哪個她，還好嗎？: 3

其實點樣去追一個女仔對我嚟講都係一個幾大嘅問題，始終我由小至大都冇試過主動去同一個女仔傾計，唔知係細憺定係咩呢？
話說我由細到大對讀書都冇乜心機，加上我間學校band2，所以我每年升班都係貼近留班邊緣，姐係咁，我相信每班人當中都有啲專令人笑嘅同學，有專比人恰，有啲好有領導才能嘅人，有啲宅男，有啲好八嘅，而我就係好小岀聲，有齊咁多人先叫一班！每逢上堂我就消失得無影無蹤嘅人，我意思係靈魂，即係去左揾周公，一開始我去角落坐就係方便咁做。
開學頭幾日都只係做啲無聊野，派下通告，介紹下自己，講起介紹自己個陣。
Miss:各位同學介紹下自己。首先由窗口個邊講起。
即係唔係我個邊啦，咁我就再訓多陣啦。
傑:大家好，我叫梁至傑，可以叫我呀傑，平時最鐘意踢足球，彈結他，最鐘意識多啲朋友仔。
柔:大家好，我叫呀柔，平時多數睇下書。
小明，小明。
我:吓？咩事？
Miss:介紹下自己呀，講下自己平時做啲咩。


我:em...我叫小明...其實我跑唔快過架火車嘅，平時就訓教多。
冇啦啦成班人係到笑
柔:哈哈，乜你咁搞笑嘅，訓教變左活動。
哈哈哈！！！
就係笑聲之下，好快就落堂啦！
鐘聲響起歸家的訊號。
咁愛回家嘅我當然九秒九就番屋企啦。
其實只不過係冇人約姐！
番到去咪打機囉，個時好興一隻game叫信長，我同我個朋友呀傑日日都會玩。仲會用skype傾計，唔多唔小都會講番學校啲野。
傑:喂，今日有冇留意多唔多靚女呀？


我:下？冇喎，訓著左，哈哈
傑:咁架你，我地班今年幾多靚女下，坐你後面個個都幾令呀，好似叫咩呢？呀，呀柔
我當堂嚇一跳，然後得啖笑
我:係係
就係咁，成個晚上就係講我地新個班啲事