阿欣今次又企左起身,唔同既係佢隨手拎起左個吉樽,一野爆左佢後就指住頭先扔野過黎個方向,大聲咁問:「係邊撚個仆街阻9住阿姐食魚蛋既!」 

係,無錯,佢平時D粗口一向都好流利,但係,呢個唔係今次既重點。 

我同另外兩位兄弟見到,9都縮埋,而我果兩位兄弟仲加多句:「唔好意思咁多位大佬,我兩個搭枱架咋,唔識佢地兩個架。」 

我聽到後呆撚左望住佢地,你兩條友仔,走時走叫埋我啦,留我係度把撚咩。 

個紅毛望撚住我,「兄台!你條女都幾爆下WO!」 





我當時不知幾想答,係啊,你岩用拎去駛啦。 

但我個腦都未LOAD 得切講咩,阿欣已經飛左另一個吉樽去個紅毛度,仲要好準咁爆左落紅毛個頭度。 

「黎啊!邊個想爆光既就過黎!我呢度成幾筒吉樽!一定夠爆晒你地咁多個!」

我面青口唇白咁望住阿欣,心諗,妳幾時拎埋旁邊個幾筒吉樽過黎架。
 

「呢位阿姐!妳係未想……」剛才其中一個大佬輩野都未講完,阿欣就飛左個樽過去。 





而另一邊果位大佬見到,笑左出黎,「哈……」之後阿欣又飛左個樽過去。

「邊個出聲我就爆邊個!」阿欣已經進入左瘋狂狀態了。
已有 0 人追稿