快樂結局章 再 見

「你去到落機同我講呀。」我啊媽響廳大聲講。
「得啦﹐你講左百幾次啦。」我拖住行李喼企響門口著鞋﹐
「買手信呀。」我啊爸叮囑我。

同佢地拉拉扯扯﹐
終於出到門口﹐
今次係我第一次單獨去旅行﹐
去法國﹐


當散散心﹐
彌補一下啊婷仲未醒返既心情。

難得啊媽又肯俾﹐
咁我咪去下囉。

經過左好多個鐘既機程﹐
我終於黎到法國﹐
一落機就拉住個喼﹐
打電話俾啊媽﹐


再去左一間民宿。
放低行李﹐
攞住本出遊果啲指南攻略就周圍行。

食下野﹐
用善完畢之後﹐
我得出兩個結論﹐
原來外國人食真係可以好慢﹐
香港人生活急促。



仲有一個重點!
就係啲野好食到粗口都形容唔到﹐
一啲雞汁味都冇。

總之就係正啦。
如果可以同啊婷分享就好啦。

食飽飽就起行﹐
法國既空氣好清新﹐
唔係講笑﹐
聞落去真係好舒暢﹐
大大個太陽曬住﹐
熱得黎又好舒服。

攞住相機﹐


周圍影﹐
影到靚相真係好鬼開心架啫。

不過﹐
啲相總係差緊個主角。

夜晚返到去﹐
我攞出日記﹐
寫下寫下先發現﹐
日記已經冇曬位。
早知攞多本黎法國啦...

第二日我買左一本新既簿開始寫﹐
雖然本簿同我寫開果一本唔同樣﹐
但將就下啦。



一日一日咁過去﹐
已經去到最後一日﹐
我上網查到原來法國有薰衣草園﹐
所以決定去睇下。

薰衣草園比我想像中大得多﹐
好大陣鍾凱婷既味道...
一片紫綠色﹐
隨著風吹起﹐
薰衣草亦跟隨住搖擺。

攞人幫我影左張相﹐
呢到真係好靚﹐
如果我移民﹐


我一定移去法國﹐
無休無慮﹐
響街到可以慢慢行﹐
唔會有野逼﹐
我好響往呢啲生活。

走入薰衣草園。
周圍包圍住香味﹐
我真係冇諗過可以聞到真既薰衣草咊。
「真係好香。」我感嘆左句﹐
同時企響我對面既一個人都咁講。
響法國都有香港人?

我抬頭。
一個中年既大叔對我住笑﹐


而我都回一個笑俾佢。

去到法國我真係有禮貌左。

夠鐘要返民宿執野啦。
我依依不捨咁離開薰衣草園。
「陸添羽!」一把甜美既女聲傳入我隻耳。
我甜甜咁笑﹐
回頭大聲講「鍾凱婷!」。
一個因為做手術﹐
失去頭髮﹐
但仍然帶住開朗笑容既佢。

我唔會再放你走。

我悄悄行到佢面前﹐
將擁有獨特薰衣草既佢抱入懷。
眼淚響眼眶不斷打滾。
我日夜守候既女孩。
我十分掛念你﹐
終於見返你啦。

同樣地﹐
我相信佢都係咁諗﹐
所以我同佢先會默默講左句﹐
「個天讓我重新遇見你。」

---------------全文完---------------