話說有一日,佢話想打邊爐,約左我去一個大排檔度,仲話叫埋我果兩個兄弟,人多可以叫多D野食。 

咁我當然話好啦,起馬佢痴起上黎都有兩個兄弟幫下手,雖然我都知果兩條友一定會企埋一邊食花生等睇戲。 

佢今次又好正常咁搵好晒地方,仲特登開左個打邊爐WHATSAPP GROUP,SD 晒地點啊,時間啊,餐牌果D出黎,而我睇到 MSG 後,我果兩個兄弟都不約而同咁SD 左MSG比我問:「喂,阿嫂今次點解咁正常既?」 

「嫂你條命!我點撚知佢點解無啦啦咁正常。」

「咁今晚去唔去好啊?」 





「佢都開晒GROUP啦,你地班友仔唔去,想我死啊。」 

「咁你死前還返我先前借你個幾百蚊先好斷氣啊。」 

「仆你個街!」 

「你再講粗口我唔去架……」 

我真係睬佢地都有味。





其實佢突然間咁正常,我都有少少唔慣,但係我迎住今晚一定會有D 野發生,都係返屋企拎定D 胡椒噴霧自保先得。
已有 0 人追稿