我老母話我有未婚妻: 2
呢半年我有派受啦仆街....
平時電腦係廳打J己經好唔方便,依家重要多左個女仔係屋企,呢個女仔重係又粗暴又惡..
唉..當我坐係沙發好無助咁哀嚎既時候...我老豆都返埋黎...
一入門就抱住露露大叫你好呀我既未來媳婦…我心諗未你老尾咪仆街老豆..
自己都有我既生活..雖然我係毒撚,但係我都有自己鍾意既人...
人地再唔鍾意我都好,唔代表你地話我地係未婚夫妻就要結婚
何況露露都未必肯啦,佢重細...on99
諗到呢到...我入左房關埋門鎖起度門,訓係張床到想死
但係我老母呢個時候又敲門,叫我開門先...
正當我以為佢有咩想講果陣時...
原來佢叫我幫佢換床單換枕頭俾露露訓...
聽到呢到我真係火起屌左聲拎哂自己d枕頭同披出廳扔哂落地之後行返去電腦戴起耳機成晚唔出聲...
飯又食完,暄又寒完,班老豆老母家姐露露終於肯入房訓,我就on99,係沙發望住部電視訓唔著
於是就係碟櫃搵左套不能說的秘密睇,戴埋電視用果個藍芽耳機就唔洗怕嘈到班友仔
當我訓係沙發好自由自在睇戲既時候,我又見到走廊有d野郁郁下,
但係今次大慨都估到係露露,於是就起身行埋去,叫佢想睇就坐過黎睇啦
點知一行埋去反而佢俾我嚇親
佢今次一拳打左落我個肚到.......屌
之後我無理佢,坐返埋沙發,佢都即刻意識到打到人,就走埋黎同我講對唔住
我好隨意揮揮手叫佢唔好阻住之後,佢都坐左係我隔離睇..
我見佢又睇,但係耳機又得一個,於是就俾左佢戴住黎聽,反正我睇左十幾次
對白都識背,我都係訓唔著志在搵下野做姐...
正當去到見到路小雨係周杰倫背後搭佢肩用手指篤佢面豬果陣時...
突然之間露露又學佢咁樣,搭住我肩
但係我知佢想做咩,我就無寧轉頭
之後佢強行起身用兩隻手寧我個頭向住佢,之後條友好滿足咁篤我塊面
之後我好無奈睇返套戲
其實不能說的秘密呢套野d位都幾感人同sweetsweet
我第一次睇果陣時都有喊
我估露露其實都應該睇過好幾次
因為有一段路小雨問周杰倫有無想佢既時候,之後話我好掛住你呀..既音樂果段果陣時
露露都跟住d對白講
但係我都無理,照睇...
當去到周杰倫同路小雨係小雨屋企天台表白果陣時,係到播音樂...
突然露露係到哼果段音樂...重要係一個一個音咁哼出黎...(喊住哼果種)
之後我望望佢,我己經見到個傻婆係到喊緊,佢用手抱住兩隻腳咁屈埋坐係沙發,
之後望住電視係到喊,D眼淚又係咁流...
哇我真係唔忍心...我即刻用張披幫佢擦眼淚,停左套戲除左佢個耳機問佢無事呀麻?
佢咩都無講...只係攬住左我..............................個枕頭
係呢個時候...
我老母出黎去廁所問我係到攪咩,同時佢又見到露露喊....
我意識到呢鋪我跳落黃河都水洗都唔撚清啦...
果然...
第二朝一起身一家人食早餐果陣時....
老母同家姐兩個係到單單打打話我係色狼
又話咩野夜晚晚扮哂深情睇愛情片做咩呀咁
我無理,換好衫就返學,而露露都用d照牌笑容打發我屋企人就同我一齊出門口
我教左佢點坐車之後,就自己坐車返學
係呢個時候,老母又打俾我,叫我記住放學去陪露露買手提電腦
我搭單問阿媽,你好有錢咩?我電話就壞都未換,你不如換部俾我呀
佢就話,佢有義務照顧露露...唔可以用錢計..
聽到呢到我阿媽語氣變哂好似有苦衷咁,我都廢時抽佢水
但係我又無露露手提number,又無約佢幾點邊到等
於是同阿媽講,阿媽又話我連人地都攪喊過竟然無人地電話
女人個腦係用咩邏輯去諗野?
於是佢一邊抽我水一邊搵露露個電話俾我...
然後我save低就收左佢線./.
基於琴日出黎果班係中學同學,所以基本上依家我身邊果班同學都唔知露露既事,
所以我都廢事提...做我既毒撚
雖然我係毒撚...
但係其實我對電腦既認識真係唔多
我屋企用緊部電腦都係叫同學幫手砌咋
於是我就當日係咁問d同學有咩手提電腦又平又好用,同埋係邊到買
當我整好哂d資料,就sms俾露露約佢幾點邊到等
點知露露話唔識去深水步
於是我就突登走出房室打左一大串既字教佢
打完都手累...
但係當我一入返房室,電話突然係咁震
我又行返出去,我聽到阿sir大叫
哇同學你岩岩入返黎又出返去,你再係咁我當你無返嫁呢堂
但係奈何無計,出去照聽,原來係露露,佢話睇唔明,要我親自講
好啦,講完之後入返房室,成班同學又起哄問我同邊個傾電話,我笑住話關你地鬼事咩
一放學,我就飛去坐巴士出深水步,因為我唔係讀中學
遲過露露一個鐘放學啦今日d堂己經
所以驚佢要等,就趕出去
但係勢估唔到,呢d時節都會落雨...
一出到去深水步,我就跑去地鐵站搵露露,我只係見到露露企係個出口到望住個天
佢成身濕哂,應該都係岩岩先走入去避雨...
我好唔好意思咁跑過去同佢講唔好意思咁遲先到,佢只係笑住話唔緊要,之後打左個乞次
我就除左件嬲俾佢著住先,之後拉住佢跑過去電腦城..
一到電腦城,我企係到望住佢...己經見到佢件底衫現左出黎...
之後我就話你拉埋我件嬲個拉鏈啦...見到你內衣啦..
之後佢望望自己,拉完拉鏈,笑住捏我塊面
[哼,多謝你提醒呀色狼未婚夫]
雖然好痛,但係唔知點解感覺好奇妙....
之後我就話~好啦好啦,行啦,早d買完返屋企,我幫你set埋上網同埋幫你set防毒呀
於是就踏入左高登電腦城
我唔知大家有無行過高登電腦城...但係有個入口條樓梯勁斜
果陣時重要地下濕濕地,攪到我地兩個要互相扶住黎行上去
上到去,我拎本筆記出黎,開始對形號睇下d價錢格下價
露露問我本筆記有咩用,我就話今日搵到既資料
之後佢就微笑住話多謝我
雖然心裡面好想回應話唔洗
但係我知道係佢面前唔可以做好人
於是就話~唔係阿媽叫我都廢時陪你買,一陣返到去買得貴又唔好俾佢罵就煩啦
之後佢係到話係咩係咩~哼
我就無理佢,一路係到格價
但係愈行愈唔對路我發現有好多人經過都會望露露
之後心諗...都岩既...呢到d仔好日都唔見學生妹...
於是我就同露露講快快趣決定買邊部,買完好走...
結果我地係一間有個女仔sales既鋪頭買完部白色既手提電腦就走左
是咁的
兩條友,拎住部手提電腦係無雨傘既情況下
見到自己要坐果架巴士埋站
但係自己重係對面馬路
你地會點?
緊係追啦仆街!
一陣放工時間無位tim呀屌你
兩條友即刻開始唔知幾多米長跑比賽
幾經辛苦衝哂紅燈,終於追到,此時門己關...但係個司機唔開門俾我
但係當露露趕到既時候...個司機又開返
咩意思先...屌
okok,我算
上到車,上到上層,露露坐左係個二人位到,咁我無理,另外坐開左..
反正唔係太熟..廢時啦..
但係當到西九果個站果陣時,有d人上車,當前面都坐滿人得返露露隔離個位果陣時,
露露向我求救叫我陪佢坐
當一個中年男人打算坐落去既同時,我大叫先生先生,之後佢呆左望一望我
我都即刻坐左去露露隔離,之後話唔好意思呀我認錯人
之後露露望住窗外係到偷笑,個中年男人就啤左我一下
我就好似死狗咁係到對住個男人哈哈笑
之後就無再理個男人,反而捏露露塊面
同佢講,我幫你重係笑我,你去死啦
之後佢坐直個人,之後係我耳仔邊細細聲講....
[未婚夫緊係要幫未婚妻啦,唔通你忍心見到我係車上面俾其他中年大叔坐?嗯?]
之後又望返窗外係到哼d好輕鬆既音樂...
但係聽到呢句對白既我...心情突然好奇怪
曖昧關係我試過好多次,但係聽到佢咁講,唔知點解真係會係心裡面笑出黎
但係我又要壓抑住個情緒,,,結果出黎變左噗一聲
重要好撚大聲,前面個學生哥都望一望我
之後我就用部手提電腦個盒遮住自己塊面....
之後露露重係到用手機影我個監介樣
架車經過美孚去到屯門公路,我己經頂唔順恰下恰下
因為上完堂又趕住出去,又追車天氣又咁...
己經有d睡意...於是訓著左...
我再醒返己經係露露係到打我個頭,痛到我醒左
佢話到站啦重訓
我係有起床氣果種人...本身俾人嘈醒己經燥底...重要俾佢咁撚大力打個頭
於是咪吼佢...知啦屌,咪撚打啦痛呀仆街
佢見到我咁既反應...呆左望住我,我望住佢,諗兩諗先醒起原來我岩岩坐巴士坐到訓著左
於是我立刻認衰仔講sorry無心咁惡
點知佢粒聲唔出又推開左我衝左落下層,我追都追唔切
點知我一落到去下層,見到佢自己企左係巴士站到左望右望
我見到佢咁..
[點呀?係唔係唔識返屋企?我帶你返屋企啦..唔好再就圍走啦,我地雖然無任何關係,但係希望你可以當住我係你最親既人先。]
我企係佢後面同佢講完呢句野,佢無寧轉身
佢只係默默咁點點頭,之後我就摸摸佢個頭...
叫佢唔好喊啦乖啦,返屋企,沖完涼,我切個橙俾你食
之後佢向後揮左拳...又打中我條腰...之後話佢無喊...
真係痛撚到我....女仔點會咁撚暴力嫁?
返到屋企,例牌又係未有人
我叫露露沖涼先,之後我自己就沖左兩杯熱柚子蜜
之後拆開個死人盒,拎部機出黎開左佢,之後set返上網防毒呀msn果d
但係我手機突然響,一睇原來係露露打黎
我心諗做咩鳩?
之後一聽,佢話唔記得拎毛巾,叫我幫佢
咁我拎完,敲廁所門,佢開左條隙仔,我就塞入去啦,點知我都未縮手佢就關門,夾到我...
我即刻叫左出黎,佢好緊張咁開左度門問我有無事
我半開眼咁流住眼水話緊係有事啦暴力星人...
之後..................
我見到佢無著衫個樣
但係由頸開始以下部位都俾浴廉遮住左...
佢紅都面哂!
之後又係到killerjo大叫
我就即刻大叫屌呀仆街啦(我唔知點解會咁叫)
之後出返去,之後就扮無事...
之後過左無耐..佢著返衫出黎問我有無睇到d咩...
我話無呀我無呀我無呀咩都無呀
之後佢見我語無倫次就用d好懷疑既眼神望住我~
真係無~?
無,小人夠膽保證除左你塊面之後我咩都睇唔到
之後佢係到大笑
好啦,咁本官就放過你啦~~反正我岩岩都夾親你隻手,我部電腦點呀?
之後我就拎本柚子茶俾佢同佢講你飲住先啦,差少少
之後佢就好好奇咁棒住杯野問我咩叫柚子蜜
我話,有益野呀,飲左包你上癮
佢細細啖飲左一口之後,好似哥倫布發現新大陸咁樣大叫wow好好飲呀~
之後我笑左聲,之後細細聲講,細路女..
佢用手指篤我條腰~細咩路女呀下~哼
我係果種好怕俾人篤腰既人
之後俾佢篤到係沙發典典下
佢就企係原地望住我笑
但係我又好撚辛苦
典完之後,幫佢裝埋其他野就俾佢用
之後佢望到滿心歡喜,之後係到話,你真係好人
我就回應佢,咁快派好人卡俾我呀未婚妻小姐
之後佢話係呀~派定俾你先,廢時你愛上我啦未婚夫先生~
哦,我就無佢咁好氣咁拎走佢個飲完既杯入廚房打算洗野
點知條友呢個時候扯住我身尾...
[沖多杯俾我飲好無?我好想飲,求下你啦]
我見到佢咁既表情..
我最驚女人嬲同埋喊
好啦好啦,你坐陣先試下用下部野有無問題先啦,我沖多杯俾你啦麻鬼煩
之後佢好似d小朋友係歡樂天地扔彩虹扔到公仔咁大叫好野萬歲
我沖野飲期間,佢係到同我傾計
佢問我聽開咩歌,我話台灣香港外國日本韓國都有聽,但係無特定歌手
之後佢就話不如我唱首歌你聽好無?
我拎住杯野出返廳問佢想唱咩
佢就話,如果我變成回憶你聽過未?
我話聽過,你識唱?
之後佢話係呀~報答你又幫我拎電腦又沖野飲俾我飲,我就唱俾你聽啦~
旁晚時份...屋企燈都無開...出面落住雨
屋內氣溫又低..我坐係沙發,望住一個女仔,企係我前面唱一首關於死左之後唔放心現世愛人既歌
唔知點解突然又諗到半年後露露又要走既時候…到時人去樓空,生活又會變返好似平常咁..枯燥無味..
唔知點解咁突然個鼻好酸...
露露見到我眼濕濕,就好得戚咁話係唔係好感動呢,感動到你喊呀呢?
之後我扮無事..放低個杯俾佢,叫佢快D飲完我要洗野,我就行左返去電腦邊....
一個外表唔好既男仔..
本身都唔會有d咩精彩既生活可以過
日復一日既生活真係好難受..
每日坐車返屋企望住個天,感覺好辛苦
唔知幾時開始,有一個人介入你既生活
就算你唔鍾意佢都好,但係你都會因此而感到有一丁點兒既開心
因為你生活終於起變化了。
果晚,我無同露露講過d咩,一來驚真係變太熟到時唔捨得,二來根本係唔知可以講咩..
上左成晚高登...成頁post都紫link哂,連少女時代post都入撚埋
佢終於眼訓入房,而我都可以去沙發訓啦
第二日一起身,全家都未起身..
望望個鐘,原來先八點幾
於是r住賓周咁入廁所,係呢個時候露露都出房門,我呢個時候即刻零秒出手關左個廁所門
差d俾佢見到我條賓周,我自己都唔記得屋企多左個人
當我去完洗完手,一開門就見到露露原來捱住左係廁所門
佢好似無意識咁成個向後跌,我即刻扶住佢
之後佢望住我...
笑住咁講左句…...
你洗左手未呀?未洗手既話你小心我殺左你呀八輩子
洗撚左啦仆街,咪阻住我整早餐啦,你食咩呀,整埋你果份
佢就話是但啦反正今日唔洗返學,但係當我行緊出去果陣時,佢又開門大叫
[柚子蜜,我想飲柚子蜜呀!
之後我就笑左笑,沖左杯柚子蜜煎左隻蛋俾佢
之後佢去完廁所出黎食完早餐,就話佢今日會成日係房!千奇唔可以入去!唔係既話唔原諒我
我就除住圍裙問佢有咩野做呀你咁神秘
佢就話
[這是個不能說的秘密]
我當堂屌左聲,之後我話隨便你
結果成日都無見過佢出房門,下午都無食
晚餐都係我阿媽叫佢先出黎食兩啖
但係我都無理,重好,唔洗煩,今晚可以早d上沙發訓~
但係我就知道呢個女仔無咁簡單
正當我打算訓係沙發呆緊既時候
佢突然走出房同我講
八輩子!我終於成功啦!我依家就俾你睇下我既成果等你開心下啦!
我諗有咩成果俾我開心下你個身體?
之後佢就打開左部ps3同電視,我示意叫佢聽朝先啦,你嘈醒老豆老母
佢諗兩諗,話,又係啵,好,我今晚練多陣先!聽朝你起身先俾你睇,之後我就話好啦好啦去訓啦
但係當我返返去沙發又係到諗佢有d咩俾我睇呢?
好奇心令到我訓唔著
結果三點幾四點先訓得著
第二朝一起身,老母家姐又去街老豆照返工
我無理,反正今日星期日~~
但係當我擦緊牙既時候,諗返露露講既野
於是擦完牙,沖好柚子蜜,諗住叫露露起身既時候,我見佢披都無蓋,電腦都無關咁訓左係床上面
於是幫佢蓋返張披,放低杯柚子蜜就出返去
大慨我睇左一朝電視,露露先起身,佢拎住杯柚子蜜好開心咁同我講多謝
我話你快d啦,我等你俾成果我睇..
之後佢->
當佢整好哂野之後,佢又開ps3,之後我問佢想做咩
佢話一陣你就知,之後佢一上youtube...一播首歌....
我就知咩事啦
[ListenBoy,myfirstlovestory............]
露露重要跟住讀出黎
佢誤會左我啦
佢九成九係果日見到我睇少女時代post以為我鍾意少女時代
佢原來琴日成日係到練跳GEE
佢真係又跳又唱,睇得出佢有下苦工
而且重扮埋果d可愛動果d位
佢真係好可愛
之後跳完之後,佢好開滿足咁向住我比V
之後我就拍手話好好睇呀,但係你係唔係誤會左我鍾意少女時代
同埋你做咩偷睇我上網
之後佢話哼~我無睇,我想跳咪跳囉!你唔鍾意早講麻,我琴日練左成日
你又無問我,我點話你知
之後佢捏住我咁推開我就入左房
當我以為佢發嬲既時候,我追入房,原來佢話諗起有電話要打
原來佢要打俾林姨姨報到,之後佢都俾左我同林姨姨傾左幾句,林姨姨話大慨都要半年先OK
呢一刻個心高呼左句萬歲
之後收左線之後,露露問我有無野做
星期日,毒撚有咩做呀?當然答無啦
之後佢叫我陪佢出去買D野,我就換套衫同佢出去
下?商務?
我企係商務門口呆左,佢只係不停拉我,叫我入去
我問佢,你個樣點睇都似鍾意去唱k睇戲就圍去既死o靚妹,你睇咩書呀?
佢用個單邊袋成個打左落我到,之後話佢唔睇得書既咩!
我話得得既同時真係覺得好痛..有苦真係自己知...
入到去,我期待佢會走入去愛情小說果個區
點知佢行過左
當佢行到科幻小說果區,佢停左陣又行過左
當佢行到去一本教打泰拳既書前面望左望
好彩之後佢都行過左咋屌你嚇死我咩仆街
結果,原來佢要搵漫畫果個位
[你買漫畫我帶你去漫畫鋪啦白痴妹,突登黎商務做咩?]
[係商務下行吸收下書卷氣息呀麻]
我:
之後佢重要買死神(BLEACH)...
我問佢,你有追開死神既咩?
佢話有,之後重沿路去搵餐廳食飯期間不停係到講,但係我完全聽唔入耳
估唔到一個wet妹樣既女仔背後都係個毒女