哪個她，還好嗎？: 4

到第朝，八點二十分就要番到學校嘅我，係八點鐘嘅時候先醒，但係我係唔會遲到早嘅，事關我訓之前已經著左校服，一起身就可以岀門口。
踏上這無盡旅途
一直我都以為番學係無盡，不停番不停番，但原來唔係，時間過得太快。
好快就會完，所以唔鍾意讀書嘅朋友們都要珍惜。
每次番學校時都會經過個公園，每次都會停一停吸收下啲新鮮空氣。
番到學校，咁我就自己揾番個位坐啦，既然未上堂，當然訓陣先，訓左陣，忽然有人拍一拍我，我當堂另轉身想一巴掌車埋去嘅時候，發現原來係呀柔。
我：？咩事？
柔：早晨丫，係呢，點解你個頭咁亂嘅？
我：早晨，哈哈哈...（小子，你太唔認識我啦，當然我冇咁講）
呢個時候，我發現好多奇異嘅眼光望住我。


我心諗，咩事呢？
咁我唯有扮冇野，再訓教啦。
突然電話震一震，原來係呀傑wts我。
傑:你鬼馬啦，同個靚女有計傾，你就好啦。
我:吓？冇喎！
傑:點都好啦，就咁睇，人地有好多男仔追架，你要努力啲呀，唔好成日訓啦。
我:冇丫，關我咩事？
Miss:各位同學早晨
我:各位老師早晨(陳老師早晨)
Miss:邊到有咁多位老師呀小明。


就係咁朝早就冇啦啦比人恥笑左