《屍寂九龍》─ 無法治癒嘅病毒喺香港爆發四小時後， 一群生還者合作逃出生天: 迫近
我與身後三人都有幾級距離， 為嘅就喺有足夠距離支援。
軒少舉高手掌， 我哋就停低。
前方正喺大大隻字印住， 「G」。
海晴將光照向左邊， 卻見唔到出口。 我聽到身後有幾下腳步聲， 陳晉快步走落黎，
「有人封咗防火門！」 門前面有一張書桌同數個飲水機嘅大水樽， 白色嘅書台就係個種辦公室入面嘅電腦台， 依加正正擋喺防火門前面， 台上面擲住幾個水樽， 有人曾經喺到塞住道門…
「搬開佢。」 權哥留低一句， 就踏上前走向書台。 陳晉聽到後就走向書桌另一邊， 軒少則搬開台上嘅水。
「好q重呀……」 軒少埋怨道， 手腳卻無一絲緩慢。
「踏踏────」
「喂… 你聽唔聽到上面有人…？」 軒少突然停低， 一面認真閉起眼。
「咩話？」
「踏踏──── 踏踏踏踏───────踏踏──────」
「呃…… 呃咳哼…………」
上面有腳步聲...
仲有... 低吟聲...
就好似喉嚨入面有野卡住般， 咳唔出又吞唔落， 原諒我用字未能形容呢一刻嘅叫聲， 因為聲音好快就突然加大！ 總之依加佢哋就係發出極其恐怖嘅叫聲！ 其中甚至混合住高八度嘅尖叫聲， 令我想掩住耳仔！
「吼呱呀******！！！！！！」 「呼呱哇啊啊啊啊啊啊！！！！！──呃呱唧啊啊啊啊啊啊啊！！！！！！」
「吼嘔嘔啊啊啊啊啊！！！」
「仆街！ 走！ 走呀！」
「咪撚搬啦！ 直接推走佢！」 軒少呢個時候已經估唔上保持安靜！ 直接一下就推跌曬水樽， 發出極其響亮嘅回音！
「扑嗵， 呯呯──呯呯呯呯────」
「快啲推開張台啦！！」
「佢哋黎緊啊！！！」 電筒照上去， 樓梯中有好多黑影， 瘋狂移動！
黑影雙手不停喺到fing！ 倒影正正一時擴大， 一時縮小！ 頻繁咁移動！
「吼吼吼啊啊啊啊啊啊啊啊啊啊啊啊啊啊啊！！！！！！！！！！ 」
「呀！！！！！！！！！！！！」
「頂！ 點解喪屍尖叫， 好鬼恐怖！」 我頂唔住奇怪嘅尖叫聲， 忍唔住破口大罵埋怨一下！
「幫手啦妖！」 軒少一邊跑去台邊， 一邊一手拉我衫尾過去， 我差少少失平衡跌黎， 向後撞嘅時候正好望到樓梯上面。
樓梯中間有一個空位可以比你望到最頂層， 我見到一張血紅嘅面孔正詭異睇住我哋！
「頂！！」 我跑去陳晉個邊， 用力一齊推走書台！
「佢哋黎緊呀！」 海晴喺旁邊大叫， 我回頭望上去樓梯， 甚至已經見到血色面孔走到上一層樓梯！
「啊！！」 權哥出力一推， 張台終於開始郁！
「嘞嘞嘞嘞……」
「出力呀！ 仲未開到門！」
「軒去頂住！」 軒少馬上拎起警棍， 走去海晴身前， 「你去幫手！」
「嗄呀！！」 權哥同陳晉加上我， 三人喺書台左邊一齊用力推！ 但奈何將台好似痴實個地下一樣， 只係發出刺耳嘅沙沙聲， 與石屎地面不停磨擦， 卻只喺郁得少少！
應該張台放咗喺到一排！ 書台底已經壓實住地下， 要好大力先推得開！ 不過一推郁個開頭， 後面就會推得容易得多！
但依加集三人之力根本都推唔郁！
「頂！」 我暗罵一句， 再背靠書台用盡全力頂過去。
「比個位我！」 權哥突然後退， 我同陳晉聽到後即刻退開少少比權哥， 佢助跑幾步後， 用右邊肩膀一下撞去書台！ 「喝！」
「呯───！」
「喀嘞───」
權哥劇烈碰撞落去書台到， 終於推開咗少許距離！
「快！ 繼續推！」 我同陳晉馬上再次出力， 書台好快被推離防火門。
「夠位啦！ 拉開道門！ 出去！ 出去！」 海晴馬上走去空隙中拉開門。
陳晉立刻走出去， 接著到海晴， 我都馬上企返起身走出去。
我頂住門， 差權哥同軒少未走！
我哋三人喺門另一邊， 只差一門之隔望住昏暗後樓梯。
「軒！」 權哥企喺門旁邊， 大叫軒少。
「碰！」 軒少揮棍擊走第一隻跑到嘅藍衫警察， 男人喪屍被一下推走。 軒少趁呢下反作用力， 馬上轉身跑過黎。
「呯！」 防火門馬上應聲關上， 緊緊合上門。 下一秒傳黎喪屍叫聲， 然後就喺逐漸密集嘅拍門聲。
「呯呯！ 呯呯呯呯呯呯啪啪啪啪啪啪啪啪啪啪啪啪啪啪啪」
「吼啊啊啊啊啊啊啊啊啊啊啊啊啊啊啊啊啊啊！！！！！！！！！！！」
我望住防火門， 慢慢退後遠離道門， 走向旁邊牆壁休息。
防火門出黎之後係望不見盡頭嘅漆黑走廊， 只餘下一盞天花板嘅微弱燈光。
「呼…」 我靠上牆壁休息一下回氣。
「好險… 嚇死我啦…」 海晴走過黎我身旁。 我抹一抖汗， 先發覺整個背脊都已經濕透。
「呯！」 突然隔離有人撞上牆壁！ 我嚇一跳望向身邊！
只見軒少同陳晉推埋一舊！
「你條死差佬又話上面無屍！」 軒少一下推陳晉埋牆， 一手鉗實佢肩膀！
「軒！」 權哥出聲喝止軒少。
係喎… 陳晉明明話過查咗樓上， 應該喺無喪屍架… 但佢無理由想害我哋， 佢都同我哋一同行動！
陳晉半挨喺牆， 蠟起嘅頭髮早已由汗水而遮蔽著佢前額， 令人看不清佢嘅神情。
我同海晴都轉過頭， 望向低頭不發一言的陳晉。