老實講,事緣係咁,今日放學等升降機返屋企期間
係電梯大堂見到個好生面口既女仔
我一入大堂就同佢對望左下,自問雖樣毒,但係個心係正常人
對住佢微笑點左下頭,佢都對我點左下頭,然後就無出聲係到等升降機
基於我屋企大堂係有三部升降機
1部單數樓層,1部雙數樓層,重有部係咩樓層都到既
個女仔就企左係我隔離望住同一部升降機,咁姐係代表佢都係住單數樓層啦?
但係我見都未見過佢係到住左十幾年
而且佢套校服都係都唔係呢區,咁應該係外區學校黎
心裡面就諗佢九成九係上黎搵男朋友扑野啦屌



之後諗諗下don9野,部升降機就到左
咁我準備行入去啦,點知佢又起步一齊行,兩個係升降機門口阻住左對方
咁我就退後左步笑住示意俾佢入先啦,之後佢就微笑咁行入去啦
入到升降機,我見到佢搵緊佢想按既樓層,咁我無理佢啦
,我按左自己果層就退後左望住個樓層顯示牌
廢時望住人地啦,令人地誤會自己係色狼啦,
呢個時勢,你望望個女仔分分鐘都俾人告你視姦
等到自己樓層既同時就諗下返屋企做咩好啦
(不過大慨都係上高登上一晚之後沖涼訓嫁啦)



"叮~~~"
部升降機到左我果層啦我見到於是就行左出升降機
行返屋企期間,覺得後面好似有d野....
我唔知有無巴打同我一樣,係細個睇鬼片睇到有陰影果d人
姐係成日凝住係升降機同埋行防煙門果條樓梯時後面緊有野跟住自己
咁我心裡面果陣時諗,依家日光日白,無事既,自己多心姐,之後行多兩步唔係太對路
我於是慢慢寧轉身.....見到有個長頭髮既生物...
我即刻大叫左出黎
之後果隻生物都一齊尖叫,好似killjo咁叫


係呢個時候我就更驚,叫得更大聲
點知呢個時候條友一巴車左落我到
之後痛到我仆街,個人清醒左
之後望真d,原來係岩岩個女仔
我見到佢塊面紅哂,企係原地喘氣之後係到擦眼淚
之後心知唔對路,嚇親人,就細細聲問佢有無事呀咁...
點知佢突然之間好惡咁指住我講:
[仆街啦你,人嚇人無藥醫呀屌你!]
我即時心諗:
下?明明岩岩見佢重好似好有禮貌,依家又屌哂鬼咁,我知係我唔岩,但係都唔洗咁呀]
但係基於廢時罵交,就話
[係呀係呀,唔好意思呀,你無事咁我走先啦....]
當我檸轉身想跑返屋企果陣時
條友扯住我個背包,之後好問我,
[我想問d室係邊到,我第一次黎,我要搵人]


之後我就指俾佢睇啦
之後佢就放手放我走,我都無轉頭望

返到屋企放好背包,見到檯面有張紙,老母同家姐原來出左去行街
咁我無理啦,反正見怪不怪
但係諗兩諗,果條女去搵d室果個婆婆做咩呢?
因為D室個家得婆婆一個,婆婆同我阿媽好熟,我細個果陣時都成日照顧我
佢明明就同我講過佢無人無物,點解無啦啦有個十幾歲死o靚妹去搵佢呢,唔通係d失散孫女?
但係關我撚事咩於是就無理上高登
當我見到有個avpost,down完想打j果陣時
突然門鐘響,我心諗做咩咩鳩,老母應該無咁快返
於是著返條褲用防盜眼望下啦,點知好死唔死俾我見到係岩岩果條女....

於是我偷偷地打開度門,用門隙問佢咩事
佢就話要黎搵人


我心諗你搵邊個呀,我都唔識你,
於是打開左度門,隔住鐵閘問佢搵邊個,係唔係搵錯樓層同埋搵錯座數
佢就問我呢到係唔係x座21樓B室
我話係咁又點,
之後佢話咁咪岩囉係呢到啦,快d開門俾我
心諗,三唔識七,無啦啦開門俾你咩?
於是追問佢,你唔係要去D室咩,做咩鳩搵到黎我呢到
佢就話原來聽錯,係B室唔係D室
佢重話岩岩個婆婆以為佢係果D上門sell收費電視d人趕佢走
咁我就問佢你叫咩名,我無收到通知有人同我講今日有個好似你咁既妙齡少女黎我地屋企
之後佢好大聲妖左我一聲之後
佢開始拎佢部手機出黎按左幾下,之後塞入鐵閘俾我,叫我聽
我一聽...
[喂?係唔係八輩子呀?]
把聲好熟,但係我諗唔起係邊個


[請問你係..?]
我係林姨姨呀,你細個住係荃灣隔離屋個姨姨呀

咁我又講下林姨姨先啦係到
我細個重住係荃灣果陣時,同隔離屋對姐弟成日一齊玩,細佬細我一年,個家姐大我兩年
佢地阿媽就係林姨姨,佢同我阿媽好熟,佢地係新加坡人黎
咁樣我地搬左去屯門之後,佢地係荃灣住多左兩三年,都移民左返去新加坡,因為話咩97前走喎

咁好啦,我就記起邊個係林姨姨啦
我就同佢寒暄幾句
問下近年點呀果d,咁傾傾下,個女仔好唔奈煩咁就向住電話大叫
[林姨姨呀,你快d同佢講咩事先啦,我重係佢屋企門口,佢唔俾人入去呀...]
咁林姨姨應該都聽到,佢就話係呀係呀八輩子,我唔知你媽媽重記唔記得
你細個重住全荃灣果陣時,你媽媽借過錢俾我個親妹妹,果陣時你媽媽重講笑話唔洗還d錢
只要八輩子同佢個女大個果陣時結婚就得........


我呢個時候即刻望住呢個好似細我三四年既女仔下左一聲
然後個女仔啤左我一下...
我心諗唔係咁正呀麻,無啦啦有條女送俾我?

但係咁我覺得都係老母講笑姐,
但係林姨姨突然轉哂語調......佢話佢妹妹病死左
(我其實只係記得林姨姨個妹妹係長期病患者(糖尿果類好似),因為林姨姨個妹妹都有照顧過我,我阿媽要返工果陣時)
我就話,下,咁依家佢個女依家點算?
林姨姨就話,因為佢係香港無人無物,所以要去你地到住一派先
佢只要攪埋d咩監護人手續,同埋移返佢個妹條屍返新加坡(?)
就會黎接阿露露,佢話晏少少會打俾我阿媽講(露露應該就係個女仔個名)
咁我就大慨明白件事啦,就話咁好啦,林姨姨麻煩哂你啦,咁我俾我媽媽依家個手提電話號碼你啦
之後佢就話好啦,之後我就一邊傾一邊開門俾露露
之後我都未開哂個閘,條女就一下推開我,扔左個背包落沙發,我呢個時候就同林姨姨講遲d傾啦
之後收線扔部電話俾條女,條女接左之後就細細聲講左句:[麻鬼煩..]
之後我扮聽唔到,關返度門,之後佢問我間廁所係邊,要換衫先,今日體育堂成身汗
我就話你盲嫁,間屋有幾大呀,你自己見到有花灑咪入囉
之後佢衝左入廁所,大好聲關門"砰!"
我心諗洗唔洗咁撚大力呀,睇黎呢條女都係果d公主病勁嚴重既死港女

咁我見肚餓,就去煮個麵食
咁我開廚房水喉既時候,我聽到條女係廁所好大聲咁屌左聲
咁我唔知大家屋企係唔係同我一樣
一條水喉成屋共用,姐係我廚房用水,會令廁所用既水變少,同埋沖沖下熱水會變凍水
咁我就偷笑左下心諗抵你死啦仆街,之後長開住廚房個水喉
點知我煮好個麵,拎返出廳果陣時,條女係廁所開左條門隙仔大叫,叫我入去
我就食住麵係廳到同佢講,你有咩就講啦,我聽到
之後佢話無熱水
叫我幫佢較,我就話係呀呢幾日熱水爐壞左,你就沖住凍水涼先啦
我晏d先睇下,之後條女又關返度門
係呢個時候我連麵都食唔落,只係係到笑...
諗返都覺得自己仆街

咁我幾經辛苦,食完個麵,洗埋個碗之後,條女終於出黎,佢攬住條毛巾,住著條排球褲,著住件海綿寶寶
頭都無吹咁偷偷摸摸出黎扔野落垃圾筒,咁我就覺出奇,佢扔咩鳩
之後行去垃圾筒睇啦,原來係m巾
我就同佢講唔洗咁鬼鼠
我地屋企好多女人,我見慣,你就當係自己屋企住啦
(因為自己良心責備岩岩係到玩鳩人)
咁佢無出聲,坐係沙發睇電視,咁我都無理佢,上我既高登
之後個氣氛勁靜,我就頂唔順,想戴耳機聽歌啦

當我準備開果陣時,聽到佢講我叫x露..你可以叫我露露..
之後我無望佢,心裡面諗兩諗,一個女仔都幾慘既死左媽媽,又無親戚係香港
我就望住佢,微笑住同佢講:[我叫八輩子,你叫我阿八啦]
之後就無理佢,但係我都無戴耳機,廢時佢講野我聽唔到,好似好無禮貌
之後又dead左十幾分鐘,佢話想食生果,我就隨手係後面個生果盤扔左個蘋果俾佢
佢接左之後話要食橙我就話你自己過黎拎啦麻煩鬼
之後佢話你接返住個蘋果先我話你自己放啦
佢又話佢數三聲,就向我個頭扔,唔接扔中我個頭唔關佢事
我就緊係唔信啦,咪話你咪扔囉屌
點知佢數完三聲,真係成個蘋果扔向我,但係我背向住佢唔知,
成個蘋果扔左我耳仔上小小個位成個蘋果重要爆開左半
痴撚線條女大力到,on撚99
之後我按住個位成個捱左埋張椅子到大叫,痴撚線嫁!你真係扔我,重要咁撚大力
之後佢微笑住同我講,呵呵,唔關我事嫁~~之後自己行過黎拎左個橙返沙發食...
咁佢食完個橙無野做,又走埋黎問我做緊咩
我話無呀上下網咁咋,佢就問我可唔可以俾佢用一陣
我就話一係咁啦,你用住我家姐部手提電腦先啦
之後佢->
佢就叫我借間房俾佢用電腦
咁我就話ok,帶左佢入房,俾佢坐左係我張床就出返去
佢坐果陣時我見到佢對腳係到盤腿....
哇真係

咁我無理啦,出返房用電腦
點知突然之間聽到房裡面有好大聲音樂聲,咪又行返去門果到偷聽下囉
點知聽到佢聽sorrysorry
就係呢個時候,決定扮下野入房拎野,一開門
我->->
佢->->

原來佢係到扮緊sj跳sorrysorry,on99重要係跳緊sorrysorrysorry果下
之後我掩住嘴偷笑咁關返度門...
點知佢捉住我衣袖,笑住咁問我:[你笑咩喎死人頭!哼]
之後我話無野~不過其實你可以出廳開ps3上youtube跟住跳,個廳大d,方便你跳
之後佢問,你會唔會笑我嫁?
唔會啦無聊鬼,你要跳咪跳飽佢囉
之後佢就出廳,叫我教佢用PS3上網,之後我教佢期間,
見到佢件海綿寶寶某個部份既起伏位都幾ok
咁我就拍拍自己塊面叫自己冷靜d,條女好無知咁由下望住我,問我做咩,
我話無事無事~咁你依家識用啦?
之後佢笑住咁點頭話嗯我就行返過電腦
就係呢個時候...我諗起件事....

我諗起未set返個喇叭既音量....
我老豆好撚鍾意果d音響....唔知咩春5.1立體聲(?)
我唔知咩啦,我成日朝早都俾我老豆聽d歌嘈醒
我記得有一次,星期六,我老豆睇咩黑鷹xxx小時
d子彈聲呀果d,嘈到我係房嚇醒
之後我重好驚衝出房,原來我老豆睇緊戲
有時候我睇戲,d角色講野細聲到仆街,但係d背景車果d聲又大聲到死
我開大聲小小去聽對白,老母又罵我....
諗起真係燥底
好啦,題外話講完
就係呢個時候,首sorrysorry開始播,我都來不及較返細聲d.......
果d電子聲....哇,仆街,條女都嚇到原地跳左下
之後我就去扭返細聲d,之後就同條女講話你下次用注意下,你跳啦
之後條女偷望左我幾下,見我背向住佢用電腦,佢先開始跳
但係其實我一路偷望緊佢而且偷笑緊

然後佢見到我笑佢啦
之後佢走埋黎笑住咁推左我個頭一下問我笑咩
雖然佢笑住...但係用既力度好似想殺左我咁......條友真係怪力星人
之後我叫痛,佢好緊張問我有無事,我話無啦
之後佢話,咁你笑咩呀~快d講呀~
我話無,只係覺得好得意姐女仔跳男仔舞
之後佢話,咁你跳俾我睇呀,你既然知道呢首係咩,你一定識跳既
我心諗係呢d咩撚野邏輯
之後我話唔識,細細力推開左佢,之後佢學C朗插水扮仆街,但係我都好驚整親佢
之後我走埋去扶佢果陣時,佢話唔理呀,你推低左我,我要你跳俾我睇
好啦好啦下,於是我叫佢起身先,之後鳩跳左幾下(你知啦毒撚邊撚到識跳舞,你叫我唱幾句歌仔就話姐)
之後佢係沙發大笑,我對住佢微笑話好好笑咩?
之後就無理佢,入房打俾老母

老母一聽,我就問佢知道咩事未,我老母話知
我問佢我無啦啦點解會有未婚妻
佢話佢都唔記得左件事,所以無同我講
正當我心諗老母你咁都得既時候...
佢又話~阿仔~既來之則安之囉,反正你依家都無女朋友,益左你啦,屋企無人,唔好做d咩壞事呀對人

我對住電話大叫
佢岩岩想拎個蘋果殺我呀,壞事,佢對我做壞事就差唔多,你同我快d返黎,我驚你返黎果陣時我己經俾佢用唔知咩生果扔死啦
之後我阿媽話好啦好啦,咁我快d返黎啦
之後就cut左我線...

我好絕望咁抱住頭諗今日咩日子咁黎虐待我…我唔想死係生果之下..
之後就出房放返好部電話,係呢個時候我見到條女係到玩緊我部NDSL
之後佢見到我,問我咦原來你男人老狗都有NDSL嫁?估你唔到喎
之後我無理佢..坐係沙發望住部電視發呆
諗兩諗唔對路...我決定要離開屋企,直到老母返黎先算!
於是我入房一邊換衫,一邊打俾d朋友,約佢地出街陪我
但係班死仆街話無錢...但係奈何呢d咁既情況,我就話好啦好啦我請啦,機鋪等啦
我換好衫,準備出門口果陣時,又係到諗,放條女係到又唔安心,一陣偷野咪仆街
之後迫於無奈,人都就癲既時候,就同佢講...你介唔介意陪我出一出去?
之後佢諗兩諗又諗兩諗問我去邊,
我話出去先講啦趕時間,於是佢就話,啦,費用你俾呀~你求我出咋,我唯有陪下你呢個電車男啦
ok,你鍾意點就點啦下..
此時只係希望,有我班朋友係到..佢唔會亂黎啦

等輕鐵期間...條女不停追問我去邊去邊,我話去機鋪打機,我班朋友都去
佢就話,下?呢d叫咩急事呀?我返屋企啦咁...
之後我佢想走既時候,我問佢,你有屋企既咩?你有鎖匙咩?
之後佢無出聲..
我心知講錯野..走前同佢講sorry,
之後佢話唔緊要,咁我真係無屋企呀麻..好啦好啦,去機鋪啦..
之後佢全程都dup低頭唔出聲...
坐車期間我無野做,望下佢d打扮,見到佢著短褲,白色長靴,啡色嬲,有帽,有毛毛裡面著件普通t-shirt
戴頂有兩個波係帽邊既可愛白色冷帽
佢無化妝,但係都己經覺得好可愛
但係奈何佢心情俾自己攪壞左...所以決定哄返佢

帶住女仔去機鋪我都係第二次
第一次係同中學同學去,但係之後都係全男班去多
基本女仔都唔係太鍾意打機,自己近年都少左落機鋪
咁今次唔例外,得男仔去
去到機鋪門口,己經見到班仆街係入面玩緊
我就問露露驚唔驚嘈?其實可以返屋企或者食下野行下街都ok
佢就話唔緊要啦..之後自己入左機鋪

一入到機鋪,我換完銀仔,就走左埋去俾左20蚊露露,叫佢自己搵下野玩啦,我可以陪你玩既
佢就話想玩popmusic,我就話好呀咁
班仆街仔見到我身邊多左條女,就個個棄哂機走哂過黎起哄
我就話呢個係我表妹,佢叫露露,會係我屋企住一派
之後露露用佢最招牌客套笑容(姐係第一次係電梯大堂見到果種笑容)
對住班人係到講你地好
我心諗,我呸,死妹釘學人假笑,我都識啦
但係眼見班仆街己經起哂疢,我都唔知講咩好

於是我就驅趕班人返去打機
之後我見露露一路都無咩笑容...可能大慨佢唔鍾意呢個環境又或者真係我頭先講話你有屋企咩?
果陣時整到佢諗起d唔開心既野...
咁我真係忍唔住...就拉左露露出機鋪,同佢講對唔住,之後佢笑住話唔緊要啦..
見到佢苦笑個樣...我真係心都酸埋,諗起自己由一開始玩佢攪到佢無熱水沖涼
去到後來又推人落地下,又話人無屋企
真係好仆街

於是就叫埋班人出黎,去食野
我問露露想食咩,佢又話唔肚餓,
我就話,唔肚餓咁去食甜品啦~~~你地女人唔係有第二個胃裝甜品既咩?
之後佢係到掩住嘴笑
於是我地一行9個人就向商場既甜品鋪出發~~

咁你地知啦....
商場裡面果d甜品鋪,黎黎去去都係果幾間連鎖店,滿x果d嫁啦
咁佢又話唔鍾意食芒果
咁迫於無奈就去附近一個地方d普通鋪頭仔食甜品
咁果到叫波x啦,住屯門都可能會知,果到裝修都幾靚

咁我地入到去坐低叫左d野之後,班仆街仔就開始溝女啦,咁我都無理
點知班人又問人三圍呀,有無男朋友呀,讀咩學校果d
但係露露又好巧妙咁講話三圍係秘密,之後其他正常既問題都答哂
一聽先知佢無男朋友,係沙田讀書,同埋知道佢幾歲呀有咩興趣果d
咁我就扮哂唔在意咁偷聽班人講野啦,但係呢個時候露露突然用左手hold住個頭,右手抬住我右面肩膀
用好輕視既眼神問我
[嘻嘻,其實你係唔係偷聽緊姐~~我既未婚.....]
係呢個時候我驚到仆街
我就掩住佢個嘴
佢就係到用怪力扯開我隻手,之後大叫,我既未婚表哥
之後我心裡面安心咁嘆左下氣
真係呢條死女包,我同佢相處再耐d分分鐘會有心臟病都唔出奇

咁d甜品黎啦,我地一班人正常會一齊叫好多款,之後大家share黎食
但係今次有女仔,咁大家都各自各叫啦,廢時有咩口水接觸
但係露露望住其他人個甜品,流哂口水個樣我真係一世都記得
但係為左銀包著想...於是我就話...不如大家今次都share黎食呀?
之後班仔既眼神好似皇帝發米咁樣望住我
之後班人即刻推自己碟甜品去中間,我都推左出去
之後露露就好滿足咁係到食,我就其實只係食返自己果碟
當我食食下,見到d男仔既視線基本係去左佢到,但係又唔係望面果d,我就覺出奇
原來個on9妹個領同個身有勁大個空隙
於是我即刻幫佢拉埋件嬲
成班仔係到好失望拍臺大叫屌
我就話你班仆街我表妹你都唔放過
之後露露重咬匙斤唔知咩事無知望住我係到咦咦咦?
我話無野呀凍天你著多件衫啦仆街
之後佢話哦之後又食佢既甜品

當我諗緊一陣有咩做既時候,電話響,原來阿媽打黎話佢返左屋企
唔見我地問我地去左邊,我就話露露見肚餓,陪佢落街食野依家返

於是我扔低左錢就拉左露露走,但係露露走前重話要個木康布丁外賣...

女人真係有第二個胃裝甜品.....
我會記住呢一點。

返到屋企,我老母一見到露露就抱住佢話好耐無見啦,你認唔認得我呀咁
露露又用埋老客套表情同對白話認得,但係我心知佢份人唔係咁囉
之後我家姐又係房衝出黎拎左好多紙袋,話幫露露買左好多衫,叫佢暫時著住先..
仆你個街...雖然ixxued衫唔係d咩名牌..但係我自己都唔捨得買...
我老母竟然買左兩三個紙既衫俾佢,我真係葡萄到仆街

我無講野,入房換衫,一出黎,我老母話間房俾住露露訓先,直到林姨姨接佢走為止,叫我做廳長
咁我都無所謂,之後我阿媽又叫我聽日放學得閒就陪露露出去揀部手提電腦
因為佢係到應該會住大慨幾個月至半年左右
我聽到個人即時呆左..............