港大七不思議食女事件: 14. 授徒

14.授徒
 
呢個係荒唐嘅故事。我之所用「故事」，係因為當中發生過嘅情節，荒謬得連自己都不能相信。唯有每當溫存嘅時候，佢嘅緊窄包住我，我先感受到真實嘅存在。
 
我諗，生活就係一場虛妄。
 
故事嘅發生，就要由我二年級下學期嘅一份私人補習講起。雖然我係電單車與黑皮褸嘅浪子，但係生活逼人，我都要做啲好唔浪漫嘅事，例如私人補習。同蜜色女分手之後，為免撞口撞面，我就辭咗大隻仔賣衫鋪嘅「Model」工作，專攻私人補習，賺吓外快。
 
男仔搵私人補習並唔容易：我喺港大內聯網搵親補習，因為教畜日多嘅緣故，電話入面，家長一聽到係男人聲，就會話：「唔好意思，我要女導師。」
 




屌，分明恰鳩我。
 
當我銀行Account數字同我嘅GPA一樣江河日下嘅時候，我搵補習就更加勤力。
 
「喂，你好呀，我讀香港大學文學院，見到你係港大內聯網登咗個廣告請補習……」為咗一百幾十，我努力咁推銷自己，生活困迫，搖尾乞憐。呢個時候，真係唔好意思再打「身為浪子」。
 
「唔好意思，我想請女導師。」電話嘅另一端傳來一把冷豔嘅女聲，似係只不過大我幾年。話畢，佢已經收咗我線。
 
「恰鳩我。」我好嬲，竟然用咗五分鐘，Send咗百幾字嘅Whatsapp過去，同佢分析性別同教書能力嘅關係，語氣相當強硬，唔寄望佢會請番我。
 




點知過咗陣，佢send whatsapp過嚟，畀個地址我，叫我上佢貝沙灣屋企試堂，幫佢讀國際學校嘅仔補習。
 
陽光明媚嘅下午，本應係屬於陽光美女沙灘嘅日子，我用半日光陰，換取兩百蚊 --- 食幾餐飯就冇咗嘅補習費 -- 自覺好似吃青春飯嘅妓女。
 
開門畀我嘅，係量產型賓妹，而喺大廳到等緊我嘅，係年約十一二歲嘅死?仔。
 
「你媽咪呢？」為咗迎合中產人士嘅口味，我唔叫佢老母做老母，改叫佢做媽咪。
 
打聽之下，呢個?仔叫做Alexander，一個典型有錢人會改畀個仔嘅多音節英文名。我一路補習，一路望佢屋企擺設，發現有好多佢老母嘅相，而佢老母個樣，有啲似後生嘅孫佳君，五官秀麗，眉宇間散發出貴氣，一睇就係知書識禮嘅大家閨秀，唔怪得Alexander白白淨淨，靚仔醒目，大個咗應該同我一樣，會有好多囡囡埋身。
 




但係，奇怪嘅係，佢老豆嘅相，竟然一張都冇。
 
正當我點緊佢個仔做功課，大門一開，Alexander老母突然間返咗嚟………