《屍寂九龍》─ 無法治癒嘅病毒喺香港爆發四小時後， 一群生還者合作逃出生天: 恐懼

外面發現左被槍彈打斷的欄杆。 而一直無點主動同我講野嘅海晴則與我從幾乎在同一時間望向了不遠處的市政大樓。

紅磡市政大樓係喺九龍大環嘅一座多用途嘅市政大樓， 呢度距離碼頭唔超過3 0 0米。 大樓主要平時為區內市民提供文娛康樂的設施， 分別第一層紅磡街市， 第二層是紅磡街市熟食中心， 三至五樓為紅磡市政大廈體育館， 而六樓則為紅磡公共圖書館。

而吸引視線嘅係由五樓嘅體育館傳黎。

剛過朝早嘅時候， 街道上仍是十分炎熱， 即使太陽始終隱藏在雲層後面也是如此。

喺還算完整嘅街道上面， 大樓上嘅其中一個玻璃窗口正冒著忽光忽暗嘅紅光。





而喺市政大廈入面， 傳黎一聲聲猶如幾輛破舊不堪嘅機械不住吼叫嘅聲音， 整個情況說不出舨嘅詭異。 喺發出紅光上一層嘅圖書館入面， 透過玻璃窗可以見到有人影掙紮著向前爬行， 佢地嘅速度比人步行唔快得幾多。

「上面嘅係喪屍？」 眼力唔好嘅我睇得唔太清楚， 只好問身邊嘅海晴。

「我都睇唔清楚... 會唔會係其他生還者？」

好快人影已經爬走左， 離開左我地嘅視線。 六樓再次回復平靜。

我對於眼前嘅情況完全搞唔明白， 一閃一閃嘅紅光同埋上層爬行嘅人影， 難道喪屍喺到開party？





「無可能掛。」

我馬上回答海晴， 其實我內心覺得， 無意識嘅感染者絕無可能做得出五樓嘅紅光。 加上入面奇怪嘅機器聲， 我更覺得入面有可能存有生還者。 但同時六樓嘅身影， 爬行嘅姿勢好有可能係喪屍。 市政大廈內可能正有生還者被困喺入面， 被其他嘅感染者狩獵緊， 不久後就會成為喪屍嘴入面嘅食物。

海晴不發一言， 雙眼只係望住五樓嘅紅光。 我再打量一下大樓地下嘅入口， 過左幾秒我感覺到海晴嘅目光。

我諗佢應該將跟住落黎點樣行動交比我決定。

我手裡拎著已經喺喪屍電影入面流行左超過好耐嘅刀， 警覺地掃視著看上去與平時無異嘅市政大樓。 老實講， 除左五樓個閃住嘅紅光， 市政大樓其實同感染前無分別。 內心不停告訴我應該遠離市政大樓， 但好奇心始終催促我走入去。





最後我地都喺選擇離去。

倘若入面真係有喪屍， 我相信都只會係大量嘅喪屍， 我並唔相信我有能力喺無數嘅喪屍群入面生還。 即使真係有生還者， 並且能夠接觸到生還者， 我亦唔知道對方嘅人格， 萬一佢想對海晴不利， 我絕對無能力喺比我強壯嘅人手上好好保護佢。

「我覺得呢到好危險， 我地都係快d離開呢條街先。」  我轉身向街道盡頭走去。

心悸嘅感覺突然浮現， 手臂嘅毛孔忽然開始收宿， 頭髮頭皮好似被針刺嘅感覺， 全身冒出冷汗呢種感覺令我好唔想留係呢到， 呢種感覺我好熟悉， 只有我個人喺極度不安同焦慮低下， 先會出現以上嘅情況。

「喂你睇下 ！」

我回頭一望， 海晴仍然企喺原位望住大樓， 佢白晢嘅手指指向六樓， 一面驚訝。 我視線跟著佢嘅手指， 望入圖書館。

書架後面企左幾個人， 呢啲人或胖或瘦， 著咩衫嘅人都有， 手中的武器也是五花八門。 他們目光呆滯， 光線射入玻璃窗， 佢地在酷熱嘅陽光照射下機械般向前方行走著， 唔知道想前往圖書館嘅邊一方。

濃密的雲層被強風吹開了一片空隙， 火辣辣的陽光傾洩而下， 原本還在地面上活動著嘅我地馬上行上行人路上面， 搵陰涼地方暫避。 直曬的地面溫度迅速升高，不一會升騰的熱空氣便將地面上的景物變得扭曲起來， 氣溫開始上升， 正常嘅夏天都有3 0幾度。





除了呼嘯的風聲外， 街道上幾乎再沒有其它聲音， 亦都見不到任何活動嘅痕跡。

「唔好再睇啦， 行啦！」 心中嘅不安感越黎越濃， 因為我驚上面嘅人會發現我地， 無論係咩情況我都覺得上面嘅人唔係正常人。

「上面好似有其他生還者， 你覺得我地搵唔搵佢地好？」 海晴企定定係到望住我，

雙眼直直與我對視， 呢一刻我覺得佢望向我嘅眼神異常冷淡， 就好似…

好似睇穿左我講嘅大話一樣， 就好似我令到佢失望一樣。

一時間我心入面泛起一陣怯懦感， 情急與手足無措之下我本能地搶先大叫，

「唔好！ 我地唔知佢地係咩人黎！ 我地去左同madam匯合先啦！」





講完我就行埋去拉佢走， 海晴無再出到聲， 只係任由我拉住佢行。

我放棄左去補給武器， 反正我地手上仲有武器， 我地就咁繼續急步走著， 當走到馬頭圍道同大環道交界時， 我就知道我地已經離目的地唔遠。 轉右之後好快我地就會到達西九龍交通行動基地。 我地見到一間熟悉的綠色加白色同紅色招牌， 個一間就係恆生銀行， 銀行正正就係轉右嘅路口個邊。

我目光落喺銀行門口外面。 個邊歪倒著一個酒瓶， 瓶入面仲有小半瓶混濁的液體。 從酒瓶嘅式樣同已經完全睇唔清嘅商標分辨， 呢枝應該係一瓶有陳舊歷史的酒。

我向酒瓶走去。 只係邁出一步， 我就忽然停住， 眼睛微微眯了起來， 向四面望了一圈。 我的胸口開始發緊， 心跳加快起來， 周身血液不停奔流， 體溫亦在迅速升高。 而我頭皮再次發麻， 毛孔收宿， 心悸嘅感覺再度來襲。 我頭上嘅短髮感覺就似不住起伏著， 似乎被風吹拂起。 而此刻， 根本無涼快嘅感覺。

心中傳黎極度危險嘅感覺， 而且越來越近！

在我腳前的酒瓶前方有一份報紙， 一直凝神注視酒瓶我根本完全沒注意到前方的報紙， 就在我快踏上去的時候。 報紙全無徵兆地離地而起， 斜飛開去。 剛剛平移出半米， 就見到報紙下面嘅野。
報紙下面有一塊木板， 而木板有數枝尖銳嘅鐵釘！ 有人將磚頭撬起， 再喺凹位放置鐵釘， 引誘人踏上呢個陷阱！

「砰噹！」





突然喺銀行入面傳來一陣碰撞與碎裂聲， 聲音唔大但都足夠傳遍整條安靜嘅街道， 突然嘅轉變令我呆左一呆， 我連忙心裡叫自己冷靜， 自己則快步地四周張望走了進去， 只係見到門口嘅櫃員機， 而銀行內部則係空蕩蕩。

「咩聲？ 入面係咪有人？」 海晴仍然企係我後方， 聽到聲音後佢都緊張咁探頭入去睇。

但銀行入面只有一片黑暗。
 
 
 
 
 
 
 
 
 







 
直覺告訴我， 最好唔好走入去。 入面可能極有可能有我地無法面對嘅危險。

但內心話我知， 最好喺依加搞清楚發生咩事， 如果唔係到時敵人喺身後可能會更麻煩。 然而喪屍嘅恐怖， 無人會比我地更加清楚。 經過左感染爆發後， 雖然我已比從前更大膽， 但我再有勇氣， 亦絕唔願意同喪屍呢樣野打交道， 更何況呢到仲唔係措施嚴密的實驗室， 我地甚至一樣簡單嘅防護措施都無。 如非必要我都唔想遭遇喪屍， 天知道呢啲感染者係通過咩方式去傳染， 病毒會係人體入面產生咩嘅影響。

唯一可以肯定嘅就係， 被喪屍咬到嘅一定會被感染。

我繼續打量銀行入面， 正想行入去理清事情嘅來龍去脈嘅時候，

「呃哼哼哼哼───」

「呀───────────！！！」

果然運氣唔好。

入邊傳黎喪屍嘅叫聲， 我心中一邊咁諗， 一邊掉頭行返出大路， 呢個時候聽見身後傳黎海晴嘅驚叫聲， 我即刻向海晴跑過去， 見到海晴用正用地拖叉住一隻穿著西裝上班衣服嘅喪屍， 弱不禁風嘅雙手僅僅頂住喪屍嘅心口。 充滿血絲嘅雙眼狠狠瞪向海晴， 雙手雙腳不停瘋狂移動想食左海晴！

海晴被突如其來嘅襲擊嚇倒， 口中甚至講唔出任何野， 只能害怕地抱住地拖棍奮力頂住喪屍， 我馬上走上前拎刀由下至上插去喪屍頸部， 正當刀快到喪屍嘅時候， 喪屍竟然極快發現我， 轉頭向我呢個比較近嘅獵物！ 我見喪屍向我撲黎， 即刻向後跳退幾步， 但右腳差啲踩入去個陷阱！

右腳腳踝叉錯左入去個凹位， 我馬上踏出左腳嘗試攞返個平衡， 好彩及時企返好， 無踩到去鐵釘上面。 但右腳好似咬左柴， 唔到我再諗， 喪尼已經再次撲到黎。 將我撲倒地下， 血眸瞬間近在眼前， 濃濃嘅腐臭味隨之而來。

「吼啊啊啊啊啊啊啊啊──！！」

「呀！ ！！」

呢一刻我極度害怕喪屍咬落黎！ 怕得只有不繼揮刀想插死眼前嘅喪屍！

一諗到自己好快會被咬死， 再次孤獨一個。 恐懼感又開始湧上黎。

唰！

黑色污血噴向我面頰。

唰！

雙手被濕潤嘅血沾污。

唰！ 唰！ 唰！ 唰！ 唰！

唔知插左幾多刀， 喪屍嘅雙手終於垂落我身旁， 整個喪屍嘅身體都壓係我身上， 佢已經完全死透。

「夠啦。」

海晴低聲咁安慰我， 精緻嘅面孔出現係我驚慌嘅雙眸中。 佢慢慢咁拉低我緊緊握住刀嘅右手， 佢雙手好凍， 因為緊張而全身體溫升高嘅我覺我好舒服， 慢慢咁冷靜左落黎。

喪屍已經被我插到條頸如爛泥， 頭部快同身體斷開。

「多謝你幫我。」 海晴態度相度認真， 但我唔識點反應。 好快佢就扶左我起身。

我地兩人轉而向右邊走去。 我已經根本唔準備再理留在銀行同市政大樓入面嘅人， 一心只係想要盡快到警署同大家匯合。

岩岩係我第一次如此接近危險。 唔計喪屍嘅話。

我四處張望， 本來應該空無一人嘅街道後方出現一隻隻零星嘅喪屍， 部份到處撞向牆壁遊蕩， 部份係行人路上面慢慢移動， 睇黎岩岩嘅喪屍係由街道後方過黎， 而佢係第一個到同發現我地嘅喪屍！ 

剛才插死喪屍後， 心中頓時出現一種前所未有嘅疲累感。 而見到身後再有喪屍， 全身因為大量搏鬥而出現嘅酸痛， 令我心中產生一種無力感。 我粗略望向後方， 身後最近嘅喪屍距離我地至少有一百米， 而我睇到嘅喪屍至少有十幾隻， 甚至乎可能更多。 加上寬敞嘅街道上面毫無可以掩護同躲藏嘅地方， 而且街上無車可以被我地用黎遮掩， 如果被喪屍發現， 就只能拼命跑。