我係迪士尼俾一班邪惡既卡通人物襲擊: ＃6

我見到既係屍橫遍片，血流成河既畫面。 

係地上面好多條屍體，其實係咪屍體我就仲未知，可能有d仲有氣既呢？ 

但至少照目前既情況黎睇，有好多人都郁都無郁到。 

好彩yuki未睇到呢個畫面，但我唔知俾唔俾佢見到好。 

依家有兩個方法，一係就俾佢睇，行呢一條路；一係就行返美國小鎮大街，去果邊避一避先。 





「呀強，做咩事呀？」yuki見我咁耐無反應咁，就問我咩事。 

點算好呀？俾唔俾佢睇好姐﹗我又驚佢頂唔順，岩岩佢先咁大反應。 

「咩事呀？」佢見我無反應，推一推我。 

yuki催我啦，點好呀？ 

唉...算啦，都係俾佢睇啦，佢有權利知道呢個咁殘酷既現實。 





佢依家唔知，佢遲下既路都可能會知。早知不如遲知啦。 

「你黎睇下啦。」我讓開左條路俾佢。 

但我仍舊拖住佢，以免佢發生咩事。 

佢見到既時候，我係背住佢既，睇唔到佢咩表情。 

見佢過左幾秒既時候都無反應，我就行過佢睇下佢咩事。 





佢好嬲，瞪大左隻眼望住前面，拳頭好用力咁握住。
 
Yuki一粒聲都無出過，用沉默黎表示佢既憤怒。

「做咩事呀？唔好唔出聲啦，唔好嚇我呀。」我見到都覺得好恐怖同噁心，但都未至於咁樣。

佢仍然無出聲，但佢卻有所行動。

佢慢慢向前行，行去火車果個方向。

佢望都無望過地下，地下差唔多全部都係血，斷左既手手腳腳，同埋手指。有啲仲有人頭添，但唔多，一係就係俾人插死左。

有男有女，佢地既衣服上面都沾有血跡。有人著住米奇老鼠圖案既衫，一睇就知好鐘意米奇老鼠。

但卻無諗過會俾米奇老鼠所殺，我都唔知點解自己咁大命死唔去。





有一個父親係攬住個女一齊死，而個父親係擋左係個女面前，因為好明顯就睇得出。

真係好慘無人道，終於明白點解戰爭會咁恐怖，更見盡人性。

係我地太身在福中不知福，係呢個繁華盛世既香港仍然感到不知足。

我見有啲人係仲未死，但一唔係斷左隻腳就唔係斷左隻手，但佢地既眼神都好空洞，同死人無咩分別。