[惡搞無極限] 就係咁，我同幾個豬朋上左大陸獵金: ２０　落茶餐廳食個沙爹牛先

又訓多左兩個鐘頭，起身個陣頭有Ｄ痛，可能因為訓得太多既關係，個肚空虛感勁大，所以出左去廚房度，睇下有無Ｄ咩野可以整黎食…… 

頂，呢排唔記得入貨添，得返包餅係個櫃入面。 

咁無計啦，唯有換衫落去下面買野食啦。 

我是但咁整一整訓到亂晒既頭，換左套衫就落左去樓下個茶餐廳到坐。 

「靚姐，快餐，沙爹牛面，茶走，唔該。」

叫左我一向食開果Ｄ　野後，我就開左個ＷＨＡＴＳＡＰＰ　黎睇，又係百幾個ＭＳＧ，都係阿欣ＳＤ　過黎。 

見佢ＳＤ　咁多ＭＳＧ，我點都要覆下佢既。 

阿賢：食左野未啊妳？

阿欣：食緊拿，同緊班朋友分享緊尋晚發生緊既趣事

阿賢：（笑），咁妳班ＦＤ點樣反應啊





阿欣：佢地話下次叫埋佢地一齊去玩ＷＯ 

我其實一直都懷疑阿欣講緊果班ＦＤ，係未係青山入面讀書架，佢講到咁仲要答佢下次要一齊去玩。 

「靚仔，你個餐到。」個靚姐放低左我個餐，我都放低左部電話食野。 

我真係好鬼鐘意呢間茶餐廳，服務又好，上野又快，最緊要係Ｄ伙計個個都好誠實，而家我呢Ｄ靚仔，唔係人人識欣賞架。 

食食下，我開始發覺附近有個阿叔開著部電話大大聲係度睇緊片，有Ｄ公德心好ＷＯ，睇片唔該帶返個聽筒啦。





但係聽Ｄ聲，片入面Ｄ對白咁熟既……