我:「食完啦,我地繼續行啦 」 執拾餐具,準備扶永芹起身。

永芹:「坐下先啦,咁急,對腸胃唔好咖。」

我:「好,望住個大海,講個秘密俾你聽。」

永芹:「咩秘密呀?」

我:「我諗我搵到我想要既幸福。



永芹笑之餘,語氣認真咁問我一個問題。

永芹:「真係唔覺得係累贅?」

我:「我諗係人夾人既,正如有人唔介意我天然Kai,仲要同我咁投契,呢個就係最好既緣份,我點會介意佢有瑕疵?」

永芹:「抄邊套愛情劇既對白呀?冧死人

我:「呢d對白係我度咗好耐,一直等緊我既公主,親口同佢講。最近見到,咪打算將呢d塵封已久既對白一次過曬冷。



永芹:「成日話我個名好正,我都唔覺得咁正:

我:「芹 呢個字不得了。有個詞語叫[芹藻],古代喻才學之士,如果一個人俾人用芹藻黎評價,係無比既榮耀。有個詞語叫[芹意],微薄既情意。詩句都有,根據《吕氏春秋》講,“菜之美者,雲夢之芹。”總之我認為叫得芹既人,必定係與眾不同

永芹:「點解你識咁多既?」

我:「因為我Google緊lor

永芹:「哈哈。」



我:「如果個名有個芹字,真係型爆,如果有個女朋友叫芹芹,真係好威水呀。」

永芹:「堅唔堅呀,哈哈。」

我:「我條女叫芹芹。齋講出黎都型棍。點都好過什麼欣欣婷婷一百倍啦。」

永芹:「咁,雅輝都幾好聽既。」

我:「永芹。」

永芹:「雅輝。」

我:「永芹。」

我:「天天say,封封寫埋六百句的我愛你,于永芹



我:「不如我地搵日去沙灘行下,玩下水

永芹:「真咖?」

我:「係呀,我帶你去呀。」

永芹:「你唔驚俾人笑咩?拖住個睇唔到野既女仔。」

我:「呢個世界得我同你咋嘛,邊有人其他人?邊度呀,你捉佢出黎呀

永芹:「玩下水,咁我屋企都有泳池既。」

我:「如果我嫁俾你,算唔算係嫁入豪門? 」



永芹撲哧一聲,笑左。

永芹:「點解咁講。」

我:「嘩,成個泳池你睇曬,大生意黎咖。」

永芹:「搵日你黎我屋企,陪我玩下水

我:「好,咁不如我地家陣試下跳舞,好冇?」

永芹:「我唔識咖。」

我:「哦,唔緊要,因為我都唔識咖。我見電影入面既橋段,月色當前,點都要跳返part舞助興,冧女必備wor。

永芹:「你唔驚俾人笑咩?我地喺度跳舞,俾人見到會覺得好奇怪咖。」



我:「都話呢個世界得我同你,邊有其他人。」

話口未完,我已經雙手捉住永芹雙手,輕輕扶佢起黎,當然,我都留意到左右隔離冇人經過,於是我開始輕輕舞動身體,我見d交際舞好似一隻手攬住對方既腰,另外一隻手伸直捉住對方既手。

我:「郁啦,永芹。

永芹:「我真係得?」

我:「你感唔感受到我對手同身體都郁緊,就係咁郁,然後再黎個公主180度旋轉,電影係咁。」

我:「I don't know about you,But I'm feeling twenty-two!Everything will be alright if……」我清唱起Taylor Swift 既歌曲《22》

見到永芹從驚驚地,腼腆,到開始郁起黎,再到歡愉。






……

Everything will be alright if,
You keep me next to you.

You don't know about me,
But I'll bet you want to,
Everything will be alright,
If we just keep dancing,
Like we're, twenty-two, twenty-two!

……




當然,我口裡說唔介意人地點睇,但見到有人行近,舞同歌隨即暫停。


原諒我都好怕醜,但為咗永芹可以開心,怕醜我都願意嘗試


永芹:「咦,停咗既?」

我:「sweet得濟,我對腳痹咗,等等我,調整返再跳。

永芹:「下,你冇事呀嘛。」

我:「冇,冇事。」等d人行遠,我繼續捉起永芹既手跳舞。

我:「Yeah! We're happy, free, X,
And lonely in the best way,
It's X and X.

Oh yeah! Tonight's the night when,
We forget about the heartbreaks,
It's time, uh-oh!。」


歌詞中既X即係我唔識讀,然後哼唱過去 亦令我頓悟,冇料就唔好學人唱英文歌,唔識跳舞又要抄電影橋段。

但永芹好受落,我諗我又成功策劃一野浪漫情節 跳完一小段原創新式舞蹈,我輕輕攬住永芹。


我:「無論我地屋企人係咪反對我地交往,希望你唔好忘記林雅輝講呢個人。」

永芹:「做乜冇啦啦講呢d既?」

我:「如果我地決定拍拖,我地對抗既,係成個世界。」

永芹:「咁有你陪我,我都唔驚既。我唔會忘記你,因為你喺我身邊。」

我:「攬住你好舒服,你好好攬,導演話呢個moment錫一啖好冇?」

永芹:「嗯。」

我:「伸舌頭得唔得?」

永芹:「未試過。」

於是我用盡畢生既激情咀埋去永芹嘴唇度。
已有 0 人追稿