港大七不思議食女事件: 46. 再戰
46. 再戰
「Marvin Sir！Welcome！」我按完鐘，一開門，見到有個後生賓妹應門，即刻彈後兩步，彷彿天花板斗轉星移，城市花園忽變貝沙灣。
賓妹個髮型，同《龍珠》入面人造人十八號嘅髮型同出一轍；論樣貌，此賓妹與彼賓妹極為相似，均為皇后像廣場貨式，為免混淆，姑且稱為之為十八號。
十八號雖貌醜，但波大腰幼，根據「食囡GPA制度」，佢嘅樣貌如果只值一隻爛Grade嘅C，但係波同腰有兩隻A Plus，十八號嘅CGPA都有3.33，於出名爛Grade嘅港大，此乃係我兩兄弟傾盡畢生才智，都難以企及嘅高度。
雷射眼再往下掃，電光火石間，我發現十八號嘅大脾兩側，佈滿咗一條條3D地圖般嘅血痕，正當我猶豫之際，阿予老母，喺廚房徐徐行出，一邊抹額邊香汗，一邊同我打招呼：「今日著乾濕褸咁靚仔呀？嚟啦，我同工人姐姐煮緊飯，等緊你食呀，食埋先幫予予補習啦。」阿予老母望一望十八號，就話：「工人姐姐尋日星期日出咗街，介紹唔到畀你識呀！」
語罷，阿予老母眼神忽然怨毒起上嚟，同十八號講：「喂，入去蒸埋條魚佢，之後同我鋪報紙呀！」十八號一面無辜，好似初出道嘅AV女優，盡力掩蓋大脾傷痕，同阿予老母低聲講：「Yes, mum！」
阿予老母，即係羅太，駛開咗十八號，就摸住楊太送畀我嘅Burberry孖襟乾濕褸，拉住條腰帶，唔知讚定彈，語帶雙關咁講：「件Burberry咁靚嘅，係唔係女朋友送架？你真係幸福喇，呢件衫，要補幾多個鐘習先買到呀？」
「嗯……唔係女朋友送架，咁一分錢一分貨吖嘛，哈哈。」究竟佢係為阿予試探我有冇女朋友，定係真心想讚我件衫靚，我望唔透，只好索一索我嘅Burberry腰帶，搵番半點安全感。
呢個時候，阿予喺房走出嚟，一見到我，隻眼好似寶石一樣，發出異樣嘅光芒。阿予當老母透明，一嘢就攬埋嚟，用佢嘅小山丘頂住我：「好掛住你呀！你要嘅文，我漏夜唔訓作好喇，乖唔乖呀？快啲給個印仔畀我，畀正評我啦！」我將阿予輕力推開，滿面堆歡咁講：「睇過，睇過？」
為咗兩餐，犧牲色相，再所難免，令我開始明白牧子做私影嘅心情，但畢竟呢份係優差，被自己曾經迷戀嘅妙齡少女膜拜。當然，如果被牧子見到，佢一定用寒冰掌，又推開兩件狐狸精。
「你地唔好玩喇，快啲埋位食飯先，之後入房玩電腦。」羅太完全唔顧佢個女嘅失禮，使我好想問佢，係咪曾受港大西方教育。
我規規矩矩，坐喺阿予側邊。今日菜式，與尋日相比，用料足，鑊氣夠，但十八號蒸嘅魚，好明顯蒸耐咗，食落好似香口膠，極難食。羅太一試完，面黑過鑊底，叫喺廚房食緊飯嘅十八號行埋嚟，畀對筷子佢，大聲同佢講：「你同我試吓，點樣食呀？煮到咁樣，條魚好貴架！你自己成條同我拎入廚房食咗佢，我要見到一粒肉都冇淨。」
正當十八號想成碟魚拎入廚房，羅太一隻筷子，不遲不早，一嘢打落十八號隻錶到，然後又開始屌：「我叫你成條魚拎入廚房呀，唔係成碟魚拎呀，識唔識聽廣東話呀？係咪教咗咁耐，都唔識聽呀？拎啦，仲望住我做咩呀？」
十八號雖然係賓妹，但終究佢都係人，有人類嘅尊嚴，佢眼神話我知，零點三秒入面，十八號想拎起條蒸到好硬嘅魚，一嘢轟落羅太個咀到。十八號拎住油淋淋嘅魚，掙扎咗零點三秒，念及喺菲律賓不事生產嘅年輕老公與雙親，佢將呢度氣，由魚頭吞到落魚尾，骨嘟一聲吞晒落肚到。
我望住豉油不斷滴落，唔明點解羅太要當住我面奚落自己嘅賓妹。我偷望阿予，佢只係好高興咁喺檯底勾住我隻手，完全唔覺呢件係咩嘢一回事。呢件事，比起昨日鴻門宴招婿，更加吊弔。
「食飯啦，唔好理佢！佢真係有問題架。」羅太同我講嘢嘅時候，又變得嬌媚溫婉，好似換咗第二個人咁。
飯間，羅太向我旁敲則擊，想將我起底。我出身寒門，錢就冇，爛命有一條，都唔怕同佢坦白從寬。
「Marvin，咁你畢業之後，諗住做咩？」羅太笑吟吟咁望住我。
「我唔知呀，我寫嘢叻，諗住畢業之後，喺屋企寫吓嘢，做全職作家，有多餘時間咪補吓習，做吓gym囉。」我專登以性價比最低嘅作家做我嘅志向，試吓羅太嘅水溫，睇吓佢係咪真係咁想招我做女婿。
「做作家好呀，你睇吓金庸倪匡搵幾多錢，食版稅都食過世呀！」羅太毫不介意，反倒令我一時語塞。羅太突然之間，接咗落去：「咁你諗住幾時同阿予去旅行，一齊玩呀？」
連續兩日嘅疲勞轟炸，令我不勝煩厭，因此，我講咗成個《港大七不思議食女事件》入面，最誠實嘅說話：「我唔想拍拖住，咁一男一女去旅行，唔係咁好嘅，阿予又咁細個……」
說話之際，羅太正要將佢嘅鮑魚，挾落我個碗到。我道出真相，餐檯沉默，鮑魚無語，大宅之間，只剩下十八號食魚嘅聲音。阿予鬆開咗我手，喃喃自語，又講起佢嘅前男友起嚟：「我個ex同我分手嗰陣，都係同你講過咁上下嘅說話，話唔想拍拖住。」
「阿予，好喇，唔好再講呢個人喇，夠喇，食完飯，就送哥哥走喇，唔駛再補習喇。」羅太招婿不成，口黑面黑，反轉豬肚就係屎，簡直當咗我係十八號。
「佢嗰陣對我好好架，又介紹我畀佢啲朋友識，令我融入佢嘅圈子。」阿予完全冇理過佢阿媽，只係一路回帶佢前男友施立毅嘅故事：「我第一次嗰陣，佢明明話會娶我，呢個……死，佢叫咩名……媽我好頭痛。」
我見到佢咁，大驚，托住嘅腰肢，睇吓佢死得未。阿予將個頭埋咗落鋪檯嘅報紙，緊盯報紙，若有所思，指住報紙上嘅一隅，大叫：「係呀，呢個姓施嘅，呃我！呃我！呃鳩我！陳納邦，點解你唔要我！」
阿予一路發癲，一路將啲鮑魚仔掃晒落地，喺高潮嘅時候，噗一聲，暈咗係地下。
羅太見到個女搞成咁，似乎見怪不怪，將阿予抱起，放上梳化，好冷淡咁同我講：「佢周不時都係咁，冇事嘅，唔駛擔心。我諗佢以後都唔駛補習架喇，我一陣叫工人姐姐拎杯水你飲，定完驚好走喇。」
呢個痴撚線嘅女人，竟然落逐客令，休咗我呢個北角姑爺。羅太一轉身，衝入廚房，屌柒佢十八號：「叫咗你幾多次唔好用AM730鋪檯呀！死蠢！阿予唔鍾意見到姓施架，佢又見到施永青個柒頭呀！」片刻之間，廚房竟然靜咗。
十八號拎杯水畀我，我見到佢楚楚可憐，不由得憶起賓妹，「Marvin Sir, naughty boy」，心中竟泛起同場境毫不相襯嘅一絲淫念。我將水一飲而盡，須臾之間，十八號變成賓妹巧文，吞吐我嘅玄鐵重劍，吞吐間，鏡子裡嘅我，化身成山大，著住艾朗藍斯波衫，被賓妹同十八號追住嚟吞吐；人小腳短，我走避不及，遭橫身撲跌，羅太直指十二碼，我明明係獌狗，點解要我著阿仙奴，點解唔紅埋兩隻賓妹出場……
思緒天旋地轉，我又醉了。