我係迪士尼俾一班邪惡既卡通人物襲擊: ＃5

雖然yuki佢口講無事，但佢個身體就係咁顫，始終有d野係要身處其境先會明白到果一種可怕。

有d人唔信鬼架，覺得無呢樣野存在呀嘛，到佢自己親身感受到果一種可怕，你見佢唔到，但你又感覺到有d野係你身邊。

然後你先肯相信。

我未經過以前既戰爭屠殺，當上一輩既人講起以前既戰爭有幾悽慘既時候，好老實講，我無咩同感，更加難以想像，難以深同感受。

但經歷過既人一定會明白，眼前既景象係幾咁震驚人心。





「唔好驚，無事架，有我係度。」我攬住yuki，希望佢唔好再震。

但都係無用，佢係我懷抱入面都係震得好緊要。

「點解……點解岩…岩明明仲好開心，入黎既時候仲…仲好歡樂，我仲諗住今日可以開開心心架，依家卻搞到咁…呀！點解呀！」yuki揭撕底里咁叫，我即刻摀住佢把口，驚佢太大聲引隻老鼠過黎。

好彩都無咩事，無人注意到我地。

佢頭先越講越激動，我都唔知點算好。





睇黎佢岩岩只係努力將自己既情緒壓抑落黎，依家稍稍放鬆落黎就已經搞到咁。

我驚佢再咁落去會崩潰。

其中我都好驚……唔知點做好，咁大個仔第一次遇到咁既情況。

唔好話佢一個女人仔，我身為男人都……

身為男人應該呢個時候就要企起身，去好好保護懷裡既女仔。





我不停咁同自己講，『我係男人，我係男人，我係男人……』

呢個時候唔可以俾yuki仲驚，我都唔想做個港男，我想做個真男人！

「無事架，有我係度，點都係我有事先，我又點會俾自己有事呀？係咪？」我好認真咁講。

佢聽到之後，平靜左落黎，然後用佢水汪汪既眼睛望住我。

睇黎佢岩岩係差d就喊出黎，但又強忍住淚水，一睇佢眼眶就知啦呢d野。

我見佢心情好返d，就拖住佢，睇下附近安唔安全。

然後慢慢，蹲係地下咁行去樓梯果邊。

我望上去，無人，無可疑。





就拉住佢快步咁行上去。

轉左兩個彎，就黎到上面個路口，一轉出去就係火車站。

我地停左係度，我慢慢伸個頭出去，睇下有無危險。

我驚一出見到就係成堆老鼠係度…正係一隻都已經夠曬恐怖。

我慢慢仲出去，點知俾我見到一個好震撼既畫面……