我拍過幾次拖,而家呢個女朋友,係我最想飛果一個。 

唔係因為佢係港女或者係豬西,而係我發現我呢位女朋友係有少少痴線。 

我講緊既唔係話佢做埋晒D 白痴野,而係佢做果D 野唔係平常人會做。 

就好似平常人去搭LIFT咁,你地都會好平常咁行入去架啦,而佢每次就好似奧運體操隊上身咁,下下都要打幾個筋斗彈入去,大佬啊,第一次睇就拍晒手掌話好姐,第二次見到就會覺得柒,第三次既話,唔只做果位本人,就連同陪同身邊既人都會柒埋一份囉。 

我唔係無同佢提過分手架,但次次提次次都會見血,絕對唔係佢鬧自殺,係佢不停咁襲擊我。 





去到最後我都怕左唔再提分手,只可以做D 衰野整到佢飛左我,但係每次佢都以為我同佢係玩緊遊戲。 

聽到呢度你地可能會問,咁點解當初會溝呢條女,

我果兩位兄弟都有問過。
 

「其實你點解當初會追阿欣?」我個女朋友叫阿欣。 

「果陣因為佢D行為得意,一齊果陣又剌激嘛。」我答。 





「咁如你所願啦。」 

「但無諗過咁誇張嘛。」

而我呢位女朋友,係我上去大陸獵金既其中一條導火線。
已有 0 人追稿