[惡搞無極限] 就係咁，我同幾個豬朋上左大陸獵金: ４　爺爺

到我十六歲果年，我第一次帶女朋友見我爺爺，呢一年，爺爺都好似以前嫲嫲咁，對腳有事出入要靠輪椅，但係佢神智就好清晰。 

仲記得探佢果陣，佢同我講左Ｄ野：「賢仔，你爸爸既死唔係咁簡單架，我想你親自去查一查，我對呢件事都係一知半解。你爸爸係大陸都有Ｄ　物業，同留低左幾箱金比你，等你大個左，有Ｄ　實力既時侯，就上去啦，但要小心上面果Ｄ　人好狼死架。」 

講完呢段話之後就比左張寫左個地址既紙仔比我，然後再補充幾句：「到時你去搵一個叫『時興隆』既人，不過都唔知到時仲有無呢個人既存在。」 

時興隆？個名都改得幾好ＷＯ，Ｄ　小朋友聽到呢個人一定會講句「謝謝」。

而十六歲果一年，爺爺都走埋。 





兩老留低既說話，我到而家都仲記得，只係，我無太大既動力去做。

爺爺比個張紙，我將佢摺到細一細咁放入我個鏈咀度。