[惡搞無極限] 就係咁，我同幾個豬朋上左大陸獵金: ２１　真係比人放左上網

「拿，我而家點左你相架拿，片都有埋，一陣我就放條片上網，各位巴打見到呢條撚樣就幫我打佢啊。」我見住個阿叔睇緊條片。 

「拿，我而家點左你相架拿，片都有埋，一陣我就放條片上網，各位巴打見到呢條撚樣就幫我打佢啊。」佢阿叔笑到仆街咁款，然後又再睇多次。 

我放低左手上面叉住塊好腍既牛肉既叉，慢慢企左起身望住個阿叔。 

「拿，我而家點左你相架拿，片都有埋……」我無謂打多次比人話我呃字數，然後我慢慢咁行近埋去個阿叔度。 

「屌！呢條ＯＮ９仔真係好ＯＮ９，比人追仲要比人拍左片放左上網，有無咁撚ＯＮ９既人架。」個阿叔係度笑笑口咁講，然後又睇多次。 





我聽到個阿叔咁講，個膽怯左怯，但係都決定走到個阿叔旁邊問個阿叔：「阿叔，睇緊咩野咁開心啊？」 

個阿叔無轉頭望住我，佢只係好專心咁睇果條片，「無，你睇下呢個ＯＮ９仔，真係好撚ＯＮ９。」 

我目光開始又阿叔個身上移到落佢部電話到。 

ＳＨＩＴ！！！！！！ 

「最衰條片唔清，唔係就認到條友係咩野樣。」個阿叔講完又睇多次條片。 





就算條片唔清，我都覺得好撚大鑊。 

「阿叔啊……條片，係邊度搵到架。」我問個阿叔。 

「哦，ＴＨＩＳＡＶ嘛。」

ＷＨＡＴ　ＴＨＥ　ＦＵＣＫ！！！估唔到我比人拍左片後會放左係ＴＨＩＳＡＶ囉！