《屍寂九龍》─ 無法治癒嘅病毒喺香港爆發四小時後， 一群生還者合作逃出生天: 逃離火車站
「呃！個d係咩黎架？？！！」
對面架西鐵開始慢慢駛入月台，雖然西鐵仲未停定，但我地都可以大概咁睇得到車廂入面既情況。
「啪啪啪啪啪—啪啪啪啪啪啪啪啪啪啪—啪啪啪啪啪啪啪—啪啪啪啪啪啪啪--」
車廂入面唔係好似我地所諗既人山人海迫係入面既景象，準確黎講入面都係有好多乘客，只不過佢地全部都係到瘋狂咁拍車窗！
血液不斷係車窗同車門既玻璃上面印下一對對血淋淋既手掌印，入面既人已經接近瘋狂咁不斷拍門想走出黎，甚之已經有d人影係被迫到成個人都扒係車門上面！
係大家仲被黎到既西鐵入面既景象嚇壞既時候，架西鐵已經停低左！
「呃啊！！ 點算呀成車人都好似係喪屍黎！ 點算好呀！！」
月台上面既乘客當睇清楚車上面既情況，幾乎全部同一時間邊跑邊叫！全部都走向最近既出口！
「快d走啊！」
一見到對面西鐵入面既情況，呀帆即刻大叫叫我地走。而我地一行5人都即刻跑向最近既出口，就係A出口。
A出口同B出口係起係同一邊，要上去呢邊既出口就要經過最近既扶手電梯行上去。
「吼啊啊！！！！」
而呢個時候個西鐵既車門已經打開緊，一開門既一剎那就傳黎舖天蓋地既叫喊聲，一隻隻血淋淋既手已經開始伸出門隙！
依加時候我地離扶手電梯仍然有二十幾米既距離，我回頭望一望，車廂既門已經開左大半，甚至乎已經有一部份既人上半身已經係門隙到伸出黎！
佢地同之前係車入面發癲個兩個男人一樣！ 雙眼通紅，衣服暴露出既皮膚都佈滿曬青筋，而且亦都個鼻都流住血！ 一出到黎既佢地已經開始手腳並用咁跑向最近既人類！
「呃！！跑緊過黎啦！！佢地跑緊過黎啦！！！」
「走啊！！」
「救命啊！ ！救命啊！！！」
「快d走啊！ 走啊！ 佢地跟緊出黎啊！」
西鐵突如其來既出現，加上入面既人行為同喪屍極相似，月台上既乘客們都開始暴動同尖叫！
「死開啊！！！唔好過黎呀！！！！」
我回頭再望多次，見到有一個後生女被一隻喪屍撲低左！ 喪屍見有獵物被捕亦越黎越興奮， 掹大口一口就想咬去少女條頸到！
只見少女用雙手頂住襲擊佢既癲佬個下巴， 但瘦弱既佢好明顯已經頂唔得絕耐，呢個時候喪屍將個頭向下一擰！ 就合埋口咬斷左女仔雙手既手指！
「啊啊啊啊啊啊！！！ 好痛呀救命呀」
睇到呢到我亦都擰返轉面繼續跑， 個女仔周圍仲有好多癲佬跑緊過黎依邊，而有個男人好似拎左個袋去推開女仔身上既喪屍試圖救佢。
呢個時候紋身男呀權除手執起左地下職員用叫人唔好迫之類既指示牌，當我地開始跑上電梯既時候佢就打橫放個牌，應該可以頂住一陣。
「踏踏踏踏踏──」
我地一跑上電梯，就去到A同B出口既分叉口。 左邊係B出口係去搭通向過海隧道巴士既巴士站，右邊A出口應該係去到商埸或姐理工大學既宿舍個邊！
「右邊！ 去右邊搵地方避一避先！」
住係呢頭既我對前面跑緊既呀帆大叫，之後我地就開始轉向右邊向A出口跑！
經過左客務中心之後， 離A出口只剩低十幾米， 跟住就係出閘個部機！ 跑過埋呢到堆喪屍應該無咁快會追到黎！
「啪咧──────」
「呃啊啊啊啊啊啊啊啊啊啊啊啊啊啊啊啊啊啊──────────────」
而呢個時候下面傳黎紙牌斷開既聲音， 班喪屍既吼叫亦越黎越近！ 跑係最尾既紋身佬都開始全力跑過左我， 五個人既逃跑團只係剩返我包尾！
我感覺到背脊有陣寒意， 離出閘口得返2、3米既我忍唔住回頭一望，只見血紅色既眼眸中有我驚慌既臉孔──。
係喪屍張口準備咬我既時候， 我即刻仆向前面捐係入閘機既迴轉把手下面跣過去， 而前面既呀豪同Coco都無放低速度，出左閘就繼續跑上樓梯！
「上地面，搵警察！」 前面傳黎呀豪既叫聲，於是大隊就跟住佢跑上地面，而無轉左跑去行人天橋個邊。
樓梯直上就係紅磡火車站正門個邊， 右邊就係C出口既火車站大堂， 而係呢個時候大堂個邊亦有2、3個乘客跑緊，佢地後面係好多，係好撚多既喪屍！
「直行去商埸！ 去商埸呀右邊好撚多啊！」
係前面就係都會商埸， 而左邊係一個巴士站， 泊滿曬車係到，係後面同右邊都有喪屍既情況，我地只可以跑去有地方喱埋既商埸！
都會商埸離我地大概50米左右， 前面既馬路大概有3、4條，每一條都有欄杆相隔，馬路上亦打橫泊左好多紅色的士，
有咁多野可以被我地兜黎兜去， 冇咁靈活既喪屍應該追唔到我地！ 我地可以走得切入去商埸！
「踏踏踏踏踏踏踏踏踏踏────」
「呃啊啊啊啊！！！」
「吼啊啊啊啊啊啊啊啊！！」
喪屍既叫聲不斷係後面同右邊傳黎， 全速跑緊既我地岩岩先跑過火車站既大堂出口， 向住前方既馬路衝過去。
「呃哼哼哼哼哼哼哼！！」
「救命啊死開啊啊啊啊！」
火車站大堂傳黎凌厲既慘叫聲， 我忍唔住轉頭一望， 個幾個生還者只係剩返一個跑緊出黎，其餘既已經成為屍下既食物。
「救我呀！ 」
呢個時候大堂個邊傳黎一個女仔既求救聲！
「我去幫手！」
唔知點解， 可能因為我離佢最近， 又可能因為佢仲有得救， 我提起隻腳就掉頭過去跑去佢個邊， 去救人，如果救唔到我就會即刻走。
追住個女仔後面係一個男喪屍， 跑既速度無疑係被個女仔跑得更快！ 眼見佢地只有幾步既距離， 而我同個女仔都有十步左右遠， 我只能夠全力跑過去！
呢個時候女仔岩岩跑左出火車站大堂， 而喪屍既手已經開始抓向女仔， 但係第一次抓佢唔中， 而喪屍亦開始想撲向女仔到‧‧‧
係呢個危急關頭， 我好似d人踢波咁剷埋去喪屍隻腳到， 岩岩好令喪屍失左平衡跌向左邊， 跌係地下。
「走呀！跟住佢地走！」
見喪屍跌低後我馬上企返起身，一邊推佢行同時叫埋佢走。
女仔回頭同我講聲多謝， 亦都開始繼續跑去商埸方向。
沿途我地係欄杆到有時跨過去， 有時兜過去， 後面既喪屍都被我地拉開左少少距離，至時下一秒唔會被咬。
「快d ！過黎呢邊！ 快！」
呀權企係商埸玻璃門門口， 推開左少少等我地跑過去。
「佢追上黎啦！」 我地上完幾級既樓梯， 女仔就衝左入去， 而我岩岩入左大半個身！
「快d閂門啊！快！」
紋身佬一手扯左我入去，之後拎起右手揸住既摺櫈， 一野推入去門柄到頂住到門！
「呃啊啊啊啊！」
喪屍推唔開到門入黎， 一時間被困係出面， 見入唔到黎既佢不繼拍打， 一邊用嚴重出血既雙眼望住我。
「玻璃可能會碎， 快走！」
頂住左道門之後紋身佬同我地講，呀豪同時帶頭走向遠方既聖安娜餅店， 入到去後我地閂左門，喘曬
氣既我地坐係到休息一下。
終於可以抖下， 緊迫既心情一下子放鬆落黎， 好似做完一件大事咁， 我成個人放鬆曬挨係牆邊坐。
「喂你地飲唔飲？」
其他人都係附近坐低左， 呀帆行去拎左包野飲， 順便問我地飲唔飲。
「菊花茶呀唔該」 除左我答佢之外， 其他人都自己起身去拎野飲或者食， 再圍埋一齊住返低。
係我地抖緊既時候， 呀帆開始問出最重要既問題，
「我地之後應該點？」
「我覺得我地唔應該留係呢到咁耐， 我地要出去搵人幫手， 再睇下政府講到底發生咩野事！」 Coco答道。
「呢到唔留得耐， 但門口好多喪屍， 我地留一陣佢地散開就走。」紋身佬， 啊權都俾佢既意見，
「喂個紋身佬濺左岩岩喪屍d 血喎，一陣唔知會唔會變埋喪屍呀，」呢個時候呀豪突然轉頭望向啊權， 同時都拉埋Coco退後少少。
「佢成身血都好耐啦，再講佢一d反應都無，應該無事既，你有無唔舒服？」
見到呢個不和既情況我立即出口，依家我地大家要一team人生存，我絕對唔想大家唔陀對方。
「冇，如果被血濺到都會變我地遲早都會變喪屍， 你地都唔會避到好耐。」 啊權講完之後望向呀豪，睇黎佢對呀豪既好感都開始下降。
係對話氣溫有d上升既時候， 岩岩個女仔都加入對話， 佢擰轉頭對我講，
「多謝你岩岩救左我， 我可唔可以跟住你地一齊走？ 」
佢係一個好清純既女仔，白裡透紅既臉上仲係一臉驚恐，黑色既頭髮扎成一條馬尾係身後，穿著間條衫及淺色牛仔褲，清爽之餘又不失文藝氣質，緊身牛仔褲更為她修長的美腿增加不少美感，只係衫褲鞋上既污垢同血跡顯得佢岩岩好狼狽。
「可以啊， 你叫咩名？」
「我叫劉海晴。」