程 - 木鋁模板(中工) 如是者,我人生又進入咗另一個階段 「地盤工人」。 畢業初出茅廬,最難適應嘅係體力勞動。 搬野 拆野 釘野 完全冇辦法難到我 地盤最難適應嘅係 「温度」 冬寒-夏熱-春淋-秋爽 每一年都要同四季氣候角力, 久而久之克苦耐勞 最終得到回報。 收入開始富裕起來,改變到屋企生計同環境, 與始同時我人生又向下一步前進! 25歲嘅我 用時間來換取返嚟嘅工作經歷, 膽粗粗去應徵 「地盤管工」一職。 起初都打定輸數 比自己兩年時間適應, (原因小弟中三學歷) 邊夠同行爭呢...... 幸好比我挨到三年 , 公司開始賞識我甚至比錢我去進修讀書教取T1牌。 黎到呢到 係咪感得我係人生勝利者? 大錯特錯了! 19年新年前夕 如常上班工作執行例行職務, 早上一輪工作後,突然不幸被高樓層的硬物跌落撃中, 可以話係會頭盔救咗我一命,當時比野卜完感覺冇乜野 只係有小小發熱焗促和頭暈 當時我即刻打比我上司報告事宜,可惜冇聽到 接住就打比安全主任報告。 A: 剛剛地盤有硬物從高處墮下,我被撃中 幸好有戴頭盔, 但頭盔被撃到凹咗。 B: 你而家有冇事? 行唔行到? 附近有冇人? A: 附近暫時唔見到人(工友) ,我感覺到有少少唔舒服頭暈 B: 你自己落唔落到黎? 我一陣上黎睇睇

活在21世紀的九十後

隨便寫... 隨意噴... 原因實在有太多 「不能說的祕密」, 21世紀...? 都市人實在有太多壓力和社會病 不日更新 , 暫時開咗頭先 緣份到自己會看到 佛系舒法