[惡搞無極限] 就係咁，我同幾個豬朋上左大陸獵金: ５　好兄弟

我無咩動力去查既原因有三個。 

第一我又唔係等錢開飯既人，第二而家既錢都足夠我養家，第三我邊有能力應付果班爺爺話好狼死既人。 

而以上既事，我同左我兩位好兄弟講過。 

佢地都同我既諗法一樣，只係多左一條：「當你要上去攞金既時候，一定係你山窮水盡之時。」 

佢地講既又有佢地既道理既，但如果到果個時候，我一定會打電話比呢兩個兄弟，叫佢地陪我一齊去。 





但係個兩條友仔就話，到時我一定會山窮水盡到連電話都無得用。

我真係頂佢地兩個個肺。