[惡搞無極限] 就係咁，我同幾個豬朋上左大陸獵金: １１　我碟魚蛋

係呢個時候，我即刻向我果兩個兄弟打眼色求救，但係果兩個死仔剩係係度忍笑，一Ｄ想幫手既意慾都無。 

我硬住頭皮舉起隻手，眼角已經見到頭先個紅毛啤緊我，呢一刻，我幾想我係一個無手既野，咁我未唔駛舉手示意個伙計過黎啦。 

但可能我平時做得善事多，係我就快伸直我隻手之際。 

「小姐……妳叫果碟魚蛋……」好彩個伙計及時救左我。 

但係，當我以為今次過到骨之際，點知係一場大戰既爆發。 





「我仆你個街！」其中一邊有個人唔知扔左Ｄ咩野出黎，又唔岩打反左阿欣叫個碟魚蛋。 

阿欣望住每一粒魚蛋，由個碟入面跌到落地下，Ｄ魚蛋仲要落地後彈黎彈去，有Ｄ仲要彈到阿欣既腳邊。 

我果一刻不知幾想地球既地心吸力調轉將Ｄ　魚蛋跌返入個碟度。

「一粒……兩粒……」阿欣低著頭，望住地下Ｄ魚蛋，而我同我果兩位兄弟都會意到，金翅仆街鳥。