雖然話想作出改變,但點變卻是一大問題。唯一肯定既就係減少去老蘭先(其實我都有成個星期無去),跟住就搵返啲野做,而依個係最大既問題。雖然屋企係有間大公司係度,但五年來我都未入過一次,我亦唔知自己可以做啲咩,分分鐘叫我洗廁所都唔出奇(可能連洗廁所我都無資格)。當我苦惱緊時,有個人行近:
「係度做咩呀?」阿珊攞住柸咖啡坐係我身邊。
「無野做咩?」
「Joey話見到你,咁而家無咁忙咪叫我出來陪下你囖!」
「哦!其實你除左整麵包同煎蛋外,仲識整咩嫁?」
「好多野喎...唔...中西餐呀,泰國都識少少既,意大利菜學過下...做咩?」
「無...想你煮俾我食囉...」
「吓...咁你想食咩?嗱...事先聲明,唔好食唔好話我同埋你要梗晒佢呀!」
「嘩!聽你咁講真係要打定999先喎...」
「咁幾時食?想食咩呀?」


「擇日不如撞日,就今晚,等你收工去買材料。」
於是阿珊收工後,我地就去超市買要買既野。結果我地唔只買材料,仲買埋廚具果啲...
「使唔使買咁多野呀?」我抱怨咁講。
「仲好講,問你屋企有咩你就話無,正一「百無」來!」
咁我唯有做咕哩咁將所有野搬返屋企。跟住我地既大廚阿珊出手,而我就做佢既助手,當然我依個助手最擅長既係--搞破壞...
「嘩...你落咁多鹽唔咸咩?」
「塊牛排無味你唔好話我!」
「嘩...你洗左手未嫁?就咁用手搾檸檬汁落去?」
「你切左薯仔未呀?唔夠飽你唔好叫我去煮麵啊!」
「你有無買碗呀?」


「唔係你買咩?會唔會漏左係車度?再唔係用柸飲湯囉!」
「我去睇下先!」
我地一人頂一句,就好似新婚夫婦咁!
幾經辛苦,我地既晚餐終於完成。羅宋湯,安格斯牛排配薯菜,甜品仲有雪糕(買既),唯一遺憾係無蠟燭...
食完牛排,我攬住佢一齊坐係梳化食雪糕...
「好唔好食呀?」
「你話雪糕呀?哈哈...好食!全部都好食!最鐘意個羅宋湯!」
「你鐘意我晚晚煮俾你食丫...」再唔係怕醜既阿珊而係撒嬌既阿珊。
「其實你煮野咁叻,有無諗過開餐廳?」
「無呀!你知喇,我睇唔到野,好難同其他人一齊做野,就算係cafe我都係搓麵包同試味咋...」


「唔...你記唔記得我溝...我追你個時同你講個project呀?」
「吓?唔太記得...」
「個project其實我五六年前已經構思好,不過出左啲意外一直封塵到而家。我過兩日約左我大哥,打算present俾佢。我唔知得唔得,不過我想做返啲野,我唔想再好似而家咁渾渾噩噩,為左你...」我已經喊到出唔到聲...
「喂...無論點我都支持你...你要努力呀,我都要,大家一齊努力呀...」
就係咁,我同阿珊就咁攬住一齊迎接將來既來臨...
已有 0 人追稿